الاخوة اللى طابقوا قبل كذا الاوراق المطلوبة للإعفاء (إستفسار)

[تعبت اصبر]

بسم الله الرحمن الرحيم
السلام عليكم ورحمة الله وبركاته


طلبوني لمطابقة البيانات للإعفاء

الرجاء طباعة هذه الاستمارة واحضارها مع صورة لكل من المستندات التالية والأصل للمطابقة:

الهوية + كرت العائلة.
كشف درجات.
تقرير طبي معتمد وبتاريخ حديث في حال وجود مرض أو إعاقة.
عقد الايجار موضح به مبلغ الإيجار (في حال كان المنزل مستأجر).
إفادة بالراتب + كشف البنك يوضح تحويل الراتب لآخر ثلاثة أشهر.
افادة من المؤسسة العامة للتأمينات الإجتماعية تفيد بعدم اشتراك الطالب أو ولي أمره (في حال اختيار الدخل صفر ).


ملاحظة: حسب الشروط واللوائح الخاصة بالجامعة، فإنه في حال عدم مطابقة الأوراق للبيانات المدخلة في الاستمارة الخاصة ببرنامج المنح فسيتم إحالة الطالب إلى اللجنة التأديبية بعمادة شئون الطلاب.


الناس اللى قدموا الاوراق قبل كدا وتم إعفائهم
انا هذى الاوراق المتوفرة لدي

الهوية + كرت العائلة.
كشف درجات.
عقد الايجار موضح به مبلغ الإيجار (في حال كان المنزل مستأجر).
إفادة بالراتب + كشف البنك يوضح تحويل الراتب لآخر ثلاثة أشهر.

بالنسبه لعقد الإيجار لازم اصل ؟
وهل لازم تتوفر فيا جميع المتطلبات ...؟

واللى قدم اوراق قبل كدا ياريت يقلي إيش صار معاه وإيش الاوراق اللى قدمها

[بنت المدينة المنورة]

وانا كمان نفس السؤال

[عيـوٍن مغليهآإ ~]

بالنسبه لعقد الإيجار لازم اصل ؟

مآ أظن لكن للإحتيآط خذهـ معك ..~

وهل لازم تتوفر فيا جميع المتطلبات ...؟

اذا قصدك كل الأورآق الي طلبوهآ ,, مو شرط لأن بعضهم بيت ملك مآ بيضطر يجيب عقد إيجآر ..~

امآ انآ قدمت لكن مدري احتمال الموعد الاحد ..~

[تعبت اصبر]

طيب يحتاجوا أصول كل الاوراق يعني اصل كرت العائلة ؟

واصل عقد الإيجار

وكذا يعني ...؟

[بنت المدينة المنورة]

يا جماعة انا ما اقدر اروح الجامعة واضرب مشوار وآخر تها يمكن ما يجيني الاعفاء وانكسح

المهم اتصلت ع العمادة وقالي مو مشكلة تقدري ترسليها بالـ dhl طيب جهزت كل اوراقي بدون الاصول لان صعب ارسل اصل هويتي وبطاقة العائلة !
المصيبة الأكبر ان شركة الـ dhl مقفلة يوم الجمعة وانا موعدي بكرا !!


ايش الحل ؟

[تعبت اصبر]

المشاركة الأصلية كتبت بواسطة بنت المدينة المنورة يا جماعة انا ما اقدر اروح الجامعة واضرب مشوار وآخر تها يمكن ما يجيني الاعفاء وانكسح المهم اتصلت ع العمادة وقالي مو مشكلة تقدري ترسليها بالـ dhl طيب جهزت كل اوراقي بدون الاصول لان صعب ارسل اصل هويتي وبطاقة العائلة ! المصيبة الأكبر ان شركة الـ dhl مقفلة يوم الجمعة وانا موعدي بكرا !! ايش الحل ؟

كلميهم واشرحيلهم وضعك لوتقدرى حتى انك ترسليلهم على الفاكس او الايميل شوفي هما ايش يقولولك ولا عاد شوفيلك احد تجي معاه لجده يوم واحد وترجعوا

[اْسيل الهاشمي]

دحين لازم كل الاوراق الاصل


طيب اللي اصل عقد الايجار ضايع ايش يسوي ؟

[عبيطة]

انا نفس سؤالك بالضبط ...

وموعدي بكرة والى الآن ماقد طلعت تعريف بالراتب وكشف الثلاث شهور..

واذا ارسلتهآ لهم ,, متى بيجيني الموافقة >>انحرقت اعصابي من الانتظار ..

=(

[تعبت اصبر]

والله ما ادري وانا كمان موعدي بكرا

لكن باخذ معايا تعريف بالراتب وكشف الحساب والبطاقة وكرت العائلة
عقد الإيجار باخذ صورة واللى يصير يصير
بتحججله أي حجه الأصل عند المالك وخلاص

[tota7]

انا عن نفسي اليوم رحت ..
لازم الاصل مع الصوره عشان يطابقوها
وبالنسبه لعدد افراد الاسره
من باب الاحتياط خذوا معاكم صور من هوياتهم
<< انا رجعت اليوم بسبب هالشي
قالت لي جيبيها بكره لازم
ربي يوفق الجميع :)