الجميع يتفضل اخوكم محتاج مساعدتكم

[الماجد 123]

اخواني انا شخص ماعرف بالمقدمات فالذلك بدش في الموضوع على طول

انا قررت اسجل بالجامعه بس بصراحه محتار بين نظام الانتساب او التعليم عن بعد

والموضوع الثاني وهو الاهم وش افضل التخصصات انا مابيكم تقلون لي انت وميولك

انا ابي تخصص يضمن لي وظيفه وبس بغض النظر عن ميولي ميولي تحددها الوظيفه

انتظر مساعدتكم وارائكم المهمه جدا بالنسبه لي

وبانتظاركم

الماجد 123مشاهدة ملفه الشخصيإرسال رسالة أكاديمية إلى الماجد 123البحث عن المشاركات التي كتبت بواسطة الماجد 123البحث عن المواضيع التي كتبت بواسطة الماجد 123إضافة الماجد 123 إلى الإتصالات الخاصة بك

[doctor9]

تعليم عن بعد
تخصص نظم معلومات ادارية او موارد بشريه
بس لازم شروط حتى تحصل وظيفه حلوه

تكون فاهم فالكمبيوتر وعندك شهادات علميه فيه

[الماجد 123]

المشاركة الأصلية كتبت بواسطة doctor9 تعليم عن بعد تخصص نظم معلومات ادارية او موارد بشريه بس لازم شروط حتى تحصل وظيفه حلوه تكون فاهم فالكمبيوتر وعندك شهادات علميه فيه

الف شكر ياخوي وماقصرت مو مشكله ناخذ شهادات كمبيوتر اهم شي نكون بوظيفه حلوه بس وانا اخوك المشكله الاخت الغامدي تقول ان التعليم عن بعد مو معترف فيه وش رايك في هالكلام

[برتني]

انا اقولك انقلش ... لانه التخصص الوحيد اللي يقبل في ديوان الخدمه المدنيه لطلاب الانتساب واعتقد التعليم عن بعد راح تطبق عليهم نفس الانظمه !!

[الماجد 123]

المشاركة الأصلية كتبت بواسطة برتني انا اقولك انقلش ... لانه التخصص الوحيد اللي يقبل في ديوان الخدمه المدنيه لطلاب الانتساب واعتقد التعليم عن بعد راح تطبق عليهم نفس الانظمه !!

الف شكر وماقصرتي فعلا الانقلش تخصص رائع ومن ضمن التخصصات الي انا افكر فيها

طيب وباقي التخصصات ماتقبل في ديوان الخدمه المدنيه ليش طيب ليش يدرسونا انتساب والتخصصات ديوان الخدمه المدنيه مايعترف في هالتخصصات

بصراحه ظلم

[alghamdi_]

ياابني الله يوفقك ويسعدك سمعت ف القناه الاولى السعوديه ان اي دراسه بالنت باقي ماصارت معترف فيها وانا مااعرف هل التعليم عن بعد هم دراسه الكترونيه ام لا بس اكيد انت تعرف بس اللي متاكده منه انه ماهو معترف فيه
واحس افضل تخصص للانتساب الاداره العامه لانه اشمل تخصص
بس الله يوفقك ويقدم لك اللي فيه الخير وبسال اخوي وارد لك ان شاء الله بس اذا تاخرت بالرد لاتحقد وتدعي علي
الله يوفقك ويسعدك بالدارين

[الماجد 123]

المشاركة الأصلية كتبت بواسطة alghamdi_ ياابني الله يوفقك ويسعدك سمعت ف القناه الاولى السعوديه ان اي دراسه بالنت باقي ماصارت معترف فيها وانا مااعرف هل التعليم عن بعد هم دراسه الكترونيه ام لا بس اكيد انت تعرف بس اللي متاكده منه انه ماهو معترف فيه واحس افضل تخصص للانتساب الاداره العامه لانه اشمل تخصص بس الله يوفقك ويقدم لك اللي فيه الخير وبسال اخوي وارد لك ان شاء الله بس اذا تاخرت بالرد لاتحقد وتدعي علي الله يوفقك ويسعدك بالدارين

الف الف شكر يااختي والله يجزاك خير ويوفقك ويرزقك من حيث لاتحتسبي

يعني التعليم عن بعد مو معترف فيه الحمدلله انك خبرتيني قبل لاتهور واسجل فيه

طيب الاداره العامه تبع اي كليه

ولو تاخرتي بالرد ماراح احقد عليك بالعكس ولا شي يكفيني كلامك هذا الي فعلا افادني وبين لي اشياء كثير
ومع ذلك انا طماع منتظرك تسالين وتردين لي خبر ولك دعوه صادقه في ظهر الغيب

بالتوفيق والسعاده وطول العمر على سعيك في الخير

[! سلطـــان !]

بعد اذنك اخوي الماجد

بس اللي متاكده منه انه ماهو معترف فيه

اتمنى لا احد يجي ويشتت الاعضاء الي ما عنده معلومة من مصدر ويكتب لنا المصدر لا يكتب لنا من وكالة سمعت وقريت وشفت

التعليم عن بعد معترف فيه لا وابشرك مستقبله راح يكون افظل من الانتساب مع وضع لائحة التعليم عن بعد من وزارة التعليم العالي

يعني وزارة التعليم العالي بتحط لائحة مكونة من عدة بنود بناء ع دراسات واجتماعات وبالاخير ما يعترفون فيها ؟؟

ترى ملينا من هذي الاسطوانه معترف وغير معترف

،

،

عجبني بموضوعك اخوي الماجد هذي الجمله :


انا ابي تخصص يضمن لي وظيفه وبس بغض النظر عن ميولي ميولي تحددها الوظيفه

صدقت والله الدنيا تغيرت صارت الوظيفه تحدد ميولنا بعد ما كان العكس

عموما قبل كل شيء تأكد ان رزقك الي ربي كاتبه لك راح تاخذة مهما كان تخصصك يعني انت توكل ع الله اولا وثم ابدا بالبحث عن الاسباب

اللغة الانجليزية تخصص جدا ممتاز وانا انصحك فيه مره ومرتين وثلاث

بعدها ادارة الاعمال ويجي تحتها ثلاث تخصصات تسويق وموارد بشريه وقانون وممكن يفتحون تخصص نظم معلومات

واقرى ردي بالاعلى بخصوص الاعتراف بالتعليم عن بعد

جامعة حكومية تقدم برامج تعليمية غير معترف فيها ؟؟ اجل الطلاب الي سجلوا وانا من ضمنهم مضحوك عليهم ؟؟

التعليم عن بعد معترف فيه من وزارة التعليم العالي باقي الاعتراف من الخدمة المدنية وهذي صرح فيها مدير الجامعة د اسامة طيب وقال انها مجرد اجراءات ومع تخرج اول دفعه بالتعليم عن بعد راح يتم الاعتراف من وزارة الخدمة المدنية لان مافي طلاب اصلا تخرجوا من التعليم عن بعد عشان يعترفون فيها يعني مسألة وقت

التوجة الان للتعليم الالكتروني وانت استخير وشوف الي يناسبك

بالتوفيق

[الماجد 123]

[quote=! سلطـــان !;3814701]بعد اذنك اخوي الماجد



اتمنى لا احد يجي ويشتت الاعضاء الي ما عنده معلومة من مصدر ويكتب لنا المصدر لا يكتب لنا من وكالة سمعت وقريت وشفت

التعليم عن بعد معترف فيه لا وابشرك مستقبله راح يكون افظل من الانتساب مع وضع لائحة التعليم عن بعد من وزارة التعليم العالي

يعني وزارة التعليم العالي بتحط لائحة مكونة من عدة بنود بناء ع دراسات واجتماعات وبالاخير ما يعترفون فيها ؟؟

اشكرك اخوي سلطان على اهتمامك وعلى ردك والله يجزاك كل خير ويجعل كل كلمه تقولها وتفيد فيها المسلمين في ميزان حسناتك لاننا فعلا محتاجين امثالك اخوي سلطان في المنتدى لانك شخص صاحب تجربه وتملك الخبره الكافيه ويكفي انك في موقع الحدث وانا مثل ماذكرت لك احنا كمبتدئين نجهل الكثير والكثير عن هالامور ووجودك ياخوي سلطان يساعدنا في تحديد اختيارتنا
وبالنسبه للناس الي يشتتون الاعضاء صدقني وانا اخوك هي يمكن اجتهادات منهم وسعي منهم في الخير لكن احيان تكون غير صائبه بغير قصد منهم ولكن بالنهايه هي سعي في الخير واجتهادات نشكرهم عليها وندعي لهم عليها واما اذا كان قصدهم تشتيت الاعضاء ونوايهم تكون سيئه فصدقني ربك راح ياخذ حقنا منهم وراح يحاسبهم على كلامهم وعلى كذبهم على المسلمين وعلى تسببهم بضرر اخوانهم واخواتهم ويكفي دعوات المظلومين الي حتكون عليهم (انا ماقصد اي عضو في هالكلام انا اتكلم بشكل عام) انا معك اخوي سلطان في مواضيع مصيريه مثل هالمواضيع المفترض اي شخص قبل يذكر كلامه يكون جايب مصدره ولابد المصدر يكون مصدر موثوق ومسؤل لان هالامور هذي فيها مستقبل وفرص حتضيع وحياه حتكون مختلفه بسبب كلام هالشخص
وبالنسبه للاخت الغامدي هي ادلت بدلوها في هالموضوع وقالت الي شافته والي سمعته وسعت في الخير وصدقني ياخ سلطان هي قصدها فعل الخير ومساعده اخوانها واخواتها الاعضاء وماتقصد ابد تشتيت الاعضاء فنشكرها على ذلك وندعي لها بالتوفيق ويكفي اهتمامها فجزاها الله عنا كل خير

اكرر شكري لك مشرفنا سلطان ودعوه صادقه لك في ظهر الغيب بالتوفيق والبركه وطول العمر

[alghamdi_]

اقسم بالله اني سمعت في التلفزيون السعودي انه مو معترف فيه وانا مادققت ع اسم اللي قال الكلام لانه كان بوقتها مايهمني و يمكن يقولون لك معترف لكن بالنهايه بتندم صدقني ان متاكده ومو قصدي اشتتك لاني الحمدلله اتمنى الخير للجميع وخصوصا للاولاد والبنات اللي بيسجلوا ف الجامعه
الاداره العامه ياابني تابعه لكلية اداره واقتصاد الله يوفقك ان شاء الله وتدرس بافضل الاقسام وتلقى احسن الوظايف وتعيش حياتك مرتاح الله يسعدك ان شاء الله ياابني