هنا أخبار مرحلة التدقيق (بعثة الملك عبدالله المرحلة الخامسة)

[east flower]

سلام عليكم جميييييييييعا

اليوم كان موعدي لمرحلة التدقيق الساعة 1 في قاعة النور في الميريديان

أول ماندخل لازم نشوف رقمنا التسلسلي في الأوراق اللي موجود فيها اسمائنا
بعد كدا ندخل عند اول وحده عند الباب تسأل عن الرقم التسلسلي وتطلب بطاقة الأحوال وشهادة الثانوي الأصل وتعطينا ملف عشان نرتب أوراقنا

بعد كدا نروح نعبي اسمائنا عالملف ونرتب الأوراق ونوقف في طابور تاني بعدين الأستاذة تشوف أوراقنا كاملة ولا لا
طبعا في استمارة اقرار ولي الأمر لازم نكتب علما بأن المحرم فلان الفلاني ومع توقيع ولي الأمر نكتب اسمو وكمان لازم يكون معاكي بطاقة العائلة مع صورة

بعدين نروح للطابور اللي بعدو والأستاذة تشوف شهادة القدرات والتحصيلي وتدينا رقم

بعديييين نروح نجلس نستنى رقمنا يطلع وبعد مايطلع نروح للي جالسين عشان يدققو في أصل الثانوية (اللي حيااااااااخدووووووووووه) والهوية وجواز السفر وطبعا الإستمارة اللي طبعتيها من الموقع

بعدين تقول روحي هناك واعطيهم أصل الثانوية وتروحي وتوقعي ومش عارف ايش وترجعيلها تاني وتديهم الورقة اللي اعطوكي هي انهم استلمو الشهادة وتخلصي أمورك

وأظن اللي يبى يعدل حاجه يقدر مثلا يبى يغير ترتيب الدول واللي يبى يصور كمان يقدر

ومايقبلو صورة من شهادة الثانوي حتى لو مختوم إنها طبق الأصل والناس اللي جايبين بدل فاقد يوقعو على تعهد بس ما أعرف اش هو أظن إنو ماتكون مسجلة في مكان تاني

طبعا أنا اعتبر سحبت من الجامعة للأسف مع إنو القبول مو نهاااااائي والله يستر بس

بالتوفيق جميعا وأي استفسار أنا حاضرة إن شاء الله

[east flower]

نسيت كمان اقلكم اللي متخرج من ثانوية نظام مقررات لازم يترجم الشهادة في الوزاااااارة