وظائف معيد في إدارة التطوير الإداري بجامعة الملك عبد العزيز

[بنت الشريف3]

مساء الخير للجميع

أنا جاتني الرساله ورحت السبت وسويت المقابله

تقديري امتياز وأكثر اللي موجودين كانوا إمتياز

في وحده من الدكاتره ((مو من ضمن اللجنه)) تقول اللي قدموا عدد كبير جدا بس أخذوا منهم 150

ويوم السبت كان عدد اللي بيسوون معاهم مقابله فوق 40 بس ماقبلوا إلا 30 والباقين أجلوهم

في البدايه كان عدد الدكاتره في اللجنه 4 وعلى نصف الوقت ساروا 2

الأسئله هي::: عرفي عن نفسك؟اش كانتخصصك ؟ ايش موضوع الرساله ؟ ليش قدمتي على الوظيفه ؟ اش أخرالأخبار ؟ اش اللي صاير في إسرائيل ؟ كيف الأسهم اللحين طالعه ولا نازله؟ اش هواياتك؟ سنة كم تخرجتي ؟ وايش سويتي من يوم تخرجتي ؟ وهل معاكي شهادة icdl ولا لا؟

هذي تقريبا غالبية الأسئله والله يوفقنا جميعا

[جرح الغلا]

الله يوفقك اختي

[اكاديموس]

الله يوفقكم جميعاً وكل انسانة راح تستوفي رزقها قبل وفاتها ...

اختي نونا ربي يسعدك ويوفقك ... من باب حب الخير للجميع ممكن تعلمينا نوعية الاسئلة

وكيفية المقابلة والمناقشة ربي يسلمك .... بالعربي حكينا ايش صار لك :)

والنداء لجميع من اجرى المقابلة ربي يسعدكم ... اموت في هذه القصص وترى منها اجر لكم وفائدة لاخواتكم :)

بس احسنوا النية وبس ولا تخافوا ترى على نياتكم ترزقون وكنا في يوم مثلكم :)

ونبغى نعرف التقادير والتخصصات وعلى اي اساس تم الترشيح وبأي معايير ...

ماشاء الله عليكم يا بنات اغلبكم شطار ...

الله يرحم حالنا حنا فتحوا معيديتين بقسم ما واللي قدموا 6 و مافي الا 1 تنطبق عليه الشروط

والثاني رزقه ضعيف الله لأنه كان افضل الباقيين وانقبل رغم انه تقديره جيد ...

كان الله في عون الجميع ... وتحيتي للجميع

[حلمــــ يحتضــــر]

السلام عليكم ..

ان شاء الله تكونوا بخير ..


سبقتني في طرح السؤال أخ اكاديموس


كنت ارسل رساله خاصه للأختي nona22 بس للأسف مشاركاتي ما تسمح لي .. بس ان شاء الله تقدر تشوف الطلب

وترد في اقرب وقت ..

ويلي يقدر رسال لها رساله يسألها ..

وجزاكم الله كل خير ..


*

و ماعليك زود اخوي بالفعل الله يعوض العباد ..

والله يفرجها على الجميع ..

في امان الكريم

[جرح الغلا]

اختي راحت اليوم وتقديرها ممتاز مع مرتبة الشرف و الثانيه على دفعتها
تخصص ادارة اعمال _ تسويق
تقول اول ما وصلت قالت لها الموظفه اذا ما تقدري توقعي
على تعهد انك تروحين بعثه لا تتعبيني و تخليني اطابق اوراقك
وطبعا اخذت ملفها و خرجت لانها ما تقدر تساااااافر

يعني مو حرام عليهم
في بنات اقل من مستواها لمجرد انهم يقدرون يسافرون
عملوا لهم مقابلة

[طموحة مكة]

طالما عدد المتقدمات كان كبير اقلها كان عملو اختبار تحريري .... وبعدها المقابلة ..... الله يهديهم بس ويوفق الجميع

[اكاديموس]

اهلين اخواتي ...

تم تأجيل المقابلة الشخصية لوظيفة معيدة الى ما بعد اجازة عيد الفطر :)

خليني ساكت احسن ...

[طموحة مكة]

المشاركة الأصلية كتبت بواسطة اكاديموس اهلين اخواتي ... تم تأجيل المقابلة الشخصية لوظيفة معيدة الى ما بعد اجازة عيد الفطر :) خليني ساكت احسن ...

اخوي انت داخل عرض علينا وترى الموضوع ما يستحمل المزح ... عندك شي اكيد قوله لا تلعب باعصابنا كذا كلنا عارفين ان المقابلات بدات من يوم السبت ....

[اكاديموس]

اختي الكريمة مزح ايه ربي يسلمك ...

داخل عرض كيف يعني ... وتتوقعي لهذه الدرجة فاضي اشغل النت وادخل الموقع وامزح مع اعضائه ...

مريت بتجربتكم والحمدلله تعينت بعد طول صبر وادري انه موضوع الارزاق ما فيها ادنى مزح ...

هذه الرسالة جات لزوجتي ...

اليوم الظهر ارسلوا لها بكرة مقابلتكم ...

ورجعت من صلاة التروايح واستقبلتني من الباب انه الجامعة ارسلوا لها انه المقابلة تأجلت لبعد اجازة العيد ...

فقلت لها عساها خيرة ...

الحمدلله زوجتي متخرجة مع مرتبة الشرف واخبرتها انه ربي يرزقك ويعوضك خير ...

وانا رغم اني عضو هيئة تدريس صغنون الا اني افهم وش معنى هذه الرسالة ... فهمتِ القصد اختي

كتبت ردي الاول لعل احدى العضوات تجي وتأكد وصول نفس الرسالة لها ...

فجيتي الله يسامحك وتقولِ انا داخل عرض وجاي امزح واستخف دمي ...

الا الدين والارزاق لا احد يمزح فيه اختي ... ربي يسعدك ويوفقك وكان الله في عون الجميع اختي

[طموحة مكة]

المشاركة الأصلية كتبت بواسطة اكاديموس اختي الكريمة مزح ايه ربي يسلمك ... داخل عرض كيف يعني ... وتتوقعي لهذه الدرجة فاضي اشغل النت وادخل الموقع وامزح مع اعضائه ... مريت بتجربتكم والحمدلله تعينت بعد طول صبر وادري انه موضوع الارزاق ما فيها ادنى مزح ... هذه الرسالة جات لزوجتي ... اليوم الظهر ارسلوا لها بكرة مقابلتكم ... ورجعت من صلاة التروايح واستقبلتني من الباب انه الجامعة ارسلوا لها انه المقابلة تأجلت لبعد اجازة العيد ... فقلت لها عساها خيرة ... الحمدلله زوجتي متخرجة مع مرتبة الشرف واخبرتها انه ربي يرزقك ويعوضك خير ... وانا رغم اني عضو هيئة تدريس صغنون الا اني افهم وش معنى هذه الرسالة ... فهمتِ القصد اختي كتبت ردي الاول لعل احدى العضوات تجي وتأكد وصول نفس الرسالة لها ... فجيتي الله يسامحك وتقولِ انا داخل عرض وجاي امزح واستخف دمي ... الا الدين والارزاق لا احد يمزح فيه اختي ... ربي يسعدك ويوفقك وكان الله في عون الجميع اختي

ولا يهمك اخوي حقك على راسي وانا اسفة والله اني كنت حاطة كل املي على هالوظيفة وشيبت راسي من كثر ما استناها .... الله يعوضني باخير منها ويوفقك انت ويا زوجتك.... اسفة مر ثانية