ياقهري قهراه :) البنات السوال معه اجابته والشباب سوال من برا الكتاب

[RiSk]

السلام عليكم ورحمة الله وبركاته

انا ملاحظ من بداية الاختبارات البنات يازين اسئلتهم والشباب ماكلين هوى

ياخي ماهيب حاله هذي

اذا فيه دكتور هنا ( ياخي حس فينا ) مو معقوله ترص دين امي بسوال ياحبيبي احسه انه من مقرر ارتيريا ولا من قواه هالوجه طاقني 60 سوال يعني انت تتوقع اني بحل نصها ؟؟؟ مريض ؟

هالحين ياحبيبي انا من ناحيتي مابي اسافر برا ولا ابي شي

حتى الجواز فكرت اقطعه وووظيفه فيها لغة انجليزي ياحبيبي مو في حاجتها
انا الي قاهرني شي واحد

واحد طقطق معه لغة انجليزي اربع سنين وبعدها حضر ماجستير وجاك يتفلسف والله يوم اشوف السوال احس بيني وبينه سوء تفاهم ؟؟

يابن الحلال ارحم من في الارض يرحمك من في السماء

والبنت يطقونها بسوال يجيب العافيه

بالله هذا سوال

what is your name

ولا بعد حاطين لها

......my name is يعني بس حطي اسمك
صح الجنس الناعم نحترمه ونقدره بس مو لهالدرجه
والجنس حقنا ليه ملعون خير هو ؟؟؟؟؟
ياخي في الشارع تطلع من الجامعه فيه واحد ينتظرك عند الباب ياحبيبي خذ قسيمة موقف غلط ؟؟

وتطلع تمسك خط تلحق دوريه تفتيش .؟...؟
وتطلع على الدايري يوقفك الشرطه السريه قسيمه وسرعه

ماهيب حاله والله ترا الانثى هنا محترمه بشكل ماتتصورونه

وحنا ملعون ابو الطيب فينا

ولاحد يتفلسف علي يقول الاسئله سهله

انا فعلا جاوبت على 60 سوال واتوقع اجابتي ضئيله

يحطلك افعال زي بعض يحبيبي افلام كنق فو هيه ؟؟؟ يشطح فيك شطحه

ولا بعد جايني سوال والله العظيم مافهمته ياناس انا فهمت كل الاسئله الا هذا

اختر مادري وش يقصد اندر لين يعني تحت الخط ومعطيك اربع كلمات قلت لواحد في الصاله بالله وش يقصد طبعا دكتور :) بس شكله دكتور علشان يشخبط على الورق بس

قالي تصدق مافهمت بالله اذا هذا دكتور ومافهم اجل اللوح الي على الطاوله شلون يفهم ههههههههههههههههههه

والله اني مضغوط لكن حبيت انزل الي بخاطري هنا

وصراحه انا من الناس المشجين للجنس الناعم من اليوم وفالكم البكالريوس
حتى اسمها ضيعته بغيت اقول الدكتوراه ههههههههه والا الدكتوراه بعد

وفمان الله

[بنت الرياض]

بالله هذا سوال what is your name ولا بعد حاطين لها ......my name is يعني بس حطي اسمك

بالله عليك الكلام هذا بإثبات - يعني فيه بنت معينة قالت لك أنو جانا سؤال كذا ؟؟

ولا من عندك ؟؟

[RiSk]

المشاركة الأصلية كتبت بواسطة بنت الرياض بالله عليك الكلام هذا بإثبات - يعني فيه بنت معينة قالت لك أنو جانا سؤال كذا ؟؟ ولا من عندك ؟؟

هالحين اقول من سهلها يعني هالسوال صيغه للي عندكم :)

وانتي على طول ماشالله عليك ناويه مشاكل هههههههههههههههههههههههه

يبا حقكك علي انا اسف اجل
يمه منكم حتى حقكم منتم راضين تخلونه ههههههههههههههههه

والله يالبنات عندنا ماشالله عليهم

[فهد الفهد]

الاسئله سهله مررررررره وتافهه

<<< امش يالدافوور

والله ماعرفت ولاحرف من الانجلش

لكن على قولة اخوانا المصريين شختك بختك واول واحد طلع انا

مع اني تارك التدخين من زمااااااان على طول اشتريت روثمن وحرق من القهر

ودي اشرب كلوركس بانزين احمرر ممتاز عشان اموووت ويسموني شهيد العلم

خخخخخخخخخخخخخخخخخخخخخخخخخخخخخ

[الغثيان]

والله البنات
دافورات
وخاصة بنت الرياض
والله لف سنبوسة ومذاكرة لا بطنها ولا بظهرها
اما حنا دوام واغراض بيت
وحتى الحلا اللي يلفنه
اغراضة مبلشاتنا فيها
وزود عليها مذاكرة

بس عاد اقول ما شاء الله عليهن
ما شاء الله
ومن شر حاسد اذا حسد

[RiSk]

المشاركة الأصلية كتبت بواسطة فهد الفهد الاسئله سهله مررررررره وتافهه <<< امش يالدافوور والله ماعرفت ولاحرف من الانجلش لكن على قولة اخوانا المصريين شختك بختك واول واحد طلع انا مع اني تارك التدخين من زمااااااان على طول اشتريت روثمن وحرق من القهر ودي اشرب كلوركس بانزين احمرر ممتاز عشان اموووت ويسموني شهيد العلم خخخخخخخخخخخخخخخخخخخخخخخخخخخخخ

هههههههههههههههههههههههههههههههههه

ههههههههههههههههههههههههه

[حجيلان]

هههههههههههههههههههههههههههههههههههههههههههههه هههههههههههه
والله اني ضحكت الين قلت بس تراي ياخوي ماني بعيد عنك حتى واحد من المراقبين واقف فوق راسي والله ياهو قلق مزمن تقول مديني واناسيه وانا والله اني ماعندي نية اني اغش ولو عندي نية مافيه امل انا شوفي على قدي يالله اشوف الورقة ماهوب عاد اقز الي قادمي الله يعين بس
الحين ودي اعرف كم مدة الاختبار ياخي مكتوب ساعتين وهم من يوم راح ساعة وربع وهم شابين علينا باقي ربع باقي عشر باقي خمس تقل قاعدين يحرجون علينا

[بنت الرياض]

المشاركة الأصلية كتبت بواسطة risk هالحين اقول من سهلها يعني هالسوال صيغه للي عندكم :) وانتي على طول ماشالله عليك ناويه مشاكل هههههههههههههههههههههههه يبا حقكك علي انا اسف اجل يمه منكم حتى حقكم منتم راضين تخلونه ههههههههههههههههه والله يالبنات عندنا ماشالله عليهم

طيب ممكن تقول لي أيش اللي جاكم ..؟؟

احنا جانا قطعتين .. تقريبا كل قطعة عشر سطور
وعليها اسئلة تقريبا ماتتعدى العشر اسئلة


بعدين جتنا اسئلة بالقرمر .. ومن بينها اسئلة عن كلمة ومعناها ..


اسئلتكم تختلف عن اسئلتنا ...؟؟؟؟

أبي الاجابة بكل أمانة ... لأني أحتمال أفجّر حزام ناسف بهالموضوع

[RiSk]

المشاركة الأصلية كتبت بواسطة بنت الرياض طيب ممكن تقول لي أيش اللي جاكم ..؟؟ احنا جانا قطعتين .. تقريبا كل قطعة عشر سطور وعليها اسئلة تقريبا ماتتعدى العشر اسئلة بعدين جتنا اسئلة بالقرمر .. ومن بينها اسئلة عن كلمة ومعناها .. اسئلتكم تختلف عن اسئلتنا ...؟؟؟؟ أبي الاجابة بكل أمانة ... لأني أحتمال أفجّر حزام ناسف بهالموضوع

وانتي قاعده تقول جانا قطعتين حسيت الديوان الملكي من نعومة ردك معطينك قطعتين ارض

وخويي يوم قال قطعتين حسين انها قنبلتين :)

ايه جانا قطعتين بس

عليها عشرين سوال صح

والباقي كله قواعد 38 سوال قواعد و2 اختر الي تحت الخط

يابنت الحلال جايبين جمل وليم وهنري

وانا وش درا ابوي عنهم هذولي

هل هم ذهبوا للسوق بالله بغيت ارد عليه اقول ليه مختبر ساحر انت ههههههههههههههههههه

سبحان الله عليهم اسئله مانيب قايل

[ابو تركي 2]

الاسئلة كلها صعبة
لكن البنات اشطر من كثر مايتسدحون على mbc4 الضحى