Lab coat & scrub of faculty of Dentistry in details

[Dr~NanoOok]

السلام عليكم ورحمة الله وبركاته



اللاب كوت , ذاك المعطف الأبيض الذي لطالما حلمنا بارتادءه , وكأن الطب هو بلبسه فقط !
وكان يكفينا وقتها ذاك "^^ متناسين الدراسة والمشوار الذي أمامنا لأجله !

اذن ما هي مواصفاته ؟ متى سوف نلبسه ؟ ومن أي لي شراءه و الحصول عليه ؟


تساؤلات أحببت الاجابة عنها , ولأروي عطشًا كان موجودًا بداخلنا

وهنا سأذكر ما أعرفه عن الزي النظامي بكلية طب الأسنان قسم البنات بجامعتنا , جامعة الملك عبدالعزيز


,,,


أول شي فكرت في اسم للموضوع , وما لقيت براسي غير جملة بالانجلش وشفتها أحسن شي
<< ترا الدراسة بالانجلش تشقلب العقل أوقات , وما تخليك تفكر بالعربي صح
بعدين بديت أكتب مقدمة للموضوع , إلا ألاقي نفسي أقلب فصحى و المواهب تطلع "^^
وبنص الموضوع رجعت للعامية وشفتها أحسن شي , خفيفة وسهلة


يعني الموضوع جاي كوكتيل :p
وحاولت أعمل أحسن ما عندي فيه , والأهم يكون فيه الافادة لكم ^_^


________________________________________________







اللاب كوت

وهو الزي الرسمي بالكلية , بعض الطالبات يلبسوا العبايات خلال محاضرات
لكن في المعامل ملزمين يكونوا باللاب كوتات


شكله: مثل اللاب كوتات العادية -زي الصورة اللي حطيتها لكم-
ولازم يكون كبير شوية يعني مو مره ماسك على الجسم (لأنه حيكون بمثابة العباية لك ,فالأفضل يكون ساتر لك)
طوله: تحت الركبة ويصل إلى نصف الساق

أماكن الشراء: في أماكن كثير تبيعه جاهز و أغلب محلات الخياطة تعمله
والجاهز كويس لكن ما عندك حرية اختيار القماش و القياسات والقصة حقته
وغالبا يكون الجاهز أرخص في السعر بكثير عن التفصيل (مثلا: الجاهز بـ 70 ريال - أما التفصيل بـ 120 ريال)

ومن أشهر الأماكن اللي تبيعه: الثوب السعودي - الحسيكي - خياطين شارع باخشب جنب الجامعة
ومحلات بيع الأدوات الطبية


________________________________________________






الطرحة

نلبسها وقت وجود الدكاترة الرجال في الكلية خلال المحاضرات أو في المعامل
وفي العيادات والمستشفى
ومو ملزمين بلبسها طول الوقت , داخل الكلية نكون بدون طرح
وهناك أماكن وممرات خاصة يمشوا منها الدكاترة , وقبل ما يدخل الدكتور يدق على جرس ينبهنا
ولما تسمعي الجرس البسي طرحتك



مواصفاتها: تكون ساترة وليست شفافة
ألوانها: مسموح بـ الألوان الغامقة لكن الألوان الفاتحة أو الفسفورية الللافتة للنظر لأ
لأنه حيكون عندنا دكاترة رجال , وحجابك لازم يكون ساتر ليكِ غير ملفت للأنظار


________________________________________________








السكرب

السكرب بالنسبة للبنات صار الزامي من السنة اللي فاتت
على كل الطالبات لبس السكرب من سنة ثانية إلى سنة سادسة
وفوقه اللاب كوت

وهو مره حلو ولونه قريب من الجينز الغامق حتى ما يفرق كتير
وجدا مريح ومو ماسك وساتر ليكي
لأنه دكاترة رجال يدرسونا لبعض المواد
فأفضل شي ليكِ
وهم عمموا هذا القرار لأنه في بنات تلبس بنطلونات سكيني ومره ضيقة
وتوضح رجولهم ولا يلبسوا بنطلون ستريتش .. وصراحة مره عيب كده

غير انه يريحك من حوسة كل يوم ايش تلبسي تحت اللاب كوت
واذا يوم حبيتي تغيري وتلبسي اي لبس بدل السكرب
مو مشكلة , بس أهم شي ما يكون عندك معمل يومتها

والأحلى بنظري أنه يميز بنات الأسنان من بقية الأقسام
ومعروفين بالسكرب حقنا ^_^

من جد كلية طب الأسنان أروع كلية في الاهتمام بطالباتها ومراعاتهم
عشان كده عملوا النظام دا
والحلو انه في بداية السنة الكلية وفرت السكربات وجابتها لطالباتها
بسعر جدا كويس
لو اشتريتي من بره حتلاقي البنطلون لوحده بـ 160 ريال و البلوزة بـ 100 ريال
<< مو متأكده من الأسعار , لكن لما سألت أول كانوا في دي الحدود
وتلاقوه في محل اسمه "المظهر الطبي" في مركز دانية - شارع حراء __ وفي محل ثاني في شارع صاري تقاطع طريق المدينة اسمه "Timeless" اشياءه حلوة وماركة كندية
ودا موقعهم: urban scrub
لكن الكلية تبيعها لنا البنطلون + البلوزة بـ 99 ريال بس
وهي من ماركة ممتازة ومعروفة وخاصة بالطب تتحمل الغسيل الدائم والتعقيم



وهذا لون السكرب حقنا لكلية طب الأسنان

اسمه Navy




________________________________________



أما بالنسبة للأولاد
فأنا مو متأكدة من لون السكرب حقهم
لكن يقولوا انه يا كحلي أو أزرق سماوي أو بيج



,,,,,,,,,,,,,,




وإن شاء الله تكونوا استفدتوا من الموضوع =)

ولا تنسوني من دعواتكم

[SHOSHO:)]

يسلموووووووووو على الموضوع وربي اتحمست اكثر اني ادخل طب اسنان
ادعيلي يسلموووو مره تانيه

[مَـزٍآج ..}..]

يعطيكِ ألف عآفيـهـ ..

موضوع متكآمل بصراحه ..

بصراحه افكر اسوي السكرب سكيني حركات هههه ..

لون السكرب حلوو بصرااحه ..

تشكراات !!

[mzat kau]

سكرب سكيني كااااااااااااااااااي هههههههههههههههههههههههههههههههههههههههههههههههه



يسلمو يانانوك بس في كم سوال لقافه كدا والله يديكي العافيه مبدعه كالعاده

دحين مسلا لو كان اللاب كوت على الركبه او تحتها بالزبط ها يعتبر مخالف واخد عليع مخالفه لانو عندي مخالفتين ومني ناقصه هههههههههههههه

وع البناطيل السكيني والطرح الفاتحه برضو عليها مخالفه .؟؟؟؟؟؟؟؟؟؟؟؟؟؟؟ ولا بس انو عيب وساتر صراحه استغربت لدي النقطه لانو اكيد حيخالفو وافتكر وحده قريبتي كانت طلاحتها رصاصي فااتح يعني ممنوع ؟؟؟

[د. أسامة]

حلو لون حقين الآولآد حقين طب الآسنــآن ( كحلي ، بيج )

بس ياليت كان زي لون حق البنات

لإن حق البنات ( الجينز الغامق ) أحلى و الله

و مشكور آختى نانووك ع الإبدآع

[الباشا666]

يسلموووو nanoOok
عالطرح الرائع وما قصرتي

[سيلينا]

جزاك الله ألف خير والله يوفقك

[Dr~NanoOok]

أما سكرب سكيني لوووول
هم عاملين السكرب بالعنيا عشان يبطلوا الناس من لبس السكيني
واحنا عنادًا فيهم نعملها :p

والعفوو جميعا =)
ومشكورين على ردودكم وكلامكم الحلو

المشاركة الأصلية كتبت بواسطة mzat kau دحين مسلا لو كان اللاب كوت على الركبه او تحتها بالزبط ها يعتبر مخالف واخد عليع مخالفه لانو عندي مخالفتين ومني ناقصه هههههههههههههه

حياكِ مّزة , واسألي زي ما تبغي

والله هو على حسب اللي تشوفك "^^
أحيانا تكون متساهلة وما تقولك عليه شي وتمشيكِ
لكن البعض تدقق أنه يكون لنص الساق
عاد انتِ خليكِ على النظام أحسن وبلاش حوسة المخالفات
ترى السنة اللي فاتت لما شافوا لاب كوتات البنات قصيرة على طول أخدوا بطاقاتهم الجامعية
بدون ما يعطوهم فرصة انذار أول مره !

ولما سألت ايش يصير يعني لو اخدوا بطاقتي وكتبولي مخالفة
قالوا حتكون زي النقطة السودة في ملفاتكم لما تتخرجوا
وقتها حرمنا نلبس القصير :S

وع البناطيل السكيني والطرح الفاتحه برضو عليها مخالفه .؟؟؟؟؟؟؟؟؟؟؟؟؟؟؟ ولا بس انو عيب وساتر صراحه استغربت لدي النقطه لانو اكيد حيخالفو وافتكر وحده قريبتي كانت طلاحتها رصاصي فااتح يعني ممنوع ؟؟؟

هم شددوا بداية السنة , واي بنت تلبس سكيني أو طرحة فاتحة يكلموها و ينذروها

لكن بالنسبة للون الرمادي فمو مشكلة لأنه مو لافت
هم قالوا أفضل الألوان زي الكحلي والبني و البيج << زي دي الألوان

لكن الألوان الفاتحة زي البمبا و الأصفر و السماوي
ولا الطرح اللي فيها خمسين الف لون ومزركشة و رسومات وحوسة
هي اللي مخالفة

[υикиσωи]

المشاركة الأصلية كتبت بواسطة مَـزٍآج ..}.. بصراحه افكر اسوي السكرب سكيني حركات هههه .. !!

كاااااااااي ..احلى ما في الموضوع ^^





يسلمو يا قمر عالمعلومات الحلوة ..
ممممم .. بسس حنروح من اول يوم بالسكرب ..!؟.. << ما ابغا ..

[Dr~NanoOok]

نوب مو من أول يوم نلبس السكرب
احنا ما راح نلبسه , إذن انتوا أكيد لأ
وامكن حيغيروا لون السكرب أو حاجة
وقتها حيقولوكم