مشوار دراستي .. والمستقبل المجهول !!

[love me for me]

يآآحلوه !!!
قولي الحمد لله حالكـ ارحم من حآآلي
ولاتفقدي الامل
انتي خلصي السنهـ التحضييررريه ع الاٌقل !!!...
وبعديين !.. حووولي ادخلي اي تخصص وبعدين حولي سهلهـ الشغله بس يا اختي خلصي السنه التحضيريهـ
خوديهآآ نصيحه ^_^
محد خيتو حيآآتي ع كيفو !! ومحد تقريباً رآآضي باللي يسير بس انا همي دحين مو التخصص
التخصص شغله شبهـ سهله بس تخلصي سنه تحضيريه

[عاصم العاصم]

اختي العزيزة ...
اتوقع ان اغلب الطلاب يعيشون هذه النفسية
لأنها سنة تحديد مصير ( تحديد مستقبل )

التفكير الطويل
يتعب الجسم ويتعب العقل ..
وأيضا ليس بيدنا غير بذل الجهد
وعلى الله التوفيق ..

انا بردي عليك
اخفف على نفسي واسأل التوفيق للجميع


" ليس شرطا أن مااكتبه صحيحا ولكنه بعبر عن وجهة نظري "

م.عاصم طاهر

[Aziza Yahya]

خلي عندك امل

و لاتفقديه

ولو تحبي شي وتتمنيه

حتوصليلو يعني حتوصلي بإذن ربنا

والتحطيم اللي تحسي فيه

كم وكم طالب وطالبه يحسو فيه

وخاصة الطالبات

لأنو الدراسه هيه كل شي في حياتهم وسلاحهم الوحيد في الحياه

شوفي انتِ شدي حيلك في الباقي لسا عندك الفاينل

واتوكلي على ربنا

استودعي الله في درجاتك

و صدقيني مستحيل تطير منك درجات بلغلط او بالقصد

وربنا ما يعوضك هيه سواء دحين او بعدين

ربنا اسمو العدل وانتِ لازم تكوني واثقه من دا الشي

اذا خلصتي السنه التحضيريه

شوفي ايش التخصصات المسموحه لك

وشوفي نفسك هل انا لسا ابغى ادرس طب .؟

لو جوابك لا ..

فكري في التخصصات اللي قدامك

ايش الشي اللي مكن تكوني فيه مبدعه وتقدري تواصلي فيه .؟

واستخيري ربنا واختاريه ..,

واذا لسا في بالك تدخلي طب ..

مين قال ماعندك فرصه ..؟؟

انا اقولك الفرص اللي عندك

1-التحويل ..
والتحويل للكليات الصحيه والطب يكون معدلك 4.50

ويمديكي خلال السنه الجايه يعني مستوويين ترفعي معدلك

خدي مواد عامه عربي وثقافه ترفع المعدل والمواد التانيه شدي حيلك فيها ترى ماتكون زي السنه التحضيريه

وبعدين خلاص كبرتي واتعودتي على نظام الجامعه كلنا ارتفعت معدلاتنا بعد السنه الاولى ..

2-برنامج المنح الحكوميه

يمديكي تدرسي في اي كليه او جامعه اهليه

على حساب الدوله بس الفرق مافي مكافئه واتوقع انو شي عادي مدام انو عادي عندك تدخل الطب الموازي ..

وهنا الرابط شيكي ع المعلومات اللي فيه ومتى يبدأ التسجيل ودا الكلام

http://grants.mohe.gov.sa/brief.aspx


3-نظام البعثات الخارجيه يمديكي تلتحقي فيه شروطو سهله وما يحتاج الا محرم و شوية عزم

4-ودا طويل شويه بس

انك تتخصصي كيمياء حيويه وبعد ماتاخدي البكالوريوس

يمديكي تكملي في اي دوله دراسة الطب ببكالوريوس الكيمياء الحيويه

..

اهوه قبل شويه ماكان عندك ولا فرصه
ودحين في عندك اربع فرص لو تبغي جد تدخلي طب

..

اهم شي سواء دخلتي طب او اخترتي شي غيروا

- اقتناعك التام بالشي اللي جالسه تسويه سواء وافق هواكِ او لا
-في شي اسمو "التكيف " يعني لو ما ارتحتِ للشي من البدايه اتعودي حبه حبه رح ترتاحي وتحبيه وتبدعي فيه
-الدنيا ما خلقت في يوم وربنا قادر على كدا بس عشان يدينا درس في التروي وعدم استعجال النتائج
-ربنا لمن قال لمريم عليها السلام "وهزي إليك بجذع النخلة تساقط عليك رطبا جنيا " ربنا قادر انو يسقط عليها الرطب بدون ماتسوي ولا حركه بس عشان يدينا درس في العمل والسعي لتحقيق اللي نبغاه ونتمناه حتى في اصعب الظروف


ربنا يوفقك وييسر أمرك ويكتب لك الخير

اختك

azoOoz

^_^

..
.

[kado0osha]

أختي .. خلي أملك بربنا كبير وثقي به تماما فهو لن يضيعيك ..
أما بالنسبة ادا كان نفسك تدخلي الطب >> ترى كلنا لما كنا صغار هادي أمنيتنا بس طبعا بعد التحضيري تغير كل شي ..
كل وحدة مننا عرفت تحدد مصيرها من خلال معدلها ..ومافي شي بعيد على ربنا ابذلي قصارى جهدك في الفاينال وان شاء الله ينرفع المعدل ..
بس ترى دحين ما عد يفرق طب ولا غيرو لانو في تخصصات كثييييرة غير الطب رآآآآآئعة وممتعة ومجالها الوظيفي مطلوب أكثر من الطب ..
ومستقبلك مجهوول في وجهة نظرك .. لكن ربنا كاتب ومقدر لك هو من زمان ..
ولا تنسي الرضا بما قسك الله لك ..ولا تياسي

لا يسعني في نهاية كلامي الا ان اسال الله
لك التوفيق في حيااتك وان تحققي حلمك ..

تقبلي نصيحتي ولك ودي ..

[anen alro7]

الف الف شكر لكم اخواني واخواتي ع الردود الطيبه والتفاعل مع موضوعي ومشكلتي ..

وشكر خاص لك اختي عزوز من جد كلامك اراحني كثيرا ..

يسلموو حبايبي ..

ربي مايحرمني منكم يا احلى اعضاء ..

[anen alro7]

يسلمو ع الكلالالالالالالالالالالام الطيب ..

وعسى ربي يوفقنا جميييييييييييييييييييعا ياربـ ..