نحضر محاضرات وبعدييييييين ؟؟؟؟؟ كيف حنتنيل في الكزام ؟؟؟

[toot&girl]

سلااااام يااعسولين



انا ابغا اسئل سؤال واحد بس !!!!!!!

دحينا نحنا نحضر محاضرات وكل شي ......!!! اوووك

بس انا شااااااايفه انه الكتب كبيره و مليااااااااااااااااااااانه فصوول وابواب والمنهج متكدس !!!!

ابغا اعرررررررررف وقت الاختباررر اش حيصير ؟؟؟

معقوله نذاكر من الجلده للجلده

انا الي قالقني انه مافي دكتوره تفتح سالفه التأشير او المراجعه !!!!!

انا طوووووول حياتي متعووده علا التأشير او اسئله مراجعه

بس اني اذاكر دش وكلام ورا بعضوو مااااااااااااااااااااا اعرف


بلييييييز الي عنده فكررررررره عن الموضوع ده يجاووبني !!!!!!!!

[سرالحكايه]

اختي
اولا صبآحك زين وخير ان شاء الله

ثانيا

انا كنت زيك خايف لانو متعودين على الملخصآت والدلع
بس تفآجئت بالكتاب وربي ولا نحضر ماجستير

كلمت الدكتور

قالي ايام الاختبارات نعطيكم مرجع
يعني اوراق تاخذونها من المكتبات

لانو الكتاب الي معك
مو كله لك
لا فيه طلاب بمستويات غير ياخذونه
يعني مستحيل تدرسينه كله
يمكن ربعه او بعضه

وبعدين صدقيني الجامعه سهله دراستها \
وممتعه جدا
الاختبارات طبعا كلها اختيارات
واختيارات مبسطه جدا

والله يوفقك

[roroo]

أنا من الطلاب الي كنت ادرس بدون لا مراجع ولا مذكرات ولا دكتور فك معانا قصتها
ولكن لو بالمحاضرة الدكتور كان يكتب أي شي كنت أسجلو بالدفتر .. كان معايا دفتر لجميع المحاضرات
أو إذا نسيت الدفتر أنا بنفسي أأشر في الكتاب

في الجامعة الدكتور ما بيقول لك يالله أشر يالله سوي إلا من رحم ربي ..
و في نهاية الفصل بعضهمم يحذفون أشياء كثيرة من المنهج للتسهيل ..
و كمان فائدة الإختبارات الدورية الحين تجي لأنو كل إختبار له قسم معين لمن تذاكر القسم الأول بالإختبار الأول
و القسم الثاني بالإختبار الثاني يبغى الجزء الأخير هو للنهائي و يصير الماضي الجميع عارفو يعني مراجعه بس ..

[toot&girl]

يســــــــــــعدكم !!!!!


وربي طمنتووووووووني !!!


انا الي قلقني انه كثير بنات يجو يقولولي انهم حملوا الماده معااااهم واخذووها صيفي >>>يعني رسبوو >_<

صرت مفجووعه علا نفسي لاني ما اتخيل نفسي فاشله ×××


بس إن شاء الله يكوون خير ويكون في تسهيلااااات

[MNMO0ONA]

الجامعه تختلف تماما عن المدرسه
المدرسه كانو هما يقولونا يلا افتحو الكتاب نأشر
كانت الاستازه تكتب اسئله المراجعه وتوزعها علينا
الجامعه لا انتي تتحكمي في طريقه مذاكرتكي
انا اقولك
لما تجي الدكتوره تشرح انتي خليكي معاها اول باول اكتبي كل الكلام اللي هيا بتقولو والشرح كمان
دا في الاحصاء كدا انا اعمل
اما الاتصال والتفكير افتح الكتاب وااشر عالكلام اللي بتشرحو وزا جابت مثال اكتب المثال على جنب عشان يسهلك المزاكره لما تجي تزاكري
يعني مره لاتفكري يجي يوم وتقولك الدكتوره يلا ناشر
عل قولت احد الاعضاء الا من رحم ربي
خلاص انتي عودي نفسك انك تكوني ماشيه معاها وبتاشري الكلام اللي هيا بتقولو اول باول
والله يوفقك ياعسل

[ana-vip]

الدكتوره الوحيده الي تكنت حق الاحصاء وانا زي العبطه اكتب بالنهايا كل كلامها الي بالكتاب كامل ههههههههههه الباقي ولا وحده تكتب كلهم يقراو قراه من الكتاب كامل

وانا الين اليوم ماذاكرت الا احصاء والامثله بس لان مرا حوووووسه لا وانتا ماشاء الله كنت علمي

[طـحـتـ بهــوآآآهـ...ياهلي]

انا عندي اختبار يوم الخميس احصاء في الباب الاول+الثاني وانا اصلا علمي
المهم الباب الاول ماذكر اني شفتها تشرحوا لانها تقريبا خلصتوا في محاضرة وحده مو عارفه كيف اذاااكر مع انو سهل
بس اسمع البنات يقولوا في جزء حفظ
والاختبار اختياري ابسال اذا يجي تعريف او قانون وكذا اختياري
اللي يعرف كيف طريقة الاسئله ياليت يفيدني
واذا في نماذج للاختبار مررة كويس

[MNMO0ONA]

ايوا الاختبار كلو اختياري
مافي اساله مقاليه
يعني يجيبولك مثال ويقولولك دا المثال ينطبق على بيان كمي ولا وصفي او دا المثل ينطبق على العينه العشوائيه البسيطه او العينه العشوائيه العنقوديه
يعني الباب الاول تحفظي وتفهمي
والفهم اهم شي لانو ماراح يقولولك عرفي او اكتبي لا زي ماقلتلك في البدايه
وموفقه