ايش الحل / التحويل لطب الأسنان [عنوان مُعدّل]

[hyooooon]

اللحين انا يوم سكنت فصل النت وماسوالي حفظ وانا على اسساس انو اتحفظ ومن بعدها ماعاد شيكت الا وقت النول واتفاجات ومعدلي والحمد لله فالتسعينات وقبلوني اداره وانا حطيت قبلها طب اسنان صحه الفم والاسنان ومساعد طبيب انا سمعت انو لازم لمن تحولي يكون معدلك الموزون تقبله الكليه طيب انا معدلي الموزون مقبول لكن زي ماسمعت انو الكليات الصحيه مافيها اماكن شاغره فكيف والله انا مو عارفه ايش اسوي ولا لي رغبه ادرس اداره وماقدر ادرس واضيع على نفسي سنه عشان احول؟!

[hyooooon]

ماحد رد الله الله ابغى افاده والله ماقدر اكمل اداره واقتصاد لانه مو ميولي اعرف نفسي احتمال اسحب ملفي ؟! إدا مالقيت حل

[Dr~NanoOok]

اذا كانت نسبتك تأهلك لدخول الكلية
روحي لعمادة القبول والتسجيل في شطر الطالبات وكلميهم عن وضعك
وإن شاء الله اذا في امكانية يحولوكِ ، في ناس تحوّل بداية السنة

هنا نسب التسكين لهذه السنه
http://www.skaau.com/vb/showpost.php...76&postcount=7

-

اسأليهم افضل واتأكدي
محد حيفدر يعطيك الجواب الاكيد هنا بالمنتدى

بالتوفيق لك وربي يسهلها عليكِ

[hyooooon]

امين يَ رب. الله يسمع منك. ويعطيك الف عافيه ع مجهود اللي تقدميه. لكن امس رحت العماده وكلمتهم وقالوا ماعندنا اي معلومه وفوق دا حنفتح باب التسكين من جديد قريت كثير واالظاهر انو ماحيتفتح للكل ولا كل الكليات حتتفتح لانو ع حسب الاماكن الشاغره زي مايقولوا. فالمنتدى

[Dr~NanoOok]

توكلي على ربك وفوضي امرك ليه وباذن الله يختارلك الخير
تابعي موقع الجامعة واخبار التسكين

بداية السنة الدراسية بيفتحوا التحويل اذا فيه اماكن
وباذن الله ان كان من نصيبك حتلاقي وتحولي

الله يفتحها عليكِ امين

[hyooooon]

امين الله يجزاك خير يارب ويجعلها من موازين حسناتك ..