سددوا قبل ما يقفلوا يا شباب اخيرا فك السداد

[طريخمه]

ممكن سسسسسسؤآل ؟؟


الحين كيف اعرف اني سددت ؟؟

لمن دخلت الاودس لقيت مآده نزلت لي بالجدووول هل هذا يعني اني سددت ولا لا ؟

الله يسسسسعدكم اللي يدخل يرد عليآ

[Francesco82]

هلا وغلا فيك اخوي سعود العقيلي بالنسبة لاستفسارك لحالتك اول ترم لك في الجامعة رقم الاشتراك المقصود فيه رقم الترشيح اللي اخدتو مبدئيا وقبلوك في الجامعة , الترم التاني لما تجي تسدد لازم يكون رقمك الجامعي ... المطلوب منك لو تستخدم اون لاين لاي بنك تعمل حزف للرقم الاولاني , وترجع تضيف في نظام سداد رقمك الجامعي وبعد كدا حيكون السداد عن طريق رقمك الجامعي ورقم الاشتراك او رقم الترشيح خلاص انساه نهائيا وازا كنت بتسدد عن طريق الصراف فا المسألة جدا عادية ما عليك الا انك تدخل رقمك الجامعي وسلامتك يا غالي وبالتوفيق.

[Francesco82]

اختي طريخمه هلا فيكي بالنسبة للي ساير معاكي فيه شوية غموض وما فهمت عليكي , لكن الواضح انك في السنة الاولى الترم التاني فاعتقد لما تسددي حتروحي للجدول الدراسي وحتحصلي الجدول نازل وبكل المواد الموجودة عندك لدا التيرم اما مادة وحده وانتي لسه في بداية الطريق اعتقد انو في مشكلة او لبس في الموضوع عموما انتي سددي وانتظري 48 ساعة عادة وشوفي بعدها حينزل لك الجدول الدراسي وتحياتي لك

[طريخمه]

يالله احسك حيرتني شوي

شوف انا خلصت السنه التحضيريه
وهذا الترم بدايه لسنه جديده بالنسبه ليآ > فهمت يعني ثاني جآمعه اصير

لمن دخلت الاودس لقيت مآده وحده نآزله لي اسمهآ اخلاقيآت العمل

وجلست ادور للحذف والاضآفه بس مالقيت

يآرب تكون فهمت ..

[Francesco82]

اختي العزيزة ما دام ما نزل لك الا مادة وحده فمعناها انك تنتظري اليوم وتشوفي ايش حيصير لانو كتير كدا بتظهر لهم مواد وجداول في خانة النتائج الفصلية وبعضهم راحت من عندهم والبعض لسه موجود عموما تقدري تتأكدي اكتر بارسال رسالة الكترونية وهما حيرودو عليكي ولا تقلقي دا موضوع بسيط وعارض حينتهي في الاسبوع دا لانو فيه زحمة وحالة استنفار عند اخواننا في الجامعة والاخطاء واردة شوفي ايش يصير وحنكون متواصلين معاك آنستي بالتوفيق

[روح رياضيه]

سددت والحمدلله

[Francesco82]

الف مبروووووووووك روح رياضية وعقبال ما ينزل الجدول الدراسي يارب بالتوفيق عزيزي

[@ـجولة]

انا عني ماني مسدد الحين

وبعرف موادي بدون حذف واضافه عاادي

لسى بدري

بالتوفيق لنا ولكم

[بدر الذيابي]

شكرا اخوي بس فتح السداد اليوم 7/3/1431

[Moca]

السلام عليكم

ياجماعة اختي سجلت الترم اللي فات وطلع لها رقم طلب بس فاتها موعد السداد

والحين قالو يمديها تسدد لكن هي ضيعت رقم طلبها

ممكن تساعدوني من وين نلقى الرقم؟

الله يسعدكم ردو لي بأسرع وقت