الأسئلة والاستفسارات عن كلية طب الأسنان ..

[طارق الحارثي]

السلام عليكم

كيف الحآال
كيف الاجازة معكم
اول شئ قبل انسى
الف مبروك للمقبولين هالسنة في كلية طب الاسناآن.
وان شاء الله نشوفكم اطباء متميزين في المستقبل
عندي استفسار اتمنى القى جواب كافي وشافي

انا وصاحبي انقبلنآ في كلية العلوم الطبية التطبيقية السنة الي فاتت
طبعا كنآ نبغى طب الاسنان لكن ربي ماكتبهآ لنآ السنة الي فاتت
طبعا شدينا حيلنآ السنة الي فاتت في كلية العلوم الطبية التطبيقية
وعدينآهآ بمعدل فوق 4
بين 4 و 4:50
المهم حاب اسالكم كم عدد المحولين كل سنة وكم المعدلات الي يتم قبلولهآ
اهم شئ الي يعرف له صاحب حول الى كلية طب الاسنان يساله كم كان معدله عند التحويل. عشان نتطمن
ونتايج التحويل متى تطلع في العادة. :)
وبس

[Dr~NanoOok]

وعليكم السلام ورحمة الله

اهلا بك د. طارق
اتذكر مشاركتك معنا بالقسم وحماسك للاسنان
وماشالله عليك مازال حماسك وطموحك فيه؛ باذن الله ربي ييسرلك دخوله والابداع فيه

في دفعتي كان نظامنا ووضعنا غير قبل نظام التحضيري
وللاسف ما اقدر افيدك في التحويل و عدد المحولين والقبول
لكن إن شاء الله الدفعات الاصغر مني تقدر تفيدك

بالتوفيق لك وربي يختارلك الخير فين ما كان

[طارق الحارثي]

^^
مشكورة يادكتورة :)

ياارب يفيدونا باقي الاعضاااء
انا في الانتظار ...:)

[لومانا]

نفس السؤال
ومتى تطلع نتائج التحويل؟؟

[Dr.raam]

ان شاءالله اللي عندهم فكرة عن أسئلتك يجاوبوك،،

موفق والله يكتبلك الخير :)

[D.AMAZING]

وعليكم السلام ورحمة الله وبركاته..

ان شاء الله يمديك التحويل لأن معدلك ما شاء الله حلو ..

بس الاحسن انك ترسل ايميل لعميد الكليه وان شاء الله يرد عليك بأجابه مضمونه..

الله يوفقك ويسهلك..

[دره جده]

السلام عليكم
ممكن احد يفيدني وبيقين .. وأكون شاكره له
بصراحه انا كنت اطمح وبشششششده لطب أسنان .. ولكن نزل التسكين و قدرالله وحطوني في التمريض
ودحين لمن رحت اطلب تحويل .. 2من المدرسات قالولي مح يمديك لأن نسبتك واطيه ورحت عند وحده ثالثه اعطتني ورقه طلب التحويل وعبيت بياناتي والكليه الي ابغاها وقالت لي انتظري لين رمضان ادا ماطلع اسمك فخلاص حأكون مثل ما أنا ( تمريض)... ( ومررررره خايفه من دا الشئ)
سؤالي هو
1)ادا لاقدر الله جا رمضان وماحولوني .. أقدر أحول مع بدايه السنه ذي؟؟ علما بأن نسبه القبول وقفت ع 94.16وأنا 91

2)وبرأيكم إدا لاقدرالله ماحولوني دي السنه .. انتظر لين السنه الجاي ولا خلاص احول دحين ع الصيدله لأنها وقفت ع 91.9 ( مومره انا مع الصيدله بس قلت اخاف انتظر للأسنان ويروح علي الصيدله ) ؟؟
..
ساعدوني الله يخليكم مني عارفه اش اسوي!!
وجزاكم الله خير ..

[Dr~NanoOok]

التحويل يعتمد على عدد المقاعد المتاحه بالقسم
اذا كان في امكانيه باذن الله تحولي دحين او ببداية الدراسة

واذا لأ.. بعد اكمال سنه في التمريض وبمعدل امتياز فوق 4.5 باذن الله تقدري تحولي

استخيري وربي ييسرلك

انا بسنه اولى (قبل نظام التحضيري) كنت في التمريض بعدين حولت بعد سنة اولى
مع ان التمريض تخصص رااااائع وفعلا حبيته
لكن خيرة من ربي وحولت للاسنان ، مع انهم قالوا جداا صعب التحويل الى الاسنان لكن ربي يسّر

اهم شي استخيري وربي يختارلك الخير

[دره جده]

الله يجزاك اللللف خيييييييييييييير ..

مااقول غير ياارب يقبلوني دي السنه ..
بس بسألك ادا قدمت بعد سنه من دراستي ف التمريض وبإذن الله جبت الـ 4.5 في التمريض .. ع اي اساس حيكون قبولي اوكي .. يعني حيكون مفاضلتي مع دفعه 13 ولا كيف؟؟


ومعليش بسألك سؤال ثاني بما ان كانت حالتك مثلي .. كم كانت نسبتك ومعدلك في التمريض ؟؟ << ادا فيها احراج ارسليه ع الخاص << ولك دعوه من قلب

وادا لاقدرالله ماانقبلت دي السنه هل برأيك أنتظر لسنه الجاي ولا احول ع الصيدله قبل لايروح علي ؟؟

اسفه ع كتر الأسئه .. والله معتبرتك قدوه .. والله يوفقك

[Dr~NanoOok]

درة جدة



واياكِ الخييير يارب

-

بالنسبة لافضلية التحويل
ماعندي فكرة للاسف ،، امكن على حسب البنات اللي حولوا من اسنان وتركوا مقاعد فاضية
او البنات المعتذرين عن الدراسة
إن شاء الله احد عنده معلومات اكتر يفيدك فيها

-

في سنتي لما جيت حوّلت ، كان وضعنا يختلف
لانه في كل سنة ما يقدر يحولوا الا الثلاث اوائل من الدفعه
و من تمريض الى طب اسنان شبه مستحيل

لكن ربي يسرّلنا وقدرنا نحوّل الى طب الاسنان 8 بنات
وفي بنات حولوا الى بشري وصيدلة وتقنية طبية

عشان غيروا النظام بالجامعه
وزادوا عدد المقاعد بالكليات الصحية
في البشري والصيدله
وفي الاسنان صارت الطاقه الاستيعابية توصل 80 طالبه في الدفعه
زمان كان 60 اكثر شي

معدلي كان اكتر من 4.5 لكن ما كان مره عالي ويوصل الى 5 "^^

-

التحويل يحقلك تحولي مرة واحدة فقط << على حد علمي
يعني اذا رحتي صيدلة ماتقدري تحولي لطب اسنان

شوفي ميولك فين
وادا كنتِ تفضلي الصيدلة على التمريض
بالنسبه لي ما كنت اخترت الصيدله وبقيت في تمريض اذا ربي ما كتبلي احوّل


اهم شي
استخيري واستخيري واستخيري
وربي حيسهلك الخير لك ويقنعك بيه

دحين داخل رمضان واستغليه في كثرة الدعاء والاستهارة

وربي ييسرلك جميع امرك عزيزتي