اســتـفـســـــار عـن الــــســـــــــــكــرب !!!

[BaZizo]

السلام عليكم ورحمة الله وبركاته

يا جماعه .. او بالاصح , يا دكاتره ..

انا طالب جديد في كلية الطب ..
باقي على الدراسة اسبوع تقريبا
وانا رايح الكلية ما عندي اي معلومة عن اي شي

احتاج مساعده
اهم شي دحين ابغى اعرف اللاب كوت هل هو مهم ؟
من وين اقدر احصله ؟
وكم تقريبا سعره ؟
وهل لازم اداوم فيه من اول يوم ولا اول اسبوع عادي ؟

وطبعا نفس الاسئلة بالنسبة للسكرب !!


ارجوكم مساعده وطبعا انا عارف انو مو بس انا الوحيد الي يبغى يسال ويستفسر عن دا السؤال ..
لانو اعرف كثيرين ضايعيين زيي

والله يوفقنا اجمعين

[M!ss Mojy]

والله خيو انا مااعرف كيف النظام في قسم الطلاب

يعني مااعرف اذا تداموا باللاب كوت لازم ولا عادي تلبسوا ثوب

ان شاء الله الطلاب الي هنا يفيدوك

وبالنسبة للاب كوت انا اشترتيه من الحسيكي وسعره 70 ريال

وبالنسبة للسكرب يقولوا انو حق الطب البشري لونه بيج بس مو حلو عشان كذا اغلب الطلاب والطالبات مايلبسوه

[BaZizo]

وين دا الحسيكي ؟؟

والله الموضوع دا من اكثر المواضيع الي شاغله بالي بالنسبة للطب ..
طبعا غير حكاية الكتب الي رجت بالي .. كل واحد يقول كتاب وانا دخت ..
حتى اليوم والله رحت لمكتبة جرير والعامل الي يشتغل هناك طفش من كثر ما اساله عن الكتب .. ( وفي النهاية ما اشتريت لانو الاسعار ضاربه )

[M!ss Mojy]

امممممممممم المحل هذا ريان سوا عنه تقرير شوف دور في القسم هنا لين تلقى الموضوع

<< كسل مافيها تدور عالموضوع

والمحل جنب مستشفى المستقبل

وبالنسبة للكتب لا تستعجل وتشتريها لانو يقولوا في بعض مواد تكتفي فيها بالشيتات ماتحتاج كتاب

[M!ss Mojy]

وهذا هو موضوع الاخ ريان

http://www.skaau.com/vb/showthread.php?t=93130

[A N G E L]

ما شاء الله
دكتورة موجي ما قصرت :)
والنظام يا خوي
عاتي تعال بايش ما يكون
واللاب كوت لازم منو عشان المعامل
وكلاسات الاناتومي
يقولك في واحد برى المشرحة سكيوريتي ما يدخلك الا بيه لووول
يعني لازم
والسكربز عشانو بني مافي داك الاقبال عليه

واي سؤال احنا حاضرين