طالب انتساب يبغا مساعده

[اتحادي 18]

بسم الله الرحمن الرحيم
ادخل في الموضوع انا مسجل في السنة التحضيريه انتساب وللحين ماخذت البطاقه وكل ماروح شركة dhl يقول الجامعه مارسلوها وادخل موقع الجامعه يقولوا ارسلنها ايش الحل؟؟؟
والشي الثاني انا ماعرف شي عن الانتساب متى تبدء الدورات؟ وكم مدة الدورات؟ وهل في ملخصات ؟
ياريت تفيدوني وشكرا

[الرجم النايف]

بالنسبة للبطاقة راح تتأخر ولازم تمر الفرع الذي انت كتبت عنوانه بعد كل يوم

بالنسبة للدورات تلقاها مكتوبة عندك في موقع الخدمات الاكترونية بس يبغالك تشيك كل يوم

[fasol]

الله يوفقكم ان شاء الله

[@ابوعبدالرحمن@]

يا اخوي
البطاقة الجامعة انتظرتها اكثر من شهرين
اهم شي كل نهاية اسبوع روح لمكتب d h l
ولك كل التوفيق

[اتحادي 18]

مشكورين على المرور
وكيف اعرف خطتي ؟؟

[حنـــــان]

بالنسبه للبطاقه الجامعيه ,, راح تجيك رساله من الجامعه انو البطاقه ويجب استلامها بعد خمسة ايام
وبعد الخمسه االايام دي تروح وتلقاها
لانو انا كمان زيك كنت اتابع في النظام واروح كل شوية عندهم فين بطااااقتي يقولو لسه ماوصلت وبعدها قال لي موظف الدي اتش ال انو لازم تجيكي الرساله حقت الخمسه ايام دي وماتجي الا بعد الخمسه ايام وتستلميها على طول
وخطتك يا عزيزي ماراح تعرفها الا لما تصدر البطاقه او في نظام المتابعه تقدر تشوف رقم الطالب الخاص فيك والرقم السري حيكون رقم بطاقة احوالك الشخصيه بس احدف منو اول رقم
تحياتي

[ساندي بل]

غريبة والله اخويا ارسل اوراقة كامله للجامعة وارسلوله رقم ارسالية بس ماردوله خبر انه انقبل ولالا ايش يعني ؟ ؟ ؟

[fasol]

انا على طول اول ماخلصت اوراقي وسددت الرسوم وخلصت كل شي روحتلهم بعد اسبوعين مو كل شويه الواحد يروح لهم يعني لما اتجيك البطاقه الجامعيه ويكون كمان فاتح رقم جوالك مو تقفلوا زي بعض الناس يقفلوا بالايومين والثلاث ويقول ماجاتني رساله المهم ان انا اخذت البطاقه من شهر 8 ...