اللي يساعدني ولو بكلمه أسأل الله أن يجعل له من كل هم فرجا ومن كل ضيق مخرجا

[أحلام طفله]

ياجماعة الخير والله إني ضايعه وماني فاهمه شئ أرجوكم أفيدوني ولو بالقليل ..


أنا ذحين خلصت الترم الأول خطه أ ولله الحمد والمنّه ..

طيب وبعدين ايش اسوي ؟؟

أسجل من جديد للترم الثاني وإلا خلاص أعتبر مسجله ..؟؟

والرسوم كيف أدفعها لازم أسجل من جديد وأدفع رسوم ؟؟


وإذا كان فيه تسجيل / هل بدأ التسجيل ولا لا ؟

وكيف طريقة التسجيل أروح للجامعه نفسها ؟؟

طيب فين أرووح ؟؟

وإلا يكون عن طريق النت ؟؟

وفي أي موقع ؟؟


ياعالم والله ببكي من الهم .. مشتتة وماني فاهمه


وسؤآل آخيررر


عندي بنت خآلي تبغى تسجل إنتساب .. وهي أساساً مادرست الترم الأول .. هل التسجيل سنوي وإلا لا ؟؟



أسأل الله لي ولكم التوفيق والسدااااااااد

[بــنــت الــوطــــن]

والله مدري يااختي للرفع

[أحلام طفله]

للرفع

[نور الأمل^_^]

أختي احلام طفلة مع بداية الترم الثاني الجامعة حترسلك مسج على جوالك عشان تسددي رسوم الترم الثاني فقط وبالنسبة لقريبتك يقولو في الموقع انو مافي تسجيل بس سمعت انو في تسجيل من عند الرجال والله اعلم..

[احلم بي الانتظام]

ياقلبي عليكي انا افهمك انتي خلصتي الترم الا فات خطه أ هتبدئي الترم الثاني خطه ب اربعه مواد سهله وخفيف مرررره واحلى من خطه أ بكثييييير مو ضروري تسجلي ثاني لمن يبدء الترم الثاني عادة تسددي رسوم الترم الثاني من البنك تروحي على سداد بعدين جامعة الملك عبدالعزيز وبعدين المبلغ واذا تحبي اطبعي الوصل وابدئي الترم الثاني عادي
ان شالله تكوني فهمتي واي سؤال انا موجوده
جواب على سؤالك عن بنت خالتك مافي تسجيل بين الترمين تنتظر لين بدايت الترم وتسجل
شكررررا على الدعوه والله محتاجتها مرره

[أحلام طفله]

نور الأمل والله كفايه إسمك اللي يشرح الصدر

طيب متى أبدأ أسجل وكيف أسجل ؟؟

عن طريق النت وإلا الجامعة ؟

[نور الأمل^_^]

المشاركة الأصلية كتبت بواسطة أحلام طفله نور الأمل والله كفايه إسمك اللي يشرح الصدر طيب متى أبدأ أسجل وكيف أسجل ؟؟ عن طريق النت وإلا الجامعة ؟

تسلمي يالغالية .. مافي تسجيل خلاص حالتك منتسب مستمر التسجيل بس في البداية

[أحلام طفله]

احلم بالأنتظام / ياشيخه روووحي عساااكي تصيري انتظام اليوم قبل بكرررررره ياارب

طيب ياقلبي يعني مافي تسجيل ابداً عن طريق النت أو الجامعه فقط دفع رسوووم ؟؟؟

يعني ذحين بس اجلس استنى من يرسلووا ع الجوال لدفع الرسوم ؟

[albukhmm]

المشاركة الأصلية كتبت بواسطة أحلام طفله احلم بالأنتظام / ياشيخه روووحي عساااكي تصيري انتظام اليوم قبل بكرررررره ياارب طيب ياقلبي يعني مافي تسجيل ابداً عن طريق النت أو الجامعه فقط دفع رسوووم ؟؟؟ يعني ذحين بس اجلس استنى من يرسلووا ع الجوال لدفع الرسوم ؟

السلام عليكم ورحمة الله وبركاته
الله يجزاكي بالخير على الدعوة الرائعة لنا ولكم يارب في الساعة هذه الممطرة

ثانيا:::::::الاموووووور بخير يااختي منتي ضايعة ولا اي شي
الانتساب هو كدة.....يحسسك انك تايهة لكن الوضع تمام
ثالثا:::::: مافيش تسجيل زي ما افادة اختنا لكي.انتي خلاص مسجلة بالجامعة يعني جامعية الى التخرج ان شاء الله
رابعا::::: الرسوم تسدديها اذا ارسلوليك على الجوال او اذا دخلتي صفحت الاودوس بموقع الجامعة وتروحي على الجدول الدراسي وتلاقي في بياناتك مكتوب طالب غير مسدد في هذيك الحالة تروحي البنك وتسدديهم وراح يوصلهم على طول ولاتشيلي هم كيف اعرف وماكيف...لانه السيستم مرتبط دايركت في ملفك.وكله يبان مع تنزيل جدول الفصل الثاني
خامسا::::بالنسبة للتحويل من انتساب الى انتظام انا ماعندي خبر صحيح..بس كله يبان من اول ماينزلوا الجدول بتاع الفصل الثاني.
سادسا::::بنت خالتك ان شاء الله القبول راح يكون مع بداية السنة القادمة واحنا وانتم بصحة وعافية.
سابعا:::دعواتك الطيبة

وتمسوا على خير

تحياتي

[أحلام طفله]

نور تسلمي ربي يشررررح صدرك ^^