تحطمت الآمال

[مراد الجنيد]

^^^^^^^^
كلام عين العقل وباين انك انسان بتفهم

[Roo7i]

صح كلام د.روميوو حل هالنقااش
وبالتوفيق للجميع

[د-فوفه]

تحطمت الامال

كبيره الكلمه شوي ولكن هادا الواقع ومانقدر نقول شي
يعني سهل نقول تحطمت وسقطت وراحت وجات ووووووووو

ولكن فين العقل ليش مانفكر شوي ياجماعه ادا سحبتو حتلاقو شي افضل طبعااا لا والف لا

سحبتو حتجلسو بالبيت تقشرو بصل>>
مافي شغله تانيه

انا واللي اتكلم دحين لاتفكروني احسن منكم امكن تكونو افضل مني صح فكرت اسحب ولكن راجعت نفسي سحبت وعارفه انو مافي شي بديل فين حروح وين الاحلام والطب بس قلت كملي ووراكي خطه أ والفاينال إن شاء الله كويس

لاتيأسوا ياجماعه فرب العالمين موجود لاتيأسو لاتيأسووو

وصدقوني كل واحد ربي كاتب انو يحقق حلمو راح يوصلووو

واتمنى ماتزعلو من كلامي وربي لمصلحتكم وماقصد صاحب الموضوع الكل

[الفراشة الباكية]

الكل ابدء رايه وما قصرتوا كلوكم ... وما اقول الا الله لايضيع لنا تعب والله يوفق الجميع وندخل الي نبي يااااارب .. ما عليكم الا الدعاء ... ولا اوصيكم دعاء المسلم لاخيه في ظهر الغيب مستجاب ... بالتوفيــــــــــــــــــــــق

[..مستجد..]

السلام عليكم ورحمة الله وبركاته
رداعلى موضوعك يا أخ كابتن علوش
انا احد طلاب المدارس الحكومه وجايب 98 والحمد لله احسن من غيري في المدارس الاهليه
ردا على موضوعك يا اختي
ترى انا واحد من الطلاب اللي راحت درجاته
لا تفكري في اللي راح فكري في اللي الحين
شدي حيلك الله يوفقنا وياكي
سلاموووووووو..

[υикиσωи]

أول شي b+ مهي بطالة أبدا أبداااا .. ولا تقولي اللي جاي حيكون أصعب وما أقدر اجيب فلات ...
لا انتي تقدري بشوية تركيز :)

تاني شي ... انتي داخلة على فاينال .. لازم نفسيتك تكون أحسن من كدا :)

تالت شي .. شيلي فكرة السحب من رااااسك نهائيا .. أنا أقولك شغلة ..
لو سحبتي دحينا ... تتوقعي حتنقبلي في الترم التاني في أي مكان ..!!
طبعا لا ..

عشان كدا .. انتي اعملي كل اللي عليكي .. وزاكري ورررررركزي .. ولازم يكون بالك مرتاح عشان تقدري تركزي ..

وبعدينا على اخر السنة ازا شفتي درجاتك موش ولا بد .. وقتها قدمي مع الطلاب المتخرجين من السنوي في ام القرى ولا في اي حتة..
وبعد ما تطلع نتايج التسكين .. ازا انقبتلي في الشي اللي تبغيه ان شالله كان بها والف مبرووك ..:)
وازا لا قدر الله ما انقبلتي .. فتبداي من جديد في جامعة تانية ..

وعندي وحدة من صاحباتي العام المااضي عملت كدا .. واهو هيا في بشري في أم القرى دحينا ..


أهم شي .. شيلووووو فكرة السحب من راسكم يا جماعة ..
الا في حالة ازا تبو تروحو بعثة على حسابكم وقت ما تسحبو :)