إختبار إدارة مشاريع

[Charming boy]

السلام عليكم ..

وللأسف حدث ما كنا نخشاة في الإختبار

أسئلة صعبة أخطاء إملائية بالهبل بعض الأسئلة فقراتها ثلاث فقط ! وأسئلة مكررة ! إجابات بعض الأسئلة كلها غلط !
بعض الإجابات تجيك فقرة ج/ لاشيء مما سبق والفقرة د/ كل ماسبق مع العلم أن الفقرة د هي الصحيحة !


بالأخير ما أقول الا الله لايوفقك فواز بخاري :( وربنا ينتقم منك

[هررررم]

وش قصتهم ذا الترم

[stylish402]

انا حطيت الصح والخطأ كلها صح والاختيارات كلها جميع ما سبق
الله يستر بس

[د.طالب جامعي]

اصلا بالرغم من ان المادة متشعبة وغير مفهمومة بشكل واضح إلا أن مدرس المادة وضع أسئلة مايحلها إلا اللي حافظ المادة زي مايحفظ الواحد اسمه..!!

[نائب شاعر]

من اغرب الاختبارات الي اختبرتها بالكليه !!!
والاسأله كلها عباطه على بعضها ....

فواز بخاري \ دررربك خضرررر حبيبي

[طالب ثانوية صناعية]

بجد كلها صح ماعدا رقم 13 خطا

يارجال ربك يسهلها تنفرج باذن الله

[تركي06]

اميـــــــــــــــــــــــن الله لا يوفقه

ليش التعقيد ؟ ليش التكرار؟
لدرجه الصح وخطا كلها من سطرين سطرين !!!

اعيد واكرر الله يسعدكم يالاجانب
هذا حده تدريس خصوصي :(

[sfaham]

السلام عليكم
عزالله انه دكتور مطنوخ

اولا الاسئلة الصح والخطأ كلها صح فيما اعلم
بالنسبة للاختيارات كلها جميع ما سبق
وتراه كاتبها مره ج ومره د عشان ما تصير كلها خط واحد في الورقة خلكم أذكياء
بالنسبة للسؤال اللي مكتوب لا شي مما سبق هذا فيه خطأ وكلكم تأخذون الدرجة كاملة ان شاء الله

أخيرا نشكر الدكتور اللي طلع قول وفعل وبيض الله وجهه ووجه من يقرأ

وتقبلوا تحيتي ،، ،،،

[uw777]

المشاركة الأصلية كتبت بواسطة sfaham السلام عليكم عزالله انه دكتور مطنوخ اولا الاسئلة الصح والخطأ كلها صح فيما اعلم بالنسبة للاختيارات كلها جميع ما سبق وتراه كاتبها مره ج ومره د عشان ما تصير كلها خط واحد في الورقة خلكم أذكياء بالنسبة للسؤال اللي مكتوب لا شي مما سبق هذا فيه خطأ وكلكم تأخذون الدرجة كاملة ان شاء الله أخيرا نشكر الدكتور اللي طلع قول وفعل وبيض الله وجهه ووجه من يقرأ وتقبلوا تحيتي ،، ،،،

معاك ان الدكتور ما قصر الله يعطيه العافيه.

[سلطان السفري]

المشاركة الأصلية كتبت بواسطة uw777 معاك ان الدكتور ما قصر الله يعطيه العافيه.

الدكتور ماقصر بيض الله وجهه...