رأيكم في الدكتورات plan b فرع الشرفيه

[lmes]

السلام عليكم .. لطالبات فرع الشرفيه اللي عدو السنة التحضيرية حابة اسألكم عن الدكاترة

إلى الآن نزلتلي دكتورة وحدة إللي هي د.فاتن الحسين
ياليت تعطوني معلومات عنها ورأيكم الشخصي فيها
وطريقة شرحها
وجنسيتها للأمانه شي مهم عندي لأنه تعودي على مدرّسات سعوديات حيسببلي أزمه (:

[الفتاة الغامضة]

أستاذة فاتن هي سعودية ..

بالنسبة لي كانت أفضل أستاذة في الإحصاء في فرع الشرفية .. الحمد لله جبت معاها a+
طريقة شرحها مرة حلو .. و دائما كلاساتها زحمة ..
كويس إنهم حطوك معاها عشان ما تضطري تدوري على دكتورة ثانية ..

[القمر123]

حبيبتي ممكن تقوليلي ايش شعبتهآ ووقتهآ من متى لمتى ويووم ايش ضرووووووري !!

[lmes]

المشاركة الأصلية كتبت بواسطة القمر123 حبيبتي ممكن تقوليلي ايش شعبتهآ ووقتهآ من متى لمتى ويووم ايش ضرووووووري !!

لسا ما حدثت جدولها الدراسي , اخر شي نزّلته كان الترم الثاني السنة الماضية وتقدري تشوفي في موقعها في جامعة الملك عبدالعزيز بإنك تكتبي إسمها في google

[Sona12]

طيب أستاذة هديل الوريثي
ايش معلوماتكم عنها وكيف شرحها ؟؟

[lmes]

المشاركة الأصلية كتبت بواسطة sona12 طيب أستاذة هديل الوريثي ايش معلوماتكم عنها وكيف شرحها ؟؟

د.هديل الرويثي ما اعرف عن تدريسها
لكن اعرف انها خريجة جامعة الملك عبدالعزيز قبل 4 سنوات

[الفتاة الغامضة]

المشاركة الأصلية كتبت بواسطة sona12 طيب أستاذة هديل الوريثي ايش معلوماتكم عنها وكيف شرحها ؟؟

أفتكر بنات كانوا يحضروا السكاشن حقتها وقالوا إنها كويسة ..
عشان ما يقدروا يحضروا مع فاتن بسبب تعارض الوقت أو كلاسات مس فاتن مليانه فما يقدروا يحضروا ..

[Bshbosh]

المشاركة الأصلية كتبت بواسطة sona12 طيب أستاذة هديل الوريثي ايش معلوماتكم عنها وكيف شرحها ؟؟

حتى استاذه هديل كويسه انا كنت احضر لها سكاشن وكنت بيرفكت بس يعني بالنسبه مين افضل اكيد فاتن بالنسبه لي
بس كلهم كويسين الاثنين

[الطموحه470]

المشاركة الأصلية كتبت بواسطة sona12 طيب أستاذة هديل الوريثي ايش معلوماتكم عنها وكيف شرحها ؟؟

راااائعه جدا ممتازه تتدخل المعلومه مزبوووط وكل شي تقولو بيجي ف الاختبار يجي انا كنت معاها وجبت 95 ومو مره كنت اذاكر وحتى اول دوري كلهم يقولو صعب وانا حسيتو مويه عشان معاها👍

[Alosh.M]

مدامكك عند فاتن امكك داعيتلكك ماشاء الله تبارك الله
افضل استاده احصاء فالفرع حبيت الاحصاء معاها
بس مرا دقيقه ع الوقت لو تاخرتي دقيقه م تدخلكك
بس روحها حلوه واسلوبها حلو م تخليكي تنسي الماده