إضافة مواد حرة اضافيه

[البرق9]

بسم الله الرحمن الرحيم

أبغى أستفسر عن إضافة مواد حرة الى الخطة الدراسية أكثر من المسموح بها علشان أرفع المعدل

هل تنضاف هذي المواد وهل درجاتها تعتمد في رفع المعدل أم لا ؟؟

[قطرة مطر]

ابب
استغفر الله

[R-Kh]

ممكن تاخد اكتر من المسموح لك من المواد الحرة
ترفعلك المعدل ايوه ، بس ما تنحسب في الساعات المكتسبة
..

[~..candy..~]

المشاركة الأصلية كتبت بواسطة r-kh ممكن تاخد اكتر من المسموح لك من المواد الحرة ترفعلك المعدل ايوه ، بس ما تنحسب في الساعات المكتسبة ..

كيف يعني اذا نزلت مثلا اكثر من الساعات المحدده لي في الخطه ترفعلي المعدل اللي حتخرج فيه بس ماتلغي عني مواد المفروض اخذها عشان كذا ماتنحسب في الساعات المكتسبه ؟
ولو فرضا انتبهت عليا الاستاذه حقت الحذف والاضافه عادي ماتقول شئ يعني مو ممنوع

[Dr-Bro0r]

عادي تقدري تاخذيها مو ممنوع عشان ترفعي معدلك وما تتلغي المواد الاجبارية لكــ
يعني تاخذي المادة الحرة بغرض انك ترفعي معدلك فقط ... والمواد الاجبارية ناخذيها كلها وتاخذي المواد الاختيارية عادي
ان شالله اكون افدتك :)
موفقة ....

[قطرة مطر]

طيب بنات فية أحد عمل هذة الحركة وكم مادة حرة ضفتيها على جدولك

[Dr-Bro0r]

الى الان ما اخذت الا فلك باربع ساعات و القسم حيحسبلي هية بثلاث ساعات بس تاثيرها في المعدل باربع ساعات
ان شالله اكون افدتك :)

[د/مــهــاااوي]

ذحين انا حخلص من الصيفي وحدخل كلية العلوم اذا الله كتب
وسويت ذي الحركه بيرتفع معدلي لان معدلي مره طايح
اذا ممكن تقولون لي المواد الحره والاختياريه السهله

[مياسة العود]

عادي خذ حره على كيف كيفك

انا اخذت 6 ساعات حره وعندي مواد من قسم ثاني بتتعادل بحره وباخذ كمان حره

كله عشان خاطر المعدل المنهار

تدخل بمعدلك التراكمي

بس يوم تتخرجي يشيلوها من عدد الساعات المكتسبه

يعني كويسه لرفع المعدل والتخرج بمعدل مرموق<<<اهم شي مرموق

لا تخافي محى يحذفوها من المعدل

[Dr-Bro0r]

مياســـة
ايش المواد الخرةالي اخذتيها وسهــــلة عشان اخذها :)