سؤال ؟ّ ابتعاث ولا جامعة المؤسس الملك عبدالعزيز رحمه الله .

[soma al7elwa]

اول شي استخير

لكن حط فبالك انو عزوز ولا شي بالنسبة للي حتشوفه برا

دراستنا والتحضيري حقنا ولا شي بالنسبه لهم

سؤال ليش ماقدمت على الملك سعود بالرياض أفضل يعني مافيه سنه تحضيريه ولا يحزنون

في سنة تحضيرية للكليات الطبية في سعود

وهناك حتكون مع دوافير ياكلوا الكتب اكل ما شا الله

ومعروف جامعة سعود جامعة قوية لكنها شديدة وما ترحم

الله يوفقك فين ما تروح

[Dr~NanoOok]

أنا ما أؤيد الابتعاث في مرحلة البكالوريوس وخاصة في الطب
مناهجهم جدا أصعب من عندنا وأسلوب تدريسهم غير

يعني لما جيت درست بجامعة عبدالعزيز << ما دخلت سنة تحضيرية على طول أولى طب
حسيت بالفرق في المناهج والدراسة من كتب الحكومة حقت المدارس
وبين الكتب الأجنبية اللي بندرسها اللآن
وهذا عشان مناهجنا ما كانت بالمستوى المطلوب

فكيف اذا رحت لبلاد برا وشفت مناهجهم من جد كيف!
أحسها صعبة ويبغالها مجهود كبير عشان تتأقلم
غير جو الغربة اللي ابدا مو سهل


غير انه اذا كانت الدراسة في بلاد غير ناطقة بالانجليزية زي هولندا والمانيا وفرنسا
لازم تدرس اللغة حقتهم لمدة سنة , بعدين تبدأ دراسة الطب باللغة حقتهم وليس بالانجليزية
<< سنوات الطب كتيرة ومو ناقصة اننا نزودها أكتر

وسنوات دراسة الطب تختلف من بلد لآخر
أنا أعرف ان الطب في أمريكا تقريبا 10 سنين
4 سنين تاخد فيها بكالوريس علوم , وبعدها تقدم على اختبار قبول الطب وهذا الاختبار صعب وزي اختبار القدرات حقنا لكن بتلات أضعاف!
بعدين تدرس الطب لمدة 6 سنين وتتخرج طبيب عام
غير دراسة التخصص اللي أقل شي مابين 2-3 سنوات

فلأفضل لو انك تاخد مرحلة البكالوريوس بالسعودية
بعدين تحضر الماستر و الدكتوراه بالخارج
يصير اتعودت على جو المذاكرة بالانجلش وعلى الطب


اهم شي استخير ربنا كتير
وخاصة واحنا في شهر فضيل
وهو حيختارلك الخير باذن الله

بالتوفيق لك






السنة التحضيرية وزي ما قالوا اللي جربوها
فهي مو مره صعبه ومستحيل تجيب فيها معدل
بالعكس ماشالله كتير جابوا معدلات عالية ومره حلوة
ودخلوا الطب