شهد التاريخ حالة المرأة في مجتمعي ....!!!

[الراقي]

المشاركة الأصلية كتبت بواسطة m!ss amooola اولا اشتراط الجامعة للهوية الوطنيه هذه ليست مشكله ثانيا انتي من انصار تحرير المرأة من الكبت والخناق ولستي مؤيده لبطاقة الهوية الوطنية على فكره من اشتراطات التقديم للبكالوريس لجامعتنا وجود بطاقة هويه وطنيه واذا كتبو من ضمن شروط التقديم احضار البطاقة فلا نلوم الجامعة يوم طردت صديقتك ماادري مكبره السالفه وفاتحه موضوع مدري ليش!! صديقتك غلطانه!!

الهوية الوطنية شئ مهم للغاية لإثبات الشخصية .
السالفة بإختصار مو قصة صديقتها لكن قصة بنات كثير :

نظام ما يسمح بمنح الهوية إلا بموافقة ولي أمر الفتاة < وبعض الأولياء ما يرضوا كذا بمزاجه
وجامعة ما توظف إلا بهوية وطنية ..< طيب انا ابغه هوية بس ماعندي حق اخذها كيف تطالبني بشئ مو من حقي اصلن اقرر فيه مو ظلم هذا .؟
وبث

[M!Ss AmoOoLa]

^

يروحو ينتحرو احسن

[طير القمري]

اختى صدقني لو هي مكتوبه لك والله يعملون ايش ما يسون ما يقدرون يمنعونك من رزقك لكن ان شاء الله انها خيره لك

اوصيك بكثرة الاستغفار

[علي العسيري]

مثل هذه الحركات اصبحت مكشوفه ( الوظيفه محجوزة سلفا لواحدة ما ) ولم يجدو عذرا سوى بطاقة الاحول .....

انصح صديقتك هذه اذكان الموضوع ليس منذ زمن بعيد ان تتوجه فورا الى ديوان المظالم للطعن في الاجراء الذي اتخذته

الجامعه .. وبأذن الله ستنال فرصتها للمنافسه على هذه الوظيفه ,,

والله الموفق ,,

وتقبلو تحياتي

[سعودي اول]

اذا كانت تحمل كرت عائله فهذه هويه وطنيه معترف فيها في ارجاء المملكه

ولكن الظاهر ان الوضيفه محجوزه كـ العاده

[يلدرم]

اختى المسلمون على شروطهم

الجامعة اذا اشترطت احضار بطاقة الاحوال والاخت مااحضرتها فهذا ليس خطأ الجامعة

انت طالبة جامعية وتعرفي ان الجامعة عند دخولك لها اعطتك بطاقة وفيها صورتك الشخصية , هل ترى انه لا حاجة لوجود صورتك في البطاقة ؟؟؟؟

صورتك اثبات لك واظن انت من المطالبات بحقوق المرأة وهل من حق المرأة السعودية ان يكون لها بطاقة هوية خاصة بها تحدد هويتها ولا لازم تكون مرفقة مع الاب او الزوج

[ستأتي أيامي]

المفروض يكون عند كل وحده بطاقة خاصة فيها ..
لأنو كرت العيلة مايوضح .. موجود فيه الأسماء فقط ..
طيب ليش ما تسافر بكرت العيلة ؟؟؟؟
لازم جواز وفي صورتها عشان يثبت شخصيتها ..
الغلط من ولي الأمر ..
الله يهديه ويصلحه
وصاحبتك الله يعينها وويوفقها ويعوضها ..
زعلت عليها والله ..
لكن الله موجود يعوضها ..

[محابر النصرة]

المرأه السعوديه ..

المرأه السعوديه

المرأه السعوديه

طفشتوونا ....وأقرفتوونا ...بهالكـلام

.........وش فيها هذا إحنا عايشات احسن عيشه بفضل ربي ...

واللي يتبع هالناعقين ...ماراح يتركوه إلا إذا حرروه من أخلاقه ..ومن دينه ...

وأخيرا ..

من ترك شئ لله عوضه الله خيرا منه ...

ربي يرزقها بالوظيفه .....بدوون هالخراابيط ....

>> اما اللي يشوف ان الالتزام تخلف وتحجر ..هذا حاااله خااصه ...يبغى له إعادة تأهيل أول ....

[*MISS CUTE*]

لا ااااااااااا تعليق بالفعل شي مؤلم .. الله يكووون في عون صحبتك ,, الى متى يتحكم اصحاب العقول الحجرية سكان الكهوف في مصير بناتهم ..؟؟ بحجة حمايتهم ..تفكيرهـم محدود أو نـاقصين عقل هاذا اظطهاد الي انت تسويه مو حمايه وايش شيفينها طفله ماتعتمد على نفسها؟؟ هذا المجتمع عاجبته العنصرية اللي مسويها حسبي الله ونعم الوكيل والله لو يطبقون الدين صح ماكان شفنا هذا الظلم والجرائم اللي تسير بالمجتمع كل يوم طالعة قصة اب ذبح بنته عذبه مدري ايش خيييييييييييير فين احنا عايشين الله يجيرنا من هالأمور وعسـااي ما صرت ولا اصير زيهم .. وشكرا على الموضوع اللي في الصميم ><

العفو عزيزتي ...
الغرض من موضوعي هو طرح مشكلة عدم دخول الاختبار لسبب كهذا ...
ومشكلة الاب هذا نقول تقريبا 10 % في مجتمعنا ....
ولكن الاهم هو المنع من دخول الاختبار ...

[*MISS CUTE*]

مو شرط كـل وحدهـ يكون لهــآ بطآقه آحوال بغض النظر عن آهــلهــآ بس في موآقف زي هذا احسهــم مكبرينهـآ بزيــآدهـ

وجهة نظر سليمة ...
خاصة أن بطاقة الأحوال ليست شيء ضروري للمرأة ...