اجابة اسئلتكم عن تخصص العلاج الطبيعي

[miss chocolate]

السلام عليكم ورحمة الله وبركاته

بدايه اعذروني اخواتي واخواني في تاخر الاجابة عن بعض الاسئلة عن القسم سواء عن طريق الرسائل الخاصة او في المنتدى بسبب انشغالي في العمل المهم جمعت اغلب الاسئلة الشائعة وبجاوب عليها

1-نبذة عامة عن الدراسة

الدارسة في السنةا الثانية حتكون عامة وتدرس المواد الاساسية من تشريح ووظائف علم الاعضاء كيمياء حيوي ومواد عن العلاج الطبيعي من العلاح بالكهرباء والماء مادة عن دراسة التمارين العلاجية وتقييم من من اختبار العضلات
السنة الثالثة تنقسم الى قسمين ترم باطنة (قلب ورئة) وترم عظام(اصابات ملاعب وارماضا اعظام)
السنة الرابعة الترم الاول اطفال والترم الثاني اعصاب مع بحث التخرج

2- طبيعة الدراسة (صعبة ام سهلة)

لا يوجد شئ سهل ما دام دخلتو قسم طبي ولكنها ليست صعبة مستحيلة النجاح
ذاكرو اول باول تقريبا لانها لو تراكمت المحاضرات صعبة انكم تخلصو المادة

3-الدارسة هل تعتمد على الحفظ ام الفهم

عشان تحفظو لازم تفهمو التخصص يعتمد على الاثنين بشكل كبيير ومادام فمتي تقدري تعبر زي ما تبغا في الاختبار لو حفظتو اشياء بدون ماتفهموها ما حتقدرو تستخدومها في المستقبل

4-طريقة الاسئلة (مقالية ام اختيارية)

كل حاجة تتوقعوها في اختبارت النظري من تعداد من شرح ومن اختيارات الاختبار يحتوي كل الطرق
ام العملي تنسالو عن تطبيق اختبار وفحص معين او طريقة عمل تمرين معين او اعطاء حالة وبعد كدا كيفيه علاجها عموما الاختبار العملي سواء اللي في الجامعة او في المستشفى حتنسالو اسئلة شفهية وعملية

5-اعتماد الدراسة على اي مادة؟

احدالاخوات سالت عن الاحياء تقريبا نقول نعم طبعا بتفاصيل اكثر وتقسيمها الى كم مادة
تركيزنا في التخصص على مادة التشريح وهي معرفة كل عضلة في الجسم ووظيفتها والعصب المغذي لها اهم مادة ولازم تكونو متذكرينها طول حياتكم بعد كدا مواد التخصص من معرفة كل مفصل ووظيفته وحركاته وكل حركة في الجسم وومادة وظائف الاعضاء وتدرس فقط في السنة الثانية
بالنسبة لمادة التشريح مادة ممتعة ,صح ماهي سهلة ونصيحة ذاكروها اول باول لان معلوماتها كثير

6- طبيعة العمل

اثناء الدراسة لا يوجد اختلاط بين الطلاب والطالبات لكن رؤية مرضى نساء عن رجال صرحة دفعتنا طلبت رؤية الجنسين بسبب وجود امراض عند جنس اكثر والواحد لازم يتعلم
اما في الوظيفة اغلب المستشفيات الرجال بيعالجو رجال والعكس صحيح ماعدا مستشفتين في جدة كان الاخصائية تقدر تعالج رجال والعكس
ولن اتكلم عن رأي الخاص فلكم حرية الاختيار
بالنسبة احد الاخوات سالت اذا كان وجود عائق لغير كاشفات الوجه , لا يوجد اي مشكلة فانا تعاملت مع الكل وانا منقبة

7-طبيعة العمل من ناحية المجهود والتعب

اعتقد فهمتو
الصراحة تخصصنا يبغالو مجهود مع كل الاعمار فاحيانا تقل المريض يعتمد عليكي بتحركو الايدي والارجل بمختلف الاوزان حتى بالنسبة للاطفال اكثر شئ مجهد لانكم بتستخدمو كل عضلة في جسمكم يدكم ورجولكم وكل حاجة
عموما مع الخبرة حتتقوا اجسامكم وتزيد من قدرة التحمل عندكم وابدا ماهي بالاوزان اذكر احد الاخوان ايام سنة الامتياز كان جدا نحيل لكن ماشاء الله عليه قوي

8-الفرق بين الاخصائي والفني

اولا من ناحية الشهادة الاخصائي شهادة بكالوريس والفني دبلوم مدة دراسته 3 سنين
وظيفة الاخصائي : يستطيع ان يشخص الحالة وعمل الاختبارات المناسبة ووضع الخطة العلاجية
اما الفني فعليه تطبيق الخطة اللي قام بها الاخصائي

9- مستقبل العلاج الطبيعي والمستقبل والوظيفي

صح احنا اول دفعة لكن مو كل لقى وظائف وناقشت هذا الموضوع في صفحة الاخ جهاد عن الاشعة
بسبب وجود مشكلة الاجانب والفنيين
لكن حاليا وزارة العمل بتشترط السعودة واللي سمعتو عن عدم تجديد تعاقد الاجانب فاتوقع على تخرجكم ان ان شاء الله الوضع حيتحسن
لانو الوضع مختلف جدا عن الرياض ايضا حتى وجود الاخصائين هناك مع كثر عددهم في المستشفبات


وبس اتمنى اني افدتكم واذا في استفسار اتفضلو موفقين ان شاء الله واعذروني على التاخير

[LPRocks]

العلاج الطبيعي باين انو جدا ممتع انا حطيته الرغبة الثانية ،،

الله يوفقك miss chocolate على التوضيح المفصل ،، وإن شاء الله يتطوع احد من دارسي المختبرات ويسوي لنا موضوع زي كذا ..

[JoudY]

يسلموووو miss chocolate ع التووضيح وجزاكي الله ألف خير

وأنا مررره عاجبني العلاج الطبيعي

وربي يختار لنا الخير ان شاء الله

[miss chocolate]

المشاركة الأصلية كتبت بواسطة lprocks العلاج الطبيعي باين انو جدا ممتع انا حطيته الرغبة الثانية ،، الله يوفقك miss chocolate على التوضيح المفصل ،، وإن شاء الله يتطوع احد من دارسي المختبرات ويسوي لنا موضوع زي كذا ..

الله يوفقك ويكتبلك اللي فيه خير ان شاء الله وحتقدرو تسالو كل شئ في الاسبوع الاول موفقين

[miss chocolate]

المشاركة الأصلية كتبت بواسطة joudy يسلموووو miss chocolate ع التووضيح وجزاكي الله ألف خير وأنا مررره عاجبني العلاج الطبيعي وربي يختار لنا الخير ان شاء الله

ان شاء الله جودي واستخيري وربنا يكتبلك الخير

[weddah]

مرره يعطيك العافية مس شوكلت

موضوع مفيد بمعنى الكلمة

وحسيت ان العلاج الطبيعي اقرب شي للطب
يعني علاج كامل بس بطرق مختلفة

[BaN BaN al sini]

كتر الله الف خيرك اخت مس شوكلت

حمستييني واللهي للعلاج الطبيعي

إحنا محتاجين دفعات زي كدا تحمسنا وتشجعنا

ربي يوفقك اختي في حياتك :)

وربي يختار الخير للجميع

تحياتي

اخوكي

بندر الصيني

[خزامى ،،]

يسلمووو مرا شكرا ..مس شوكلت ..

أنا حابه العلاج مرا وان شاء الله احطو رغبه اولى ..بس بعد مافكرت خفت من حاجه ..

إلي هيا انو في العمل وبحكم الاحتكاك القوي مع المريض << ممكن الدكتور نفسو ماتتقبل المريض لسبب معين
خصوصا انو القسم بيعالج حالات خاصه وكبار سن ومجهود حركه المريض متركزه ع الدكتور ..<< إن شاء الله تكوني فهمتي قصدي..

والشي التاني الي فهمتو من كلامك ع الاختبارات النظريه انو فيها شرح ..وبالانجليزي شرح مفصل << حاستها شويا جديده علينا ....فكيف الوضع ...؟؟

وبس هدا الي عندي دحين ..

والله يعطيكي ألف ألف عااااافيه ..ماننحرم منك يارب ,,

:)

[mzat kau]

يسلموووو مش شوكلللللت الله يديكي العافيه


شكلو الاقبال ع العلاج كبير الله يستر هههههههه

[miss chocolate]

المشاركة الأصلية كتبت بواسطة ban ban al sini كتر الله الف خيرك اخت مس شوكلت حمستييني واللهي للعلاج الطبيعي إحنا محتاجين دفعات زي كدا تحمسنا وتشجعنا ربي يوفقك اختي في حياتك :) وربي يختار الخير للجميع تحياتي اخوكي بندر الصيني

اهلين اخ بندر
الله يوفقك ويختار لك اللي فيه خير وشكرا على دعوتك