تجمع للمقبولين والمقبولات في ماجستير علوم الحاسب 1431

[الدرروالحور]

أهلين يا جمااااااااااااااااعة
باركواااااااااااااااا لي
راجعت العمادة وطلعوا غلطانين
طلعت مقبولة الحمدلله
ياللا
هالحين نبدأ الهمة والنشاااااااااااااااط والمذاكرة
ابتداءا من اختبار الأنجليزي
وانا عند الوعد ....
جمعت الأشياء اللي قدرت اجمعها من المنتدى عشان اختبار الانجليزي
وموفقين
متى ودكم نبدا مذاكرة؟؟؟
حددوا موعد
أنا أفضل من بدري عشان نتعود على القراءة السريعة ويكون عندنا خليفة زينة عن الفوكابلاري
واللي شرى كتاب مفيد يفيدنا الله يرضى عليكم
زي ماقلت لكم
نصحتني استاة في البريتيش كونسول بكتاب الأيلتس المعتمد من كامبردج في مكتبة العبيكان
والسلام ختاااااااااااام
سلااااااااام

[الدرروالحور]

وينكم؟؟؟

[العلم حياتي]

صحيح وينكم

[الدرروالحور]

ياه
وينكم
؟؟؟

[الجوووهرررة]

السلام عليكم
حبيت اسال عن النص للمقبولات انا طلع لي في خانة مقبول بشرط
"حققت شرط اللغة وليس لديها مواد تكميلية "
اش معناه ؟
وهل لازم اروح بنفسي اكمل الاوراق لاني مسافرة حاليا مو موجودة بس عندي احد يوصلها عني
وشكرا لكم

[الدرروالحور]

الأخت الجوهرة
ما أدري عندك شهادة توفل أو أيلتس أو ستيب؟
إذا عندك يعني خلاص ماتحتاجين تدخلين الإختبارات حقتها وتعدينها
وأيضا ماعندك مواد تكميلية
أنا والله خايفة من شرط اللغة
أخاف ما انجح فيها
مع إن أملي بالله كبير
إذا ياأختي عديتي الإختبار
قولي لي
كيف انجليزيتك؟

الله يوفقك

[الدرروالحور]

يا جماعة الخير
وين التجمع اللي تقولون عليه وينكم؟؟
تراني كل يوم ادخل اتطمن
ولا الاقي غير نفسي!!!!!

[itx005]

رحت الجامعة اليوم و أول ماصلت رحت عمادة الدراسات العليا وصلت الساعة 9 إلا وفتحوا الباب حق الغرفة اول ماوصلت أصلا ماكان في أحد غيري ودخلت لقيت 3 موظفين محترمين سلمت عليهم وقالوا لي أيش التخصص قلت لهم حاسب وطلب اسمي وقعد يدور في الأوراق وبعدين راح وطلع مجموعة أوراق بأسمي وسألني طبعا عن اللغة قلت له لسه ما اختبرت واعطاني ورقة قبولي ولقيت عندي مادتين تكميلية :

• Computer Organization
  
• Database 1

قلت له يا بو الشباب هادي المواد درستها لما حفروا البحر وانا خريج من عندكم ومن قسم الحاسب !!!!
قل لي الكلام دا تقولوا للكلية تبعك راجعهم ويمكن يعفوك منها قلت له خير ربك يسهل أما بالنسبة للغة عندك فترة ترمين تحاول تجيبها ترم تبع موادك التكميلية وترم تقدر تأجله ، وخرجت دغري على الكلية و رحت للمرشد الأكاديمي تبعي لقيتي في وجهي أول ماطلعت و شرحت له وضعي ايش قلي؟
قلي دي المادتين انتا ما جاوبت فيهم مضبوط في الاختبار عشان كده نزلنا لك هيا، انا خبصت في Operating system أكتر من اي شيء تاني بس مشي الحال قلي شوف روح للمدرسين حقين المادة واتكلم معاهم يمكن يعفوك.
الصراحة ما حصلت غير مدرس قواعد البيانات الصراحة كان جدا محترم اتكلمت معاه و وريته الترانس سكربت تبعي وبما اني عندي شهادة أوراكل و خبرة قلي انتا رايح تضيع وقت لو درست معايا الكورس دا وانا ممكن أعفيك بس يوافق مدير القسم قلت له خير ويعطيك العافية.

وخلينا نشوف ايش يصير الأسبوع الجاي و ربنا يسهلها
بس ماكان في أي تعقيد ولا مشكلة مدري يمكن رحت في وقت كانت الدنيا فاضية ؟!

[leenah2010]

هلا بالجميع منورين <<بدري
العذر والسموحة منكم (وبالذات الدرر والحور) على طول الغياب..
إلا بغيت أسألكم
اللي ما حققوا شرط اللغة ولا عندهم مواد تكميلية (زي حالتي) سمعت إنهم
لازم يؤجلوا ترم عن طريق موقع الجامعة ولا يطوون قيدهم!
أما اللي عندهم مواد تكميلية عندهم مجال يختبروا قبل الدراسة الفعلية،،

اش نسوي الحين يا جماعة الخير؟ نؤجل من جد؟؟ <<ما تبغى

[Hope Never Dies]

المشاركة الأصلية كتبت بواسطة leenah2010 هلا بالجميع منورين <<بدري العذر والسموحة منكم (وبالذات الدرر والحور) على طول الغياب.. إلا بغيت أسألكم اللي ما حققوا شرط اللغة ولا عندهم مواد تكميلية (زي حالتي) سمعت إنهم لازم يؤجلوا ترم عن طريق موقع الجامعة ولا يطوون قيدهم! أما اللي عندهم مواد تكميلية عندهم مجال يختبروا قبل الدراسة الفعلية،، اش نسوي الحين يا جماعة الخير؟ نؤجل من جد؟؟ <<ما تبغى

انا اللي فهمته انو آخر موعد لتأجيل الترم الأول هو 16 رمضان ودا الكلام في موقع العمادة الرسمي
يعني معانا فرصه الين دا الموعد (16 رمضان) انو نجيب نتيجة االاختبار
وبما انو اختبار Step حيكون 3 شعبان يعني ان شاء الله يمدينا نختبر وتطلع النتيجه ولو حققنا الدرجه المطلوبه خلاص ما في داعي للتأجيل ولو لا سمح الله ما حققنا ديك الساعه لازم نأجل الين ما نقدر نختبر ونجيب الدرجه..

الله يوفقنا كلنا ويسهل علينا اختبار Step