كل من درس رياضيات وفيزياء 101

[noga4islam]

السلام عليكم ورحمة الله وبركاته..
أتمنى أنكم تساعدوني ..
أنا الترم الجي إن شاء الله حآخذ رياضيات101 وفيزياء 101 ..
أبغى أسأل كل من أخذ هذه المادتين :
1- ايش أحسن دفتر ولا ملف.. يعني ايش أريح لهم في كتابة المحاضرات وحل التمارين ؟؟
2- ايش بالظبط الكتب اللي نستفيد منها لكلا المادتين ؟؟
3- الرياضيات في غير الكتاب الأساسي اللي بالانجليزي كتب ثانية مساعدة بالعربي ممكن أعرف ايش هي ؟؟
4- المادتين سهلة ولا لأ ؟؟ وكيف أحسن طرق لمذاكرتها ؟؟
5- الرجاء أنه ما اتطنش .. أفيدوني أرجوكم ..

[caramella]

انا المادتين اخدتهم الترم اللي قبل اللي فات والله مادتين سهله بالنسبه للرياضيات انا كنت اكتب في ملف انا اشوفه احسن وبالنسبه للكتاب الكبير لاتشتريه ماتستفيدي منه الا في التمارين نهايه كل باب وعلى مااعتقد في ناس مصورين التمارين تقدري تصوري منهم ولاتاخدي كتب مساعدة انا انصحك لاتفوتي محاضرات ولا سكاشن وانصحك استاذة رويدة مليباري مررة رهيبه انا معاها اخدت +A المادة سهلة
والفيزيا افتكر كانت ملزمه من المكتبه والسكاشن كنت مصوراها من البنات بس انا بالنسبه لي المادة سهله في المذاكرة لكن الاختبارات مش ولا بد انا كنت مع استاذة مها دفتر دار مو سيئه بس احسن وحدة تعطي المادة صوتها واطي مادري يمكن كانت تتكيف مع جو المدرج مادري بس يمشي حالها ........
ان شاء الله اكو افدتك

[ry1d]

انا درستها الترم اللي فات بالنسبه للرياضيات الكتاب الكبير تمارين وبس وهي موجوده مصوره التمارين من كل باب فقط في المكتبات وفيه كذلك الاسئله الماضيه.......

اما في الفيزياء كتاب الانجليزي لا تشتريه مرررررره ما منو فايده خساره على الفاضي فيه كتاب اسمو حلول ومسائل في الميكانيكا هذا جيد ولا بأس به وكذلك الأسئله الماضيه حليهاااا وبإذن الله A+ في كلا المادتين
ولا تنسي المذاكره اول بأول.............
مع تمنياتي لك بــــــــــــــــ+ـA+ A+ A+ A+ A+ A+ A+ A

[noga4islam]

مشكورييييين caramella و ry1d ..
ماقصرتوا ..
جزاكم الله ألف خير ..

[BluexBlue]

السلام عليكم

الفيزيا فيه كتاب سعود يغمور "الفيزياء العامة" جيد ولا بأس به ..

اما الرياضيات فأنا يفيدني جدا كتاب التفاضل والتكامل للغامدي وأبو جبل ..

بالتوفيق