كل اللي أخذو وبيآخذو اجراءات تنفيذ مع د - هشام عوض

[ملك]

السلام عليكم

ان شاء الله تكونو بخير جميعاً ..

يلا رجعنا للموال ..

ياريت اللي أخذو المادة معاه قبل يفتكرولنا اسئلة الامتحان النصفي والنهائي

والشعبة اللي تختبر أول تحط الأسئلة اللي جتهم

انا في عرضكم >>>عندها رهبة امتحانات

[على البال]

لبنى ..

نصيحه في الاختبار النهائي اذا في شعبه اختبرت قبلكم خذي الاسئله منها...!!
الترم الي راح...كانت الاسئلة النهائيه متشابهه...!! وكثير مكرر..!!

[ملك]

الله يبشرك

وشكرا عالمرور وين البقية ؟

[عبدالهادي الشهري]

السلام عليكم
انا اختباري الدوري الثاني في 2/5 الاربعاء والله انا خايفين مره منه لا كن الله يسهل
اول ما نختبر راح اكتب الاسئله ان شاء الله

[ملك]

انا بشعبتك بس فيه شعبة ثانية والاختبار الدوري أختبرو قبلنا

يمكن دحين كمان يختبرو قبلنا

[عبدالهادي الشهري]

لا اختبارهم في 8 /5 احنا قبلهم
يعني احنا اول شعبه تختبر .

[.. دينــــا ..]

لو وصلتوا للكف عن البيع ترى جاب منها
والله ما عندي الكتاب ولا كنت افتكرت ايش الاسئله

[ملك]

في عرضك يادينا شوفيلنا حل الله يستر عليكي



علامات الدوري الأول زي الزفت

تخيلي بس خمسة بنات جابو فوق العشرين ومحد جاب فل مارك

ونحنا كمان أول شعبة


أنتي بس افتكريلنا المقالي من وين جاب ؟

[العندليب]

ههههههههههههههههههه
هشام عوض هذا غاسل يدي منه هو و زكي شناق الله يخارجنا منهم على خير
انسان مدري كيف يصحح الاوراق مع انو يجيب الاسئلة سهلة
عموما ان شاء الله اني اكتب الاسئلة اذا كان يسمح لي الوقت بكتابتها في المنتدى
يالوفيق يا لبنى

[.. دينــــا ..]

ملك ولا يهمك ان شاء الله القى كتاب واشوف الاسئلة
بس انا فاكره طشاش
يعني شوفي اذكر في الاستغلال و الاستعمال والتصرف
في شروط بالاستغلال او الاستعمال مو فاكره اللي هو يكون معد اصلا للاستعمال / استغلال ما اذكر ، و يكون ما ينقص قيمته او يهلك باستعماله @@ بصراحهه ما افتكر ما ابغى اخبص المهم انه مره جابها يا دوري ثاني او نهائي
و جاب من التصرف التكييف القانوني اعتقد المهم هديك الجزئية

وجاب ايش الاساس القانوني (( دوري في الكتاب من بعد الدوري الاول حتلقي في جزئية اساس قانوني فين بالضبط ما افتكر لك بصراحه ممكن في بيع المنقول لكن جزئية ما كنت احسها حتجي لكنها جات ))

لو وصلتوا للبيانات الاساسية (ما اعرف ايش نسيت كمان) المهم جابها تعداد
اللي هي الثمن التقديري و العنوان او محل الاقامه ( شي زي كدا )

هههههههه حاسه اني فاقده الذاكرة بس يعني لمن اجيب الكتاب افتكر ان شاء الله واكتب لك الصفحات ،


الله يوفقكم عموما د.هشام عوض من افضل الدكاترة بالنسبة لي
هي المادة صعبه وما حبيتها ابد لكن الدكتور اكثر من رائع.. الله يجزاه عننا كل خير ،

لي عودة للموضوع ،،