الى مسؤلي كلية تصايم البيئة .... ارجو الرد

[ramy lazoz]

بسم الله الرحمن الرحيم
السلام عليكم
حبايبي اول حاجة احب اشكر الأخ م.دافور على الجهد الجبار والوقفة معانا و تاني شي انا طالب بالسنة التحضيري حاليا وحابب كون بهي الكلية الرائعة لعدة اسباب وانا ليا ايجابياتي وليا سلبياتي من ايجابياتي انو عند قدرة التخيل جدا واسعة قدرتي على الرسم جيدة لاهي ممتازة ولا سيئة ههههه زي ما يقولو استحمل كرف اما سلبياتي كتيرة شوي :$:$:$اول اول حاجة المعدل والقبول تقريبا بنسبة كبيرة لحد الآن حاسب معدلي النهائي ان شاء اله 3,40هل ممكن انقبل بالكلية؟؟؟
طيب اوك ان شاء الله انقبلت وكل حاجة ايش في بعدين من حسب قرائتي للأسئلة المتكررة انو في سنة تحضيرية تابعة للكلية طيب هل لما حدخل هي السنة صحيح سمعت انو في لها اختبار معين للرسم وكمان زي القدرات ؟؟
طيب انا هي بهي السنة الي هي السنة التحضيرية ايش حاخد مواد ؟؟
عديت السنة لما حختار تخخصصي على حسب معدلي ولا كيف ؟؟
وكمان صحيح لكل تخصصص ولو اختبار معين فيه ؟؟ >>>احسها خلاص مرة تخنوها 12 سنة دراسة وقدرات وتحصيلي وسنة تحضيرية وسنة تحضيرية بالكلية وكمان اختبارات :s
طيب افرض مثلا انا ما جبت نسبة معينة هما يبغوها بدي الأختبارات ايش اسوي اخرج ولا كيف ؟؟
وانا سامع الشباب بيقولو مواد 190 و191 ايش دي احسها صارتلي عقدة
حبايبي يا ريت احد يردلي بسرعة وانا مستنيكم على نار <3

[سكتم بكتم]

حبايبي اول حاجة احب اشكر الأخ م.دافور على الجهد الجبار والوقفة معانا

جزاه الله كل خير فجهده واضح وملموس في المنتدى .

تاني شي انا طالب بالسنة التحضيري حاليا وحابب كون بهي الكلية الرائعة لعدة اسباب وانا ليا ايجابياتي وليا سلبياتي من ايجابياتي انو عند قدرة التخيل جدا واسعة قدرتي على الرسم جيدة لاهي ممتازة ولا سيئة ههههه زي ما يقولو استحمل كرف اما سلبياتي كتيرة شوي :$:$:$

ياهلا وسهلا فيك ,كل انسان له سلبيات وايجابيات بس ايجابياتك هي اللي نبيها في كليتنا وغيرها لا.

اول حاجة المعدل والقبول تقريبا بنسبة كبيرة لحد الآن حاسب معدلي النهائي ان شاء الله 3,40هل ممكن انقبل بالكلية؟؟؟

ان شاء الله تنقبل , أما عن المعدل المطلوب فماعندي فكرة بس عندي احساس انهم راح يقبلوك عشان انا كان معدلي اقل من معدلك ودخلت فلا تشيل هم وتوكل على الله.

طيب اوك ان شاء الله انقبلت وكل حاجة ايش في بعدين من حسب قرائتي للأسئلة المتكررة انو في سنة تحضيرية تابعة للكلية طيب هل لما حدخل هي السنة صحيح سمعت انو في لها اختبار معين للرسم وكمان زي القدرات ؟؟ طيب انا هي بهي السنة الي هي السنة التحضيرية ايش حاخد مواد ؟؟ عديت السنة لما حختار تخخصصي على حسب معدلي ولا كيف ؟؟ وكمان صحيح لكل تخصصص ولو اختبار معين فيه ؟؟

في سنةاولى وعلى فكره نص المواد انت ماخذها كالفيزياء والرياضيات والانجليزي ويبقالك المواد الباقيه فتاخذها.

مافي لها اختبار معين زي القدرات ابدا.

المواد تقدر تدخل على موقع كلية التصاميم وتتأكد من مواد السنة الاولى.

انت راح تتخصص لا تشيل هم على المعدل ابد

بعد ماتخلص السنة في اختبار تخصص لقسم العمارة وعلى ماظن قسم الجيومتكس والاقسام الباقية مافيها بس الاختبار بسيط ومو صعب انت اللحين شد حيلك ذا الترم عشان تجيب درجات عالية واذا جا وقت التخصص فلكل حادث حديث فلا تستعجل
أرجو انني استطعت الاجابة عن بعض الاسئلة واذا عندك اي سؤال تاني احنا حاظرين واذا ماقدرت اجاوبك الشباب مايقصرون .

أخوك سكتم بكتم

[ramy lazoz]

والله يا فالي كفيت ووفيت تسلم على ردك الرائع والله يقدرنا ونردلك جميلك

[احمد ربيعة]

^^^^^^^^^^^^^^^^^^^^^^^^^^^^^^^^^^^^^^^^^^^^^

نعم انا معاكم

[дяςђ.ƒάίSάL]

المشاركة الأصلية كتبت بواسطة ramy lazoz بسم الله الرحمن الرحيم السلام عليكم حبايبي اول حاجة احب اشكر الأخ م.دافور على الجهد الجبار والوقفة معانا مايقصر بارك الله فيه وهذا هو العشم فيه وفي جميع طلاب كلية تصاميم البيئة و تاني شي انا طالب بالسنة التحضيري حاليا وحابب كون بهي الكلية الرائعة لعدة اسباب وانا ليا ايجابياتي وليا سلبياتي من ايجابياتي انو عند قدرة التخيل جدا واسعة قدرتي على الرسم جيدة لاهي ممتازة ولا سيئة ههههه زي ما يقولو استحمل كرف اما سلبياتي كتيرة شوي :$:$:$اول اول حاجة المعدل والقبول تقريبا بنسبة كبيرة لحد الآن حاسب معدلي النهائي ان شاء اله 3,40هل ممكن انقبل بالكلية؟؟؟ لاتشيل هم السلبيات والإيجابيات .. ياغالي مافيه أحد طلع من بطن أمه كامل مكمل .. كل إنسان له عيوب ومميزات .. والشاطر هو إللي يحاول ينمّي قدراته ويبرز إيجابياته ويخفي عيوبه ويتجاوزها ويحاول قدر المستطاع أن يزيلها .. بالنسبة للقبول والمعدل .. أحب أقولك إن مسالة المعدل مرتبطة بعدد الطلاب المطلوبين للكلية وعدد المتقدمين والمقاعد الشاغرة .. يعني هي مسألة عرض وطلب .. لذلك لايوجد آلية محددة للمعدل ولكن بشكل عام لايقل المعدل عن 3,5 أو قريب منه حسب ماهو مذكور في عمادة القبول والتسجيل بشأن المعدل الأدنى للطلاب المحولين لكلية تصاميم البيئة .. مثلاً .. إذا كان عدد الطلاب المتقدمين كبير و أكثر من المطلوب أكيد إن الحد الأدنى للمعدل المطلوب راح يرتفع .. والعكس صحيح تماماً طيب اوك ان شاء الله انقبلت وكل حاجة ايش في بعدين من حسب قرائتي للأسئلة المتكررة انو في سنة تحضيرية تابعة للكلية طيب هل لما حدخل هي السنة صحيح سمعت انو في لها اختبار معين للرسم وكمان زي القدرات ؟؟ لا .. لايوجد إختبار للرسم .. نعم هناك سنة تحضيرية للكلية .. لكن موادها هي تقريباً نفس مواد السنة التحضيرية بتغيير بسيط بإضافة مواد خاصة بالكلية .. ومادتين رئيسيتين وهامتين جداً .. تأخذها على مستويين .. كل مستوى بـ ترم .. هي مادة إتصال بصري 190 و مادة أسس التصميم 191 .. إذا كانت رغبتك دخول قسم العمارة .. فـ لازم ماتقل درجتك في هذي المادتين عن 85 .. أما إذا كنت تبغى تدخل قسم التخطيط أو عمارة البيئة أو الجيوماتكس .. فـ المهم أن تنجح فيها فقط بدون النظر للدرجة طيب انا هي بهي السنة الي هي السنة التحضيرية ايش حاخد مواد ؟؟ زي ماقلت لك .. مواد خاصة بالكلية .. مادة تخطيط 130+ مادتين عمارة بيئة 121 و 141 + مادتين عمارة 190 و 191 + فيزياء + رياضيات + إنجليزي و بما إنك درست السنة التحضيرية فـ طبعاً أكيد راح تكون فيه معادلة للمواد إللي درستها وما راح تدرسها مره ثانيه عديت السنة لما حختار تخخصصي على حسب معدلي ولا كيف ؟؟ طبعاً بلا شك .. فـ المعدل مهم جداً .. حتى على مستوى المفاضلة بين الطلاب أثناء القبول .. و أيضاً درجاتك في المواد اللي درستها في السنة التحضيرية مهمة جداً لإختيار التخصص المرغوب وكمان صحيح لكل تخصصص ولو اختبار معين فيه ؟؟ لا .. فقط قسم العمارة .. له إختبار نظري وعملي .. أسئلة نظرية ورسم .. و تشكيل مجسمات بالفلين و مواد أخرى .. لكن هذا ماراح يكون إلا في الترم الثاني بالنهاية .. أما بقية الأقسام الأخرى فلا يوجد لها إختبار تخصص .. >>>احسها خلاص مرة تخنوها 12 سنة دراسة وقدرات وتحصيلي وسنة تحضيرية وسنة تحضيرية بالكلية وكمان اختبارات :s ههههههههههههههههه .. لاتعليق .. أخاف يودونا ورى الشمس طيب افرض مثلا انا ما جبت نسبة معينة هما يبغوها بدي الأختبارات ايش اسوي اخرج ولا كيف ؟؟ لا ياطويل العمر .. لاتخرج ولا شيء .. إحنا الخارجون وإنتوا الداخلون .. لا ياغالي صدقني الموضوع مغاير تماماً للي جاء في بالك .. لكن كل الحكاية لما يكون عندك قسم مطلوب له 40 طالب فقط .. ويتقدم 100 طالب .. فما الحل ..؟ الحل هو وضع إختبارات لهم لكي يكون الإختيار عادل ومنصف .. وطبعاً مو أي شخص يدخل الإختبار .. لازم يكون مطابق للشروط والمعايير الموضوعه من قِبَل القسم .. الدرجات والمعدل وغيرها وانا سامع الشباب بيقولو مواد 190 و191 ايش دي احسها صارتلي عقدة أبداً ولا عقدة ولا شيء .. إنت بس شد حيلك .. وصلـّي الإستخارة .. وصدقني الخيره بإللي يختاره لك رب العباد سبحانه .. وإذا لك في هذي الكلية نصيب فـ الله يوفقك ويسهلها لك .. الكلية متميزة ودراستها ممتعة وأقسامها أكثر من رائعة وطلابها متميزون بصراحه .. و إذا إنت تحب التفاعل والأنشطة والمشاركات اللا صفيه فأحب أقولك إن كليتنا تعتبر من الكليات المتميزة بهذا الخصوص .. وإذا لك معارف بالكلية إسألهم عن الأنشطة إللي حصلت الترم اللي فات .. واسألهم عني كمان << ممثل مسرحي بارع حبايبي يا ريت احد يردلي بسرعة وانا مستنيكم على نار <3 الله يبعدنا وإياك عن النار ويدخلنا جنة الفردوس الأعلى بإذن الله .. أتمنى أكون قدرت أفيدك ياغالي .. و أي شيء تحب تسأل عنه أو أي إستفسار أنا حاضر وبالخدمه

.....