ll تجــمـّعْ : استشاراتكم و أسـألــتكم عن الجدول وأعضاء هيئة التدريـس ..

[ميمو مدني]

من جد يابنات والله توهتوني خلونا كلنا هنا نسال عشان الموضوع دا يفضل مرجع لينا كلنا على طوووووول السنين إن شاء الله وتكون في معلومات اكتر عن كل استاذه ...

على العموم دوري d:

حابه اسألكم عن:

1)اجتماعي مع مها ... انا اخدت معاها نمو وكانت تجننننن بس مااعرف كيف نظامها في دي الماده.!!

2)قياس نفسي مع ريم الحربي.. ندااااااااااااء لبنات الانتساب ((استاذه ريم ادتكم قبل كدا الله يخليكم ريحونا وقولو كيف شرحها واسلوبها واسألتها!!!

والله يوسع الشعب عليكم يااااااااارب..

[Esraa.MD]

يابنااات باللهي قولولي كيف ريم الحربي اتوكل على الله واخد عندها علم نفس نمو
ومعليش عندي سؤال خارج نطاق موضوع الاستاذات بس عشان مابا اكتب مواضيع كتير اول سؤال انا مانزلي جدول لحد الان بس الحذف والإضافة مسموح؟ هل هدا شي عادي
تاني سؤال لما جيت اضيف مادة فن الإقناع مالقيتها اساسا يعني مو اتقفلت لا مفتوحة بس مهي موجودة اش اسوي
وجزاكم الله الف خير اتحملوني اول مرة اضيف واحذف

[مزون عابرة]

ياحبيباااتي ,, ريم الحــربي ماقد درستنا
وبعدين هي بتعطيكم معمل قياس يعني مرررره عادي مايبغاله اصلا تطمنوو
والمعمل ماحيمسكوه الا المعيدات ,, والنظري زيزي ..
مها عطيه اتوقع حتكون بنفس الاسلووب ,, او شوفي نزل الاجتماعي مع مين غيرهاا
عموما الماده حلوة مايبغالها
والمعيدات ما ينخاف منهم

ثآنيا بالنسبه للجدول ما اعرف ليه ما نزل لك بس انتي يعني دوبو نزل لك التخصص؟
يمكن عادي
دام موجود الحذف والاضافه ابدأي اضيفي لك موآد
بالنسبه للاقناع قفلي الموقع وارجعي افتحي يمكن علق او شي

مافي مشكله مالها حل
ان ماقدرتو تضيفو بالنت الين يوم الاثنين روحو الجآمعه واضيفو عندكم لين الاسبوع الثاني ,,

موفقات

[معزوفة ألم2]

بنات الله يسعدكم مين تعرف الاستاذه هذي ايمان عماد شفيق الطباع
لانها تدي احصاء 2
قياليت تردون ضرووووووووووري

[طنقع]

^
^



ايمان الطبَّاع , معيـــــدة بطـــــلة

, كانت تدرّس الانتساب , و بدت معانا تجريبي , شرحها من قلب وتفهّم


ربي يوفقك توكلي على الله,

[A.N.O]

سلااااام
بنات الشعب اللي ابغاها في الراي العام والادارة مو حاطين اسماء الاستاذات اللي حيدونا وانا ابغى مع رباب الجمال في راي عام والادارة مع العنود القيسي
ايش الحل اختار الشعب واتوكل ولا لازم من روحة الجامعه هاذي
ايوا كمان ابغى مادة حرة من التاريخ مع نوال ششه بس لقيت الماده لها شعبه وحده
ومو مكتوب اسم استاذه اخاف اختارها واتوهق تتوقعون هي تديها

[طنقع]

^
^

يا إنك تغامرين , يا تنتظرين لين السّبت وتروحين تتأكدين مين اللي يعطي

[Esraa.MD]

يابنات ابغا اسئلكم
انا اول مستوى ونزلت المواد دي
علم نفس نمو ومدخل الى علم النفس
ومدخل الى الاحصاء النفسي
وراي عام وثقافة اسلامية وعربي
كدا تمام ؟
وبالنسبة للراي العام سهل ولا صعب لا تقولولي مع رباب لانه اسم الاستازة مو ظاهر فحطيت كدا بالبركة اتوكلت على الرحمن فقولولي المادة سهلة ولا كيف
وجدولي تمام كدا

[سكون الاعماق]

اختي مزون عابره ربي يسعدك جاوبيني بسرعه كونك ماشاء الله مجربه اغلب الاستاذات...

اش رايك بالاستاذة...زينب العايش لمادة مدخل الي التوجيه والارشاد النفسي...كيف الاستاذه شفت الكثير يتحاشاها

وهذي موادي وفي نظرك كفايه كذا م.احصاء النفسي(هدى برهان)
م.علم نفس(دلال موريا)
م.التوجيه والارشاد النفسي(زينب العايش)
علم نفس النمو(ريم الحربي)
عربي 201(حنين الدعجاني)
ثقافة201(آسيه الحربي)
ابي تعليقك ع الاستاذات مشكوووووره ..

[الوردة الجريحة]

المشاركة الأصلية كتبت بواسطة معزوفة ألم2 بنات الله يسعدكم مين تعرف الاستاذه هذي ايمان عماد شفيق الطباع لانها تدي احصاء 2 قياليت تردون ضرووووووووووري

راااااااااااااااائعه بكل معنى الكلمة ومبروك عليك