الله يسعد اللي يجاوبني بسرعه استفسار

[زعلانه :(]

السلام عليكم

دحين في قبول بعد ماحطيت درجة الانقلش كفايات طلعتلي تخصصات اكثر
ابغى اعرف ايش افضل ادارة عامه او ادارة اعمال
وكمان ايش الفرق بين اداره عامه و اداره عامه تنفيذي ؟
وادارة اعمال وادارة اعمال تنفيذي ؟؟

هوا اللي بفلوس ولا انا فاهمه خطأ يعني بالمختصر اش اختار

وماني عارفه في البدايه فين احط درجة الكفايات
بس بعدين قريت ان اسمو ستيب واخترت من القائمة وحطيت التاريخ والدرجه
بس كمان مكتوب يلزم إرفاق صورة شهادة اختبار اللغة مع باقى مرفقات الطلب
من فين اجيب الشهادة هاذي ؟

[طمووح آنثى]

راح آجاوبك ع آخر فقره ..

شهاده الستيب افتحي موقع قياس واطبعي نتيجتك وحوليها( لملف البي دي في ) أو تتطبعيها من زر على الكيبورد ( print screen ) وانقليها لصفحه وورد وبعدين حوليها للملف المطلوب .. هذا اسهل .

.

[زعلانه :(]

شكرا طموح
بس بليز احد يفيدني ايش افضل تخصص اداره عامه او ادارة اعمال

[الماسه*]

مساء الخير انا راي الشخصي ان اداره اعمل افضل اذا كانت عندك خبره لانهم شارطين الخبره حتى لو كان البرنامج عام اما الاداره العامه ماهي شارطه خبره..............
اما الماجستير التنفيذي اعرف ان خاص يعني بفلوس.........
هذا الي اقدر افيدك بيه واتمنى لك التوفيق

[شوق الريم]

,,

الفرق بين الإدارة العامه وإدارة اعمال

بجيب لكـ اقتباسات من خلال بحثي بالمنتدى

ان شاء الله تنفعكـ وفي موضوع لي كان نفس السؤال

وهذا الرابط

http://www.skaau.com/vb/showthread.php?t=537391

ونفس السؤال سألته للاخ أسيرها راح احط لكـ الاقتباسات

المشاركة الأصلية كتبت بواسطة شوق الريم ,, الله يباركـ للجميع ويوفقهم وييسر امورهم حبيت استفسر اخوي بالنسبه لي تخصصي تاريخ وابي اكمل ماستر بس محتارة بين ادارة عامه , إدارة اعمال بحكم خبرتك (ماشاء الله) هل تنصح اتخصص بإدارة عامة أم إدارة اعمال ؟ وشكرا لكـ ووفقكـ الله لما تحب وترضاهـ ,,

وإجابته كانت :

المشاركة الأصلية كتبت بواسطة أسيرها اختي الكريمة الغالية شوق الريم بالنسبة للتخصص يعتمد على هدفك من الماجستير قطاع خاص ماجستير إدارة أعمال قطاع الحكومة ما جستير إدارة أعمال ومع ذلك انا اعمل في جهة حكومية في قسم التطوير والجودة وطالبين موظفين يحملون ماجستير ادارة عامة وكذلك ادارة اعمال لكن من واقع خبرة اتوقع الادارة عامة بتكون اسهل لك لأن تخصصك ما يدعم المواد الكمية بالتوفيق لكِ يارب

وأعذريني ع الإطاله بس حبيت أخدمك لاني كنت مثلك محتاره والله يوفقك