( قــــ مادة الإثبات ــــروب )

[candy eme]

عاشق انا مني عارفة اش اقلك او ارد عليه بس لما تجرب انت شعور المشرفات والظلم الي احنا نعيشو والضغط النفسي بسببهم وقتها تعال احكم واتكلم والاختبار على قول بلو ومس انا مع الاثنينييييييييين والحمدلله ومحنشيل هم انش ءالله سهالة باذن الله

[blue >A]

مرحبا
يااا قلبي يا ميس محامية شعورك عادي جدا كلنا كذا لما نطلع من الاختبار نحس اننا حسنا الدنيا خصوصا ان الاسئله تعتمد بالدرجه الاولى على فهم الطالبه مو المذاكره عني انا انصدمت لما شفت اول سؤال وتفاجأت لما وحده من البنات قالت ان العباره بالنص في الملزمه وفي المذاكره ما كان مطلوب مننا نرجع للملزمه عموما اتوقع اني حليتها صح على ما اذكر من المحاضره
يا عاشق اي حقيقه تتكلم عنها اننا مثلا ممتازات يمكن كنت غايب لما الدكتور عطانا الدرجات عشان كذا ما عرفت حقيقتنا وحقيقتكم
ومبرووك طلع اختباركم سهل فرحتونا والله
اما من ناحية المشرفات كيف تعتقد انهم الافضل تعرفهم انت او حتى تعرف الباقيات ؟!
كاندي لااا تتعبي قلبك ان شا الله درجاتنا تبرد قلوبنا بس يارب تكون جاهزه بكره

[candy eme]

عاااااااااااشق ماشاءالله الدرجاااااااااات اثبتت مين الافضل محكتب اكتر من كدا ولاحااعلق اكتر من كدا وسبحان الله اسئلتكم زي اسئلتنا وها مين الي بان على حقيقتو دحين ؟؟؟؟؟؟؟؟؟؟؟؟؟

[المحامي....]

روحي شوفي معدلات الشباب والله فيهم البركة اتحدى اي بنت تجيبها ممكن عندكم معدلات عالية بس مافي تميز زي ماعند الشباب

[عاشق القانون]

هلا بلمحامي بصراحه درجات الشباب مررررررره حلوه وهذا يدل على الدفرنه اكثر الشباب كان عندهم اكثر من اختبار بيوم واحد اوكي يعني ياكاندي انا عندي 3 اختبارات والاثبات ماذاكرته ولاجاء على بالي اذاكره لاني طبعا اعتمد على الفهم في المحاظرات وفوق هذا كله الاسئله فيها مطبات وقل واحد جايب 7هههههههههااا( الله يفضحكم) حاس انها درجتي مشالله تبارك يعني مو مذاكر شي وجايب 7 والله اني دافوووووور لالا الشباب المره هاذي اثبتو شطارتهم مو مهم الدرجه من اكثر ومن اقل المهم الضروف والجو وضغوط الي كنا فيها يوم الاختبار وبنهايه طلعنا بدرجات حلوه

[no limit]

ياحليلكم والله ،الله يعينكم ويوفقكم.

هل تقصدون الدكتور محمد المزمومي؟
وهل راح يدرس الجنائي الترم القادم ؟

[candy eme]

المحامي معلي انا اعارضك معلي وبقوة معدلات البنات اعلى منكم بكتييييييييييييييييير اقل معدل عندنا 4.12 يمكن والباقي كلو 4.5 وفووووووووووووق واذا منت مصدق روح شوف والحمدلله كل ترم معدلنا بيطلع اعلى من الترم الي قبلو
عاشق صح كلامك كلنا ترا عندنا ظروف وظروف صعبة وضغوطات صعبة مررررررررة عالاخر وبالزات عندنا احنا البنات والحمدلله بنعديها وبنجيب درجات فلاتحاولو لو سمحتو الكل يشهد انو احنا احسن منكم حتى في احكام التزام وقانون عمل فالله يعينكم على نفسكم الصراحة

[المحامي....]

المشاركة الأصلية كتبت بواسطة candy eme المحامي معلي انا اعارضك معلي وبقوة معدلات البنات اعلى منكم بكتييييييييييييييييير اقل معدل عندنا 4.12 يمكن والباقي كلو 4.5 وفووووووووووووق واذا منت مصدق روح شوف والحمدلله كل ترم معدلنا بيطلع اعلى من الترم الي قبلو

بس المعدلات الاعلى عندنا عموما الموضوع هذا ماحينتهي في الاخير كلنا قانونيين سواء ولد ولابنت وربنا يوفق الجميع

[blue >A]

خلاص كل واحد يصلح سيارته خخخ
بتكلم بحياديه الحين بغض النظر من الأفضل من الظلم اننا نعمم لان المنافسه غير متكافئه لان البنات في القسم مستواهم جدا يفرق عن الشباب بحكم ان ما انقبل بالقسم الا ذوات المعدل العااالي بعكس الشباب لم يحددوا القبول بمعدل مرتفع فالنتيجه اللي نشوفها طبيعيه هذا ما يعطي الشباب عذر ويقلل من جدارة الطالبات في النهايه لكل مجتهد نصيب ولا تزال المنافسه الشريفه المثمره اللي محد معبرها قائمه ههههههههه

[عاطل بس دافور في القانون]

من الرائع أن يتشاور الطلاب في أمور تتعلق بمادتهم المشتركة
ومن الرائع أن يتفاعل الطلبة مع بعضهم البعض
ولكن الأروع أن يكون لديك مدرس مثل الدكتور محمد المزمومي
لقد قدم الدكتور المزمومي الكثير لكم في هذه المادة يا طلاب الاثبات وأعتقد أن أبسط ماتقدموه له
هو الشكر والامتنان له ، وليس فقط لطلاب مادة الاثبات ، بل لمعظم طلاب القسم ،، فهو بمثابة
الأخ الأكبر لنا ، فرأيت أن من الواجب أن نشكره ونحن الآن نستعد لنهاية الترم ، فشكرا لك على كل ما تقدمه لنا من علم و وآراء ، بل ونشكر أيضا جميع من قام بتعليمنا ولو حرف من حروف الأبجدية..
وأشكر أيضا اخوي بالع الجامعة على قيامه بإنشاء مثل هذا القروب ، فهو دائما صاحب مبادرة
الأخ المحامي ... لا تنفعل ، فكل شخص منا يعرف مستواه ولاداعي لإطلاق ألفاظ تشمل الجميع
ففي كلا الطرفين تجد المتميزون ،،،
مع التحــــــــــــــــــــــــــــــــــــــــــــيه