ابغى شوركم الله ينجحنا كلنا يا رب

[Rose]

السلام عليكم ..

كيفكم و كيف جدة ؟؟؟ يا رب ييسر لي قربها ؟؟ وكيف الدراسة معاكم ؟؟

موضوعي بإختصار ..تعبت من الكلية اللي انا فيها ..جدا جدا تعبت .. و بخرج منها و احتمال كبير جدا ننقل انا و اهلي جدة .. اهلي قالوا لي اقعدي هنا لين تتخرجي و بعدين الحقينا .. و بصراحه الكلية حقتي ماتستاهل ذاك الصبر و التضحية عاد اقعد لحالي عند قرايبنا ليش ؟


انا احترت ..لأنه ما اعرف ايش الصح ؟


فأنا أبغى أسألكم .. ايش رايكم بجامعتكم ؟؟ حلوة ؟؟ من ناحية التعليم و ( الإنصاف ) و انهم مايتعاملوا بشكل شخصي و احقاد و كذا .. و التدريس هل هو مرضي مستوى الاستاذات و الدكتورات ؟؟ هل يعطون المعلومه صح و يجيبون الاسئلة على قد جهدهم و يصححون بأمانه ؟




طيب سؤال ثاني ..


اللي تخصصهم لغة انجليزية .. او لغة فرنسية (مدري اذا عندكم ) او تخصص رسم ( مدري موجود عندكم رسم لوحده ؟؟) او تخصص ادراة اعمال او اقتصاد او تخصص له علاقة بالأمور المالية لأنه وحده قد شفتها من جدة و مدحت لي اياه .. فمدري هو اكثر من قسم فبسألكم اش هو القسم الاقتصادي اللي تمام ؟؟ ... عموما ... اللي تخصصاتهم هذي الأقسام ..ينصحوني اجي ؟؟ كويس الوضع عموما حتى لو شويتين سلبيات ؟؟







بصراحه بصراحه .... اكثر شي عيني على تخصص فيه اي شي داخل الاقتصاد او الادارة فيه لأني جدا احب الأمور الإقتصادية .. او الادب الانجليزي غير كذا لا .. فاللي بهذه الاقسام ينصحوني بيها ؟؟؟؟؟؟؟

طيب سؤال ثالث هدية من صاحبتي دوبها متخرجه .. اش رايكم في السكن الداخلي ؟؟ لأنها بتدخل هناك ..




الله يسعدكم ابغاكم تجاوبوني بأقرب فرصه لأنه ضاع عليا وقت بما فيه الكفاية .. و جدا نفسيتي تحت مرة بصراحه .. الله يوفقكم و يوفقني جميعا يا رب ..

[a7la-denyaa]

اهلا روز ,,
عن نفسي والله انا زيي زيك ساكنه بالرياض وابنقل جده اكمل دراستي ..
وصراحه مدري عن شي
انشاءالله غيري يقدر يساعدك

وعن السكن الداخلي انـا بعد حابه اعرف عنه اكثر لاني افكر اني ادخله ,,

موفقه ..

[السحر الحلال]

أختي . أنصحك نصيحة لوجه الله .
اتخصصي في الانجلش لانه مستقبلة مضمون باذن الله حتى لو كان في حدود ال3 والا2ونص . الانجلش 90% حفظ كلمات احفظي 3 كلمات يوميا راح تكوني مخزون كبير وخلاص .. تمتلكي الانجلش ويسهل عليكي كل شي . غير الفايدة في حياتك العملية والحياتية

من ناحية السكن الله اعلم

[=--> (أخـــر همـــي) <--=]

هلا روز

قبل مااجاوب بقولك نصيحه .. خليكي مع اهلك وين مايكونوو صعبه الحياه بعيد عنهم حتى لو كنتي تحبين كليتكي ماراح ترتاحي بعيد عن اهلك

بحاول اجاوب عليكي وان شاء الله اقدر افيدك

السؤال الاول .....

والله جامعتنا زي كل جامعه فيها الانصاف وفيها عدمه وهذا مو من ذات الجامعه الا هذا الشي من الاشخاص في الجامعه يعني الجامعه تشبه الحياه عيشي الجامعه زي ماتعيشي الحياه فيها الحلو وفيها المر.. يعني انا مااقدر اجزم لك مليون بالميه واجاوب عن كل المواد وكل الدكتورات راح اقولك فيه كويس وفيه بطاااال بس على الاغلب كويسين والا ماكان فيه كميات كبيره متخرجين امتياز


السؤال الثاني ....

بالنسبه للتخصص .. أنا تخصصي ولاااااااشي من انتي ذكرتيهم بس اقدر امدح لك تخصصات اداره واقتصاد كلها لان اختي متخرجه محاسبه وكانت مرررره مبسوطه فيه واعرف كثير بنات تركوو اقسامهم عشان يروحو ادراه واقتصاد واعرف بنات في ادراه والكل ماشاءالله الله يديمها عليهم مستمتعيـــــــن .. واقدر امدح لك قسم جديد يقولو له مجالات واسع اللي هو ادراه اعمال دوليه وبالتوفيـــــــــق


السؤال الثالث .....

السكن الداخلي تبع الجامعه او سكن داخلي خاص .... بصراحه مااعرف بس السكن عاااااااامة صعب تدرين بعد عن الاهل وسكن مع اشخاص قد تتفقي معاهم وممكن لا يعني صعب جدا بالنسبه لي
بس مااعرف عنه اي شي يعني مااقدر افيدك فيه اعذريني


اخر شي بقولك جــدهـ حلـــوهـ <<<<خخخخخخخخخخ


بالتوفيق ياحلوه والله ينولك مرادك