استفسار عن المبنى

[julie lulie]

السلام عليكم
انا جديده بالجامعه وهدي اول سنه ليا فيها
بدرس بحي السليمانيه
بس ابا اعرف هوا في مبنى خاص للسنه التحضيريه ولا ايش ؟ فين اروح بالضبط مني عارفا
ومكتوب ف الجدول مبنى a ولا مبنى b
فين الاقيهم دول ؟
لان ولا وحدا من صاحباتي زيي. هما ارقام
. وكمان لمن رحت اليوم سالت بنتين ما عرفوا. قالوا مافي كدا. المفروض يكون ارقام !!

[julie lulie]

بلييييييز احد يساعدني. ما داومت اليوم عشاني مني عاااارفا شي :s

[نوره الغامدي]

اذا تقدري نزلي جدولك هنا عشان افهم :/

يمكن يكون قصدك أدوار المبنى نفسو!؟


شوفي هذا الرابط فيلو شرح جميل و واضح للجدول
http://www.skaau.com/vb/showthread.php?t=425215
::


بحاول أساعدك بس انتي نزلي جدولك و ان شاء الله خير , لا تقلقي عزيزتي و لا تخافي =)

[شناشن]

يااا عسسسل انتي في السلامه مو في السليمانيه السليمانيه المباني ارقاااااااااااام اما في السلامه حررررروف
انتي تاهيلي

؟؟

[julie lulie]

انا عشاني فاتحا من الجوال. ما اقدر انزل صور
بس بقول لك كيف مكتوب
مثلا المبنى 00a غرفه 103a

ايوا انا تأهيلي

[نوره الغامدي]

امممم طيب شوفي كلام الأخت ( شناشن ) ..

انتي فـي فرع السلامة , صح ؟ لانو السليمانية المباني بالأرقام عزيزتي مو بالحروف ~

تأكدي من الفرع اللي بتدرسي فيه , الرئيسي ( السليمانية ) , و لا ( السلامة ) ؟؟


::


بالتوفيق =)

[julie lulie]

انا لمن قدمت اوراقي قالوا لي اني ب السليمانيه
طيب دحين ابا اتاكد. من فييين اعرف اي فرع

[نوره الغامدي]

و الله يا اختي اللي اعرفو انو التأهيلي فـ الفرع مو فـ السيليمانية =(

اما كيف تتأكدي ؟ بصراحة ماعندي اي فكرة ...

::


الله معاكِ

[julie lulie]

طيب شكرا :(

[شناشن]

أختي نفس حالتك وهي في السلامه طلعت وهي في الاصل اختارت السليمانيه الله يوفقكم انتي الحييين في السلامه يعني تبدا تداومي في السلامه