لمشرفتنا ولطلاب الbioc ..

[شقااااوة]

مساء الخير للجميع ....
نزلي بعض المواد بجدولي بعضها من الخطة ومادة مو من الخطة ..
النوع28/09/2009 arab 101 b1 اللغة العربية (1) 3 s.m.w.. 9.00 9.50 420 208b l 28/09/2009 bio 281 sf معمل أحياء عامة 1 ...t... 14.00 16.50 l7d 057a l 28/09/2009 isls 101 ha الثقافة الا سلا مية (1) 2 .s.t... 10.00 10.50 420 201b l
مثل ماهو موجود فوق ..
شفت الدكاتره بالشعب .. لقيت لمعمل الاحياء (اعتدال عباس حسن حويت )و (حنان الشاذلي )و(صباح لنجاوي )
والثقافة ..(رشا محمود محمد رجب ) و(زينب حبيب الله ) و (ايمان باسعد )
والعربي ..(فريدة معاجيني )و (صفية الجلسي )و (حسناء القحطاني )و (سارة بادحدح )
ــــــــــــــــــــــــــــــــــــــــــــــــــ
طبعا الثقافه مو بالخطة ونزلي .. مدري احذفه بعدين او لا .. لان كثير قالوا لي لازم ارفع معدلي بالترم الاول واخذ مواد بسيطه لانه اذا نزل بالترم الاول صعب يرتفع بعدين ..وانا ابغى امشي على الخطه بس شاايفه ان صعب اجيب معدل مرتفع مع هالكم من المواد والساعات ..
اللي عنده حل يقولي ويفيدني .. والاستاذات اللي نزلت اسمااءهم من الافضل منهم لكل مادة .. ولا حرمت منكم ياارب ...
تحياااتي ..
شقاااوة

[مياسة العود]

اذا عالثقافه والعربي جدا حلوين وبسيطين

خذيهم من دحين اسهلك

غير كدا لاتخافي من هذي المادتين لأن الاصعب جاي في مواد التخصص

يعني بالمختصر دي المواد ترفع المعدل

[ميار]

ياجماعه انا في الخطه الدراسيه حقي مافي امن وسلامه ولا معامل اش اعمل

[DNA..~]

يعني جدولك بس

ثقافة وعربي ومعمل احياء..؟؟

زيدي مواد من الخطة كدا مره قليل..,,

عمومًا الجداول اللي نزلت كل الدنيا فيها خربطة يا تعارض يا من تخصص تاني يا و يا ويا......

المهم

العربي درستني سارة بادحدح نص منهج عربي 101 كانت تشرح مسكينة كويس بس عدد الشعبة كبير جدًا 100 بنت ما تقدر تتحكم في الشعبة ، كمآآن البنات مره كانو قليلات ادب ..,,

الثقافة ما اعرفهم اللي موجودين بس ما تفرق الثقافة مادة تعتمد عليكِ مو على اللي حتديكِ المنهج ^_^

يعني صحيح ثقافة 1 مليآن كلام..

بس كلوا يا إما قراءة مع تركيز يا إنك تحفظي على حسب..,,

بس إن شاء الله يكون سهل..

هو في وحدة مصرية كان إسمها رشآ درستني في آخر الترم عشان دكتورتنا كانت معتذرة..

مره كانت تمااام رشا بس ما ادري هي دي ولا لا..!!

معمل الأحياء الدكتورات الموجودة اسماءهم هم بس مشرفات مو هم اللي حيدرسوكِ..

انا مثلًا كانت المشرفة ( اللي موجود اسمها بقائمة الشعب ) سهيلة قاري بس ما درستني درستني هنادي مره كووويسه..كمان عبير قطان تمآآآم..

[قطرة مطر]

الله يوفقك موادك قليلة لازم تزيدي

[R-Kh]

المعامل الاسماء اللي نزلت اسماء المشرفات
العربي انا اخدت مع أ.سارة صحيح طيبة وشرحها حلو بس ما تقدر تسيطر على البنات
الثقافة مع د.رشا
...
نزلي كيمياء 2 واحياء 2 كمان
..
:)