عندمآ يتشآبـﮧ إلگل أتميز { أنـــــآ .!

[O-DODY-O]

تعرفو الحلو في المدونه الاقي فيها كل ايامي

كل شي عن نفسي انا ما اعرفو اصلاً

قررت اني اخليها زي ما هيا وما اقفلها

[O-DODY-O]

[O-DODY-O]

ما احب اني احب غيرك ~ حبيبي ~

[O-DODY-O]

الله يخليلي مامتي

وماماتكم كلكم يارب

[O-DODY-O]

أحَب ًآشآغًبَ وآقعَيَ آلمرَ بالآحًلآإمَ...
يمَكًنَ آرًش شَوًي لوآإقعي سَسكًر~.

[O-DODY-O]

إهتمامك بي هو نصف سعآدتي وجودك معي هو كل ما اريد

[O-DODY-O]

انا لما انام 8 ساعات هاذي تعتبر غفوه بالنسبه ليا

يعني النوم الطبيعي عندي 17 ساعه

اذا مره مره ما طولت 12 ساعه

المهم اوقات انام يوم يومين عادي ترا ذا شي طبيعي بالنسبه ليا

مره لما كنت سنه 3 ثنوي

يوم الاربعاء المهم طبعاً من الطبيعي ادعس نوم يوم يومين

وانا لما انام مستحيل اتحرك

كنت نايمه فجأه اسمع صياح ورجه

فتحت عيني بالقوه لقيت امي تبكي وتصرخ تقول بنتي ماتت

وكل اهلي عندي

هههههههه

انا انفجعت حسبت احد مات

المهم اقول ايش في

وامي تبكي وتصرخ عليا

وتهزني بقوه تقولي قومي حسبناكي متي

وانا مفجوعه ايش فيهم ذولا الناس ما يخلو الواحد يتهنا بنومو

امي تقولي سارلك يومين نايمه

ايش ذا ؟؟؟ ذا مو نوم ذا مرض

وتصرخ في وجهي

ههههههههههههه

كانت تبكي وحالتها حاله بس شافتني صحيت قامت تصرخ عليا

[O-DODY-O]

اهئ اهئ اهئ

انا يارفيق في مشكله كبير

الدرجااااااااااات وما ادراكم ما الدرجات


نزلت ويااااااااا ليتها ما نزلت

معقووووووله كل درجاتي 70 ؟؟؟؟ ما عدا الاحصاء لسا ما نزل


يارب امطر عليا درجات لا اعلم ماهو مصدرها

وانا والله من اول ما دخلت الثنوي وانا ما اتعدا الـ/ 70 مستحيل مستحيل اجيب 80 احلم فيها والله <اتكلم عن النسبه انا

يااااااااااااارب نجحني في كل المواد وسهل عليا التخرج من الجامعه بسرعه بسرعه من غير ما احس

امين يارب العالمين ويا ارحم الراحمين

[O-DODY-O]

يوم الاحد ااااااااااااااااه كان يوم ألييييييييييييييييييييييييييييييم,م,م,م يارب ما ينعاد


الله لا يوريكم

انجنيت انا

دحين من الطبيعي الانسان لما يطالع في المرايا بيشوف نفسو <لا بيشوف ظلو

المهم انا زيي زيكم

طالعت في المرايا اشوف .....!؟؟

اشوف نص وجهي بس.... و الباقي مشوه مو قادره اشوفو عدل

طبعاً انا انفجعت

ورحت اطالع في مرايا ثانيه

لقيت نفس الشي

حسبت اني انعميت

ولا دخل فيا جني اعوذ بالله من الشيطان الرجيم

ورحت عند امي كان عندها حرمه

وجلست

قلت لأمي انا دايخه و...... انفجرت بكا

وبعدين كملت قلت اشوف نص وجهي بس ما اشوف النص الثاني

وانفجررررررررت بكا

امي انجنت مسكينه

وتجري زي المجنونه وفجعت اخواني خلتهم يجرو زي المجانين وبسرعه بسرعه ودوني المستشفى

رحت وانا بموت من البكا

والدكتور يحاول يهدي.... بس بلا فائده

يقولي لا تخافي ان شاء الله بسيطه

وكشف قلي لا تخافي بس التهاب حاد في الجفن .... وانا انفجرت بكا <هههههههههههههه

وجننتو مسكين

قلي عن الادويه بس على سريع

ما استوعبت ولا شي

(انا من النوع اللي استيعابي مرررررررررررررره بطيييييييئ

لازم تعيد الكلام 20 مره عشان استوعب)

المهم رجعت عدت كلامو <بإسلوب استفهام؟؟؟

الادمي يحاول يمسك اعصابو وشرح بس بلا فائده <المخ مقفل

وجننت اخويا كمان

عادولي الكلام مليون مره <بس برضو بلا فائده

[O-DODY-O]

ههههههههههههه

والله خايفه ربي يبلاني ببنت زيي


مسكينه امي والله كل مره اجننها

اتوقع لو حرمه ثانيه هيا امي راح ترميني من الشباك وترتاح مني

هههههههههههههه