طلاب قانون دولي الدكتور هشام دهيش شعبة الساعة تمنية

[ساره عليان]

السلام عليكم ورحمة الله وبركاته


اليوم كانت أول محاضرة في الدولي وأنا ما أعرف الدكتور واللي سمعت عنو ما طمنّي !!

الصوت كان مو واضح عندنا أبغى أعرف كيف قسم الدرجات ؟!

قال 40 نصفي و 50 نهائي ، باقي 10 فين طارت ؟! ولا للحضور ؟!!

والبحث اللي 15 صفحة و بدرجتين دا ايش يصير ؟! وكيف بحث اختياري ؟ واللي ما يبا لا يسويه ؟!! ما فهمت انا :( :(


واللي يعرف عنو ، هل يجيب الأسئلة من الكتاب ولا يخرج عنو ؟!

مرررره مرعوبه من دي المادة !!

[نواف النباتي]

هلافيك اختي ساره
بالنسبة للدكتور هشام دهيش
بالسابق كانت طريقة شرحه قراءة الكتاب
وايضا صحيح العيب ان صوته دائم منخفض وغير واضح
ولكن كانت اسئلته عبارة عن صح وخطا
يعني 30 - 30 - 40 مقسمة بين اختبارات دورية ونهائية
الاسئله دائم يجيبها من اللي يقولها بالشرح ويقول مهمة
يعني تابعي الكلام اللي يقول واشري عليه من الكتاب

اسئلته واضحه جدا وكانت تجي من اللي يقولها ويقول حطوا خط تحتها
هو دكتور محترم بالتعامل
ولكن 40 درجة للاختبار النصفي هل هي مقسمة عاختبارين
تكون 20 درجة دوري اول و 20 درجة دوري ثاني
او اختبار واحد 40 درجة !!
لو اختبار واحد 40 درجة اعتقد كثيره جدا
حاولي تتاكدين من الدكتور نفسسه
او ياليت احد الاخوان ( الطلاب ) من الذين عند د. هشام يوضح لنا
لان هذا الدكتور فيه خلاف عليه ولكن اعتقد افضل من د. الداحول


ملاحظة : فيه طالبات قبل اشتكوا من قصر الصوت
ياليت تتواصلون مع المشرفة لحل مشكلة الصوت
لان بصراحة اغلب الكلام اللي يقوله الدكتور هو نفسه الل يجي بالاختبار .
ننتظر اجابة توضح طريقة الاسئلة
موفقة يارب

[ساره عليان]

جزاك ربي الجنة أستاذي ،

اللي سمعتو دحين إنو أسئلتو صارت كلها مقالية ، عشان كدا مرعوبة من فكرة مقالي وعليه 40 درجة مررره مصيبة كدا ..

وبالنسبة لشرح الدكتور ما أظن إنو يقرأ ، لأني لما ركزت في الصوت ما لقيت الكلام نصًا في الكتاب ..


أتمنى يفيدوني الطلاب اللي دحين ياخذو معاه المادة

[نواف النباتي]

المشاركة الأصلية كتبت بواسطة ساره عليان جزاك ربي الجنة أستاذي ، اللي سمعتو دحين إنو أسئلتو صارت كلها مقالية ، عشان كدا مرعوبة من فكرة مقالي وعليه 40 درجة مررره مصيبة كدا .. وبالنسبة لشرح الدكتور ما أظن إنو يقرأ ، لأني لما ركزت في الصوت ما لقيت الكلام نصًا في الكتاب .. أتمنى يفيدوني الطلاب اللي دحين ياخذو معاه المادة

هلافيك
صح انا اشوف كثير 40 ف اختبار واحد
ولكن صراحة اسئلته اشوفها كانت واضحه بالنسبة لـ صح وخطا .
اما مقالي ايضا بتكون واضحه ولكن اتمنى احد الاخوان او الاخوات
اللي جربوا المقالي مع الدكتور يفيد اختنا سارة
ومشكلة الصوت حاولوا تحلونها عشان تستفيدون
المادة بـ 3 ساعات حاولي تحصلين درجة كويسه
موفقة يارب

[طيوفك]

وعليكم السلام ورحمة الله وبركاته

حتى أنا سمعت نفس اللي سمعتيه :)

وللأسف الصوت ماينسمع ..إن شاء الله يتحسن الصوت بالكلاس الجديد