ابي احد يوصفلي موقع الاختباربالدمام(برنامج الاختبارفي المناطق)

[jihan]

السلام عليكم ورحمة الله وبركاتة

اخواني الموجودين بالمنطقة الشرقية ابي وصف لهذه الموقع تبع اختبار المناطق بالمنطقة الشرقية



التنمية الاهليه -حي الروضة
تقول الموضفة تبع المعهدالعالمية ماتعرف !!!بس جنب كلية البنات(طيب اي كلية ماتدري)!

فديتكم ابيكم تساعدوني ولاتبخلو علي اليوم ثلاثاء ومابقي شي ع الاختبار ولاااعرف المكان ويمكن غيري كثير
ودمتو بكل ود

[الجرح القديم]

اذا جيت علا شارع 42
خل الاتصالات على يسارك واول اشاره تتعداها تجيك كلية البنات على يسارك برضو
بعدها طالع على اليمين بيجيك مطعم ليتل سيزر حق بيتزا
ادخل بعد المطعم يمين وبعدها امش سيدا على طول يجي الموقع على يمينك بجانب المسجد

[jihan]

يسلمو بس اي كلية قصدك كلية الاداب

[اوتاار صهوووله]

شوفي تعرفين فاعه الشرق الاوسط
الي عند الكليه هي داخل بين بيوت

المكز قبالها انا رحت لمها وشفت موقعها

لكن اذا صعب عليك الامر

خذي لك تاكسي يمشي قدامك بسيارته وانتم واره بسيارتكم

ويدلك لين باب اللجنه
روحي بكره ولابعده واعرفي المكان عشان مايروح الوقت يوم الامتحان

عليك وانتي تدروين موفقه

[jihan]

يسلمووووو من قلب وضحت المعلومة
وعسى ربي يوفقكم يارب ووينجحكم وتجيبون 5 من 5 بالمعدل يارب

[كارزيما]

هو مقابل كلية البنات

اذا جيتي مع شارع الامير نايف وخليتي الكلية على يدك تلفين مع الاشارة يسار (فوق تحت)وتصير بعدها الكلية على يسارك وحي الروضة (مخطط 37 سابقا ) على يمينك وتمشين

شوي لحد ماتشوفين مطعم ليتل سيزر ومطعم النورس تلفين يمين من عندهم تلقين المركز على يدك اليمين

وفيه كروكي ( خريطة ) بالموقع عند مركز العالمية بالدمام