معقوله يا اخوان؟؟...وين الى عدو السنه التحضيريه بتفوق؟؟؟

[سلطان505]

بسم الله الرحمن الرحيم

الحمد لله وحده والصلاه والسلام على من لانبي بعده وبعد

السلام عليكم ورحمة الله وبركاته

اولا اسال الله ان يوفقني واياكم لكل خير وان يجعلنا ممن صام رمضان وقامه ايماناً واحتساباً
انا يا اخواني الافاضل بابدا ان شاء الله الترم القادم ومتحمس ودي اجيب ممتاز((وخر...مني )) واسال الله لى ولكم التيسير
ولكن من خلال تصفحي للمنتدى وقرائتي للمواضيع لفت انتباهي ان الكل يشكي هذا حامل ماده والثاني ثنتين والثالث بيطردونه وو (كلكم خير وبركه )بس يا اخوان مافيه احد عدى السنه معدله 4.5 خمسه شى ؟؟عدى صافي باي معدل معقوله كل الطلاب مااحد عدى او الى عدى مايبين او انه فيه ناس متفوقين في المنتدى من بين الشباب وانا ماادري
وش السالفه؟؟؟
وختاما اسال الله ان يوفقني واياكم للعمل الصالح
والسلام عليكم ورحمة الله وبركاته
اخوكم/سلطان505

[alzo0o0o0za]

وعليكم السلام

مبآرڪْ عليڪْم آلعشر الآوآخــر من رمضآن. . .


وعيدڪْـــم مبآرڪْ . . . من دَحين ,,,

<~اول وحدّه تهنيڪْــم آنــآ . . .

انا عديت السنه واختبارات حلوه بس
لازم اول باول المذاكره
صحبتي جابت 5 من 5 وهيا دحين راح تحول طب بشري
ترى الدراسه ماااااره سهله وتوكل ع الله
واحنا معاك وان شاء الله فل مارك في كل مواد
واحنا حاضرين للطيبين ^_*

[winnie]

مراحب اخوي..
بالنسبه للكلام اللي تفضلت فيه....احب اقولك..انه اكيد فيه طلاب متفوقين وعدوا السنه التحضيريه بنجاح تام
وفيه منهم معدلهم كاااامل ماشاءالله
اما اللي حاملين ماده او مادتين..او من تعثر ونجح ولله الحمد...هذا شي طبيعي..ماراح اقولك المواد صعبه عشان الكل يحمل له ماده او اكثر..ولاراح اقولك المواد سهله وهذا فيه طلاب معدلهم كامل او انهم عدوا من دون حمل مواد
بالعكس...الكل قدم اللي يقدر عليه...لكن هنا تكمن القدرات
وبإختلاف القدرات صار هناك اختلاف بين الطلاب(واتوقع هذا شي طبيعي في اي مجال في الدنيا)

لكن نصيحتي لك كطالب جديد ومنتسب ومثل ماتقول متحمس
انك تذاكر اول بأول..يعني اقلها تكون مختم المواد قبل الامتحان بأسبوعين
وتذكر..في كل مجال في الحياه فيه الصعب وفيه السهل..
اتمنى لك ولنا التوفيق...
تحياتي

[فتى الرس]

ياك الله أخوي

أسمع أنا أعرف واحد من الشباب ما شاء الله علية جاب فوق الــ 4 الله يوفقة إن شاء الله

ويتخرج بس أخوك متعثر بماده عسى الله يفرجها علينا ويخلونا نتخصص وخذها

نصيحة من أخوك ذاكر وشد حيلك ولا تقول هذا سهل ترى ما ضيعنا إلا

قوله هذا سهل ولا تيأس وراح تنجح بإذن الله وتتخرج

فتى الرس

إذا حــــن نجــدي لنجــــد فإننــي = إلى الرس من أهل القصيم حنيني
وإن نفحت من جانب الرس نفحت = حبوت إليها واستهلت جفوني
فيا رب عجل بي إلى الرس أوبتي = وأقرر بمغناه الخصيب عيوني

[abu2nawwaf]

حياك الله اخوي سلطاااااااااااااان

فيه كثير طلاب وطالبات متفوقين

والحمد لله أنا واحد منهم

أنهيت السنة التحضيرية بمعدل 4.7 ولله الحمد

وأي إستفسار أنا في الخدمة

تقبل تحياتي abu2nawwaf

[فهـد]

اللهم لك الحمد انهيت السنه التحضيريه وهذا معدلي

قووولو ما شاء الله

[سلطان505]

سم الله الرحمن الرحيم
السلام عليكم ورحمة الله وبركاته
اشكر من رد على من الاخوان الكرام والاخوات الكريمات و ماشاء الله لا قوة الا بالله اسال الله لى ولكم التوفيق في الدارين
اخوكم/سلطان505