بليز اللي يعرف فين ألاقي ملخصات أشرف بركات للماث والفيزياء

[da7ooome]

ملخصات اشرف بركات تلاقينها في مكتبة خوارزم العلمية وانا تأكدت منها انها حقت هالسنة

[Esra'a5992]

مكتبة الشقري أكيد فيها ..

[حجازي فلة]

دار حافظ في حي الجامعة

[راسيه]

طيب معليش بس انا داخله عرض ..

ابغى الإحصاء لأشرف برضه ..
فين الاقيهـآ ؟؟
اذا في فـ مكتبة الأنوآر اللي جنب عزيز مول , زي ماقال اسآمه ..
فين دي المكتيه بالضبط ؟؟
عشآنها قريبهـ مني " انا بالفرع " .. وماأقدر اروح عند الجآمعه ..
وابغى الملخصات فأقرب وقت لآ هنتوآ ..

[da7ooome]

راسيه
ملخصات اشرف بركات للاحصاء تلاقينها في الانوار

شوفي يا راسيه من عند مطعم بلدي وانتي متجهه شمال >>يعني المطعم على يمينك..اوك؟

اليين تلاقي مطعم>> ناسي اسمه بس انو لوحته زي لوحة البيك اصفر واحمر

اول لفة بعد المطعم (لا) ادخلي مع ثاني لفه وامشي اليين تلاقي مسجد الانوار >>طبعا هوه اول مسجد تلاقينه

في نفس المسجد تلاقي المكتبه

ان شاء اكون وصفت تمام وبالتوفيق

[د-فوفه]

^^^^^

شكراا اخوي ماقصرت صر احه دوخت ونا ادور عليها

موفق.............

[DANoOo.R]

أشكر الجميع على المساعده

وعلى فكرة أنا ذاكرت من ملخص أشرف بركات في الدوري الأول للفيزياء وجبت درجه .......No Comment

وماني ناويه أنو كمان أحمل ماده ثالثه معايا سواء الفيزياء أو الرياضيات

ويعطيكم ألف ألف عااافيه والله يسهلكم اموركم ويوفقكم والجميع إن شاء الله
وأسفه إذا تعبتكم معايا

DANoOo.R

[راسيه]

المشاركة الأصلية كتبت بواسطة da7ooome راسيه ملخصات اشرف بركات للاحصاء تلاقينها في الانوار شوفي يا راسيه من عند مطعم بلدي وانتي متجهه شمال >>يعني المطعم على يمينك..اوك؟ اليين تلاقي مطعم>> ناسي اسمه بس انو لوحته زي لوحة البيك اصفر واحمر اول لفة بعد المطعم (لا) ادخلي مع ثاني لفه وامشي اليين تلاقي مسجد الانوار >>طبعا هوه اول مسجد تلاقينه في نفس المسجد تلاقي المكتبه ان شاء اكون وصفت تمام وبالتوفيق

اوكي , وصل ^^

يسلمـــــوووو اخوي .. مشكور مآقصرت والله ..
يعطيك الف عآفيه ..

[دافئ الإحساس]

صراحة مني عارف اش اقول

الاعضاء فيهم خير والبركة

لكن اقدر اضيف حاجه انو

الماث ما يحتاجلوا ملخصات

بس حلي الهوم ورك وراح تحلي في الاختبار إن شاء الله

اماا الاحصاء والفيزيا والماث كمان فملخصاتهم اول بأول

بتنزل في مكتبة الشقري

[DANoOo.R]

المشاركة الأصلية كتبت بواسطة دافئ الإحساس صراحة مني عارف اش اقول الاعضاء فيهم خير والبركة لكن اقدر اضيف حاجه انو الماث ما يحتاجلوا ملخصات بس حلي الهوم ورك وراح تحلي في الاختبار إن شاء الله اماا الاحصاء والفيزيا والماث كمان فملخصاتهم اول بأول بتنزل في مكتبة الشقري

والله يا أخ دافيء الإحساس أنا لما ذاكرت الرياضيات حليت كل التمارين اللي في الكتاب ماخليت تمرين ماحليته حتى اللي مو معانا وكانت فكرتها مختلفه حليتها وغير اني رحت عند مدرسه وأول مره في حياتي أروح عند مدرسه أنا وكمان 3 بنات معايا وفي الأخير والحمدلله درجاتنا مررررره مأساويه
جبت في الرياضيات 13 من 30 عادي راح أقول الدرجه لأني أنا واثقه ومتأكده أنها غلط وعارفه أنهم ماراح يعدلوها لأنه تصحيح ألي وأنا حليت في ورقه الأسئله بس ماراح يعتمدوها
أسبوع كامل أذاكر رياضيات لدرجه أني مامسكت مهارات الاتصال الا في وقت البريك وذاكرته عشان عارف مره كان عندنا وقت كبير وكافي أني أذاكر مادتين
المهم
أسفه على الإطاله بس والله من قهري من دي الجامعه سببت لي إحباااااط يعني الحمدلله على كل شي وفي النهايه شي مكتوب بس والله احنا بنتعب في المذاكرة وتجي الأسئله مره محورة وصعبه

يعطيك ألف عااافيه أخوي دافئ والله يوفقك ويسهلك أمورك يارب والجميع إن شاء الله

DANoOo.R