د. سوسن خوجه :(

[نونا *_*]

السلاام عليكم ورحمة الله وبركااته

انا مررره شايله هم الكيمياء الحيوية

اللي تدرسني طلعت سوسن خوجه

والله مو فاهمه ولا حاجه ولا عارفه من فين اذاكر

ادتنا ملزمة بس مو فاهمه احفظها يعني ؟؟

مررره مو عارفه شي وبعدين احس صعب اني احفظها

بليز ساعدوني عشان ابدأ اذاكر


((بنات اللي عندها السلايدات حقها تحطها مو راضية تدينا ))

[mika]

كوول واحده ترا تشوف الأستازه بمنظورها الخاص يعني في بنات يفهموا على الأستازه و في بنات مايفهموا والأغلبيه مايمدحوا سوسن يمكن أنتي تكوني من البنات اللي يفهموا عليها فلا تكرهي الماده من الأستازه و أن شاء الله يصرلك خير وعلى المزاكره عندك الملزمه أول شبترين تقريبا أغلبوا اخدناه في التحضيري أرجعي لمحاضراتك أمممممممم وترا هوا بس أول شبترين من الملزمه اما البقيه من الكتااب وبالتوفيق قلبو ^_^ ترا حتى أنا أستازتنا بتكلمنا كاننا دارسين الماده من قبل الله يعين بس

[rnooma]

ألحرمة دي شرحهاااااااااااا مرة باااااااااااااد
حتى انا مني فاهمة منها شي

بس بدي اعرف في اختبار دا الاسبوع
لاني انا رجلي انكسرت واخدت اجازة اسبوع وبدي اعرف:(

[R-Kh]

اسئلتها ما تخرج عن الملزمة
صح انا معاكم هيا تقرا ما تشرح :s
بس اسلئتها واضحة
احفظوا ويمشي الحال
..

[ترانيم الكفاح]

بالنسبه لي لما درست الكيمياء الحيوي كنت مع هاله سنبل وسوسن عبد الرحيم
بس مع انهم استاذتين الا اني كنت احاااااول اني افهم

وبصرااااااجه اغلب الاستاذات بيدرسونا وكاننا فاهمين ولنا خلفيه عن الموضع الله المستعان والانجليش كمان

يعني كفايه انو مو لغتنا على قولة دكتوره سهيره

الاستاذات ما عندهم اسلوب مع انهم متعلمات وشاطرات بس ينقصهم الاسلوب وهذا العيب الاكيد في استاذات الجامعات

انت خلي عندك مترجم وترجمي كل كلمه بس عشان تفهمي ولا تتكبري وتقولي انك فاهمه مو لازم مترجم وتقارني نفسك بالبنات

انت ساعدي نفسك اول سنتين وكانك طفل سنه اولى وبعدين حتكوني شاااااااطره

اول فصل اذا ما غيروها حيتكلم عن الماء ونسبته في الجسم والعناصر الضروريه والغير ضروريه

واذا قدرتي تنزليلي المحاضرات وانا افهمك

وبالتوفيق يالغاااااليه

[ترانيم الكفاح]

المشاركة الأصلية كتبت بواسطة rnooma ألحرمة دي شرحهاااااااااااا مرة باااااااااااااد حتى انا مني فاهمة منها شي بس بدي اعرف في اختبار دا الاسبوع لاني انا رجلي انكسرت واخدت اجازة اسبوع وبدي اعرف:(

سلااااااااااامتك اجر وعافيه :)

[مجهول1408]

الله يعينك
حاولي تفهمي من الملزمة و اذا ماقدرت تفهمي نقطة معينة حطي سؤالك على المنتدى وإن شاء الله احاول اجاوبلك عليه اذا فتحت المنتدى

[نونا *_*]

المشاركة الأصلية كتبت بواسطة mika كوول واحده ترا تشوف الأستازه بمنظورها الخاص يعني في بنات يفهموا على الأستازه و في بنات مايفهموا والأغلبيه مايمدحوا سوسن يمكن أنتي تكوني من البنات اللي يفهموا عليها فلا تكرهي الماده من الأستازه و أن شاء الله يصرلك خير وعلى المزاكره عندك الملزمه أول شبترين تقريبا أغلبوا اخدناه في التحضيري أرجعي لمحاضراتك أمممممممم وترا هوا بس أول شبترين من الملزمه اما البقيه من الكتااب وبالتوفيق قلبو ^_^ ترا حتى أنا أستازتنا بتكلمنا كاننا دارسين الماده من قبل الله يعين بس

الله يسمع منك ويوفقك

[نونا *_*]

المشاركة الأصلية كتبت بواسطة rnooma ألحرمة دي شرحهاااااااااااا مرة باااااااااااااد حتى انا مني فاهمة منها شي بس بدي اعرف في اختبار دا الاسبوع لاني انا رجلي انكسرت واخدت اجازة اسبوع وبدي اعرف:(

الله يعيننا بس

اذا انتي من اللي شعبتهم من 11 ال 12 في اختبار الربوع

وسلااامااات

[نونا *_*]

المشاركة الأصلية كتبت بواسطة r-kh اسئلتها ما تخرج عن الملزمة صح انا معاكم هيا تقرا ما تشرح :s بس اسلئتها واضحة احفظوا ويمشي الحال ..

إن شاء الله بس تكون اسئلتها سهلة

عندنا كويز الربوع وحشوف طريقتها