تجمع للمقبولين والمقبولات في ماجستير علوم الحاسب 1431

[ازدهار بيفاري]

السلام عليكم ورحمة الله وبركاته

تم فتح مواعيد التسجيل في اختبار كفايات الانجليزي في قياس

[leenah2010]

لااا.... ما يصير تطولوا النومة كذا..!!
هذا دليل برنامج الماجستير للحاسب..
اطلعوا عليه قبل نومة الصيف الطويلة وإنتم طيبين..

[العلم حياتي]

لينا كلمة شكرا قليلة قد لي شهور ابحث عن توصيف المقررات للماستر وما لاقيتها من فين جبتيها
بجد شكرا

[leenah2010]

العفو يا الغلا الله يجزاك خير.. أنا حملته سابقا قبل لا يتعطل الموقع،
لكن جبته هالمرة من موضوع الأخ أخصائي نفسي الله يعطيه العافية..

[الجوووهرررة]

اش الاجرائات المطلوبة الآن منا
ياليت احد يرد علي وشكرا

[leenah2010]

وديتي أصول الأوراق للمطابقة؟ وأخذتي الرقم الجامعي؟
إذا ايوه، خلاص تنتظري بداية الدراسة عشان تعملي جدولك وانتي طيبة..

[حلم وطموح]

يابنات الحاسب بغيت شوركم..انا خويتكم حلم ..اكيدعرفتوني
علوم حاسب من جامعة الملك فيصل....قدمت السنه هذي وما قبلت...السبب:ماحليت زين في الاختبار لاني صار لي ظرف وماذاكرت كويس
بقدم بحول الله السنه الجاية...واعمل معلمة حاليا
في كثير نصحوني اقدم تقنيات التعليم وانا مش حابته كثر الحاسب مع انه مطلوب في عملي اللي هو التقنيات...
قلت يله اجرب هنا وهناك
بس شرطهم انه يكون عندي اعداد تربوي قلت ادرسه مسائي بس مرة خايفة يعني دوامين باليوم وما ارجع الا العشاء احسها صعبة بس يمكن تعدي مع الارادة علما انها ترمين بس واخلصها...
اخاف اضيع وقتي وجهدي بالتربوي وانا حابه اساسا علوم حاسب خاصة انه دراستي بالجامعة تخصصية بحته ونفسي اكمل فيها وبنفس قوتها... بس قلت يعني لو لا قدر الله ماقبلت يكون عندي فرصة ثانية....اش رايكم؟؟؟اقدم تربوي بعدين طبعا التقنيات؟؟؟والا اقدم عالحاسب وبس .؟؟؟.

[leenah2010]

أختي الغالية حلم وطموح، أفا عليك كيف ننساكي وإنتي أختنا؟

تحية لك على إرادتك القوية ما شاء الله وسعيك المتواصل في طلب العلم، رفع الله درجتك في الدنيا والآخرة..

انتظري فرصة التقديم في شهر 11 القادم إن شاء الله، وقدمي على علوم الحاسب إن وجد، فإن تيسر لك

ولا خذي التربوي..

حكاية التوفيق بين الدوامين مجهدة أكيد، ولكن بالتوكل على الله والإرادة وتنظيم الوقت تتذلل الصعاب

وتتحقق الأمنيات، وبإمكانك تسحبي لو ما لاءمك الوضع..

اطرقي جميع الأبواب الممكنة أفضل ولا تعلقي طموحك على علوم الحاسب بس، كل علم له متعته وفائدته،

والتقنيات تخصص حلو والأحلى إنه يناسب مجال عملك..

يسر الله أمرك وكتب لك الخير حيث كان..

(ولا تنسي طلب الخيرة من الله دومــــــا وقبل كل شيء)

[حلم وطموح]

المشاركة الأصلية كتبت بواسطة leenah2010 أختي الغالية حلم وطموح، أفا عليك كيف ننساكي وإنتي أختنا؟ تحية لك على إرادتك القوية ما شاء الله وسعيك المتواصل في طلب العلم، رفع الله درجتك في الدنيا والآخرة.. انتظري فرصة التقديم في شهر 11 القادم إن شاء الله، وقدمي على علوم الحاسب إن وجد، فإن تيسر لك ولا خذي التربوي.. حكاية التوفيق بين الدوامين مجهدة أكيد، ولكن بالتوكل على الله والإرادة وتنظيم الوقت تتذلل الصعاب وتتحقق الأمنيات، وبإمكانك تسحبي لو ما لاءمك الوضع.. اطرقي جميع الأبواب الممكنة أفضل ولا تعلقي طموحك على علوم الحاسب بس، كل علم له متعته وفائدته، والتقنيات تخصص حلو والأحلى إنه يناسب مجال عملك.. يسر الله أمرك وكتب لك الخير حيث كان.. (ولا تنسي طلب الخيرة من الله دومــــــا وقبل كل شيء)

مشكووووووورة يالينا ماقصرت ياعسل الله يوفقنا كلنا....حمستيني وخليت عندي دافع اني اطرق كل الابواب

[error1]

..

الســــلام عليكم ورحمة الله وبركاته ..

أنا خريجة علوم حاسب من جامعة الجوف ..

وعندي الرغبة بعون الله اني اكمل دراستي ,, وان شاء الله راح تكون في هذه الجامعة

لكن احس نفسي ضااايعه :( .. وش المفروض اسويه ؟؟

اسجل قدرات الحين ؟ اخذ توفل ؟ كيف اعرف اذا فيه ومواد تكميليه ؟؟
وصحيح التسجيل في شهر 11 للماستر لعلوم الحاسب ؟؟ وهل اكيد اجده ؟؟

عارفه ثقلــت عليكم :$
بس يا ليــت اجد النصيحه والتوجيه منكم ...

وجزاااكم الله الجنــه اخواني واخواتي ..