لكل الطالبات الي استبعدوهم من الانجليزي

[sosa20o0o5]

اول شي السلام عليكم ورحمة الله وبركاته كيفكم حبايب انا عارفه انو حالتكم زي حالتي محتارين وما تدرو اش تسو وطفشانين وكذا بس انا حقولكم اني اليوم رحت الجامعه وقابلت الدكتوره رندا الشيخ وكانت مرره عسل معايا طبعا اول ماسألتني ليش تبغي تدخلي انجلش بالانجليزي مو بالعربي وانت تجاوبيها بالانجليزي طبعا المهم قلتلها هدفي وطبعا انا مختله عندي شرطين من شروط القبول في القسم عشان المعدل مهو المطلوب ولا الكا1 بس الكا2 ممتاز طبعا شويه تأيدك وشويه تحببببببببببببطك المهم انها قالتلي يوم السبت اول يوم في الدوام تجو عشان تعرفو مكان وموعد الاختبار ويوم الاثنين الاختبار وحيكون تحريري تقولك يجيبولك موضوع وتكتبي مقاله عنو وهم يشوفو الاسبيلنق حقك والقرامر والجمل ترتيبها وهل هيا موفيده ولا لا ومنها يشوفو تجتازي الاختبار ولا لا والي تجتاز الاختبار كمان لها اختبار شفوي عشان يشوفو تعرفي تتكلمي ولا لا ولله يعين هي تقولي بالعربي احنا ماندخل في القسم الا الي تكون تب في الكلام والكتاااااااااابه اهم شي فإشرايكم انو كلنا نشمر عن ساعدينا بما انه لسا في وقت ونذاكر ونشد الحيل شويه عشان نخل القسم الي احنا نبغاه والله ييسرلي وييسرلكم وسامحوني طولت عليكم بس حبيت تعيشو معايه اش الي صار بالضبط وللفايده وشكرا

[ورد الانصاري]

يعني لازم ندخل معهد اقل شي 5 مستويات عشان نعدي دا الاختبار الله يعين بس ...

[اسوووومه]

مالت عليها والله دام فيها تحريري انا انصدمت اكثر لانهم نصابين ما خلوني اراجع ورقتي الفصل الاول وش يضمن لي
الحين هم صادقين او لا وبعد اختبار ورا اختبار الله ياخذ هالجامعه ياجعله يجيهم سيل ويشيلهم ويعرفو ان ربي حق الظالمين

[ورد الانصاري]

المشاركة الأصلية كتبت بواسطة اسوووومه مالت عليها والله دام فيها تحريري انا انصدمت اكثر لانهم نصابين ما خلوني اراجع ورقتي الفصل الاول وش يضمن لي الحين هم صادقين او لا وبعد اختبار ورا اختبار الله ياخذ هالجامعه ياجعله يجيهم سيل ويشيلهم ويعرفو ان ربي حق الظالمين

اسووومه لاتدعي ع احد ..حتى لو ظلمك ادعي انو ربي يفرج همك ..

حاولي طيب تخشي معهد لو 3 مستويات ...وان شااء الله تعدي في الاختبار

[اسوووومه]

انا عندي دبلوم انجليزي لكن هم نصابين الفصل الاول ضلموني وشلون اصدقهم الحين يارب اشو فيهم يوم

[miss D!3]

مع اني شاطره بلأنجلش الحمدالله

لكن مع كل هاذي الشروط والاختبارات احس"بجيب العيد"

اختبار اكتب مقال..وإذا اجتزتهـ..اختبار شفوي..ومدري اش يطلع لنا شئ جديد بعدها..

وربي اخااف من الربكه انطم ومقدر اقوول كلمه..واطلع كأني وحده بنقاليه

ما اقول غير الله يعين..ويفرجها عننا كلنا احنا البنات المظلومين

ويحاسب ربي اللي كان السبب..

سؤال يا سوسا يا قمر..

متى قصدها الدكتوره اي سبت بنروح ..هاذا الجاي ولا بشوال..ولا متى بالضبط..؟؟

ويسلموووو ع الخبريه..

بالتوفيق للجميع

[راعي الاشجان]

اهئ اهئ اهئ


الله يحطها في وجيهم

كثرووو دعاوي بس

[بنوتة هلالية]

لااازم مااحد يدخل هااادا القسم الايكوون فاااهم كل شي
طيب في نااس عندهم طموح يدخلوة ويطوروا نفسهم

[TOTO111]

بالله ياsosa
انا رحت كلية الاداب بس مالقيت راندا وين قابلتيها اظن هيا رئيسة قسم اللغات الاوروبيه صح؟

[atyaaaf]

اش الصعوبه هذي مقال مره وحده والله تعقييييييييييييييييييييييد وانا اش يعرفني المواضيع اللي حيجيبوها لنا معروفه وسهله ونقدر نعبر عنو انا متاكده انها حتكون صعبه مووووت بعد ولااااااااا بعده اختبار شفوي كمان الله يشيلهم ياشيخه (مرفوووووووضين مرفووووووضين الله يعييييييييييين) بديت افقد الامل فهالتخصص يمكن لنا خير في تركه الله يكون فالعون بس لاحول ولاقوة الا بالله الله حسيبهم كان وقفوا فوجهنا وعقدونا ندفع فلوس وماندخل اللي نبغاه اش هذا ياربي حسبي الله ونعم الوكييييييييل فيهم