حطووني تأهيلي .. لازم اخلص التحضيري وبعدينا اصير انتظام؟؟

[toofyf]

السلام عليكم
انا موعدي كان يوم التلوت وعلى اساس اني اكون
انتظام وعلمي xd
بس اتفاجئت لمن قالت ليا وحده من المشرفات : ليش ماجيتي من امس؟
امس وقفنا قبول العلمي الانتظام ..
قمت قلت : كيف اجي امس وانتو حاطين موعدي اليوم ؟؟؟؟؟؟؟؟
قالت :والله وقفنا الانتظام العلمي والاداري ومافي غير تأهيلي اداري
امسكي مكان لأنك ماتضمني تجي بوكرا وتلقي ...

المهم قلتلها طيب معليش .. حطوني تأهيلي وعلمي على الاقل مو اداري
قالت لسا مافتحو التأهيلي حق العلمي ومادري ايش
وانو احتمااااااااال يترسل ليا مسج يوم الخميس اني اترشحت للتأهيلي العلمي
فأحسن امسك مكان في الاداري

قمت قلت طيب لو سويت بطاقتي دحين
كيف حأسويها تاني علمي؟؟
قالت عادي>>واتوقع انها تصرفني


المهم هل كلامها صحيح يعني اقدر اعدل بطاقتي للعلمي التأهيلي لو جاني ترشيح
واصلا حيجيني ترشيح بعد ماعملت بطاقتي؟؟
وازا كملت في الاداري التأهيلي لازم اخلص السنه كلها وبعد ما اتخصص اصير انتظام ولا ايش الهرجه؟؟؟؟؟

ترا والله قلبي مرا واااجعني
يعي رايحه ومتعشمه اخرج ومعايا بطاقة علمي وانتظام
وخرجت اداااري تأهيلي كمان

معليش طولت مره

[eyad-shaaban]

بالنسبة للتعديل فـ عآدي تقدري تعدلي .. لأنو انا اول شيئ ارسلولي اني انقبلت إدآري انتظآم طبعآ في السليمآنية

ورحت أخدت بطاقتي وكل حاجة

وبعدها بفترة ارسلولي تاني انو في مقاعد شاغرة وكدا إذا ابا علمي لكن فرع رآبغ .. وأقدر اروح ع الموعد وأحول علمي عادي انتظآم لكن ما روحت

وكمان دحين ارسلو تاني إذا ابا علمي تأهيلي في الفرع الرئيسي وبرضو سحبت لأني ابا إداري

والطريقة حقت التحويل انك تستني رسالة من الجامعة .. وفي حالة انهم ما رسلو

ادخلي ع الموقع واطبعي استمارة ترشيح مرة تانية وراح تلقي انو اتعدلت الرغبات ويكون قبلوكي في مسار تاني

على حسب الرغبات حقتك الي رتبتيها في البداية .. دا طبعا اذا كانت في مقاعد شاغرة وتروحي على الموعد الجديد وتعدلي التخصص

وبالنسبة للتأهيلي .. تدرسي اول سنة بدون مكآفئة .. وبعد كدا على حسب معدلك تدخلي القسم الي تبغيه وتتحولي انتظآم عادي

[toofyf]

أها اها يعني دحينا اقعد استنى مسج الترشيح .. :|
طيب شكرا اخويا والله ماقصرت
وجزاك الله كل خير


يارب يارب يجيني ترشيح علمي

[eyad-shaaban]

يب يب .. تجي الرسالة وعلى طول ارجعي اطبعي استمارة الترشيح

والله يوفقك ان شاءالله :)

[eng-alqaidy]

الله يوفقك لا ماتصرفك ابدا

[medomoon]

يارب يوفقك :)