طلب من بنات اشعه سنه ثالثه

[_maraim_]

بسم الله الرحمن الرحيم ..
كيف حالكم بنوتات ,, ماشاء الله عليكم مصحصحين عشان تساعدونا >>> تتميلح

بدايةً .. عددنا جداً جداً قليل ومحتاجين نكون متعاونين ونساعد بعضنا
فياليت يكوون هذا موضوع يتجدد على طوول ويكون فيه كل شئ مفيد لنا في هالسنه الجديده

اتمنى منكم تفاعل وتحكونا عن تجربتكم في سنه ثانيه بعد التحضيري
وبشنو تنصحونا .. وكيف ممكن نتخطى هذي السنه بسهوله وتفوق ..

موفقين ان شاء الله لكل خير
واكيد ماراح ننساكم من دعائنا ...

[M!sS chocolate]

أوووكي انا بسأل سؤال بعد اذن صاحبة الموضوع طبعا
هل نحتاااج نشتري كتب
واللا كفايه لو درسنا من الباوربوينت

[Amal.S.A]

هلإ والله
أول شي مبروووووك للجميع
وأكيد حنكون متعاونين زي ماكانوا يساعدونا الدفعة اللي قبلنا حنساعدكم ان شاءالله
وأبشركم ترى مررة مررة أحلى وأمتع من التحضيري طبعا لأنكم خلاص تخصصتوا في شي معين
وغير كذا دراسة الأشعة مو صعبة والدكاترة متعاونين إلى حدا ما
دحين علينا بالترم الأول ونتكلم ع الترم الثاني في وقته اذا ربنا أحيانا
الترم الاول انا أشوفه أهم من الثاني لأنه على أساسه حتبدأي التخصص
يعني فيه مواد الأناتومي والفسيولوجي مهمة وخاصة الأناتومي ويبغالها مذاكرة أول بأول اذا تبغي الامتياز فيها
الفسيولوجي نصيحة ذاكروا كل سيستم أول بأول وراجعوه ولا لا لا لا تلخبطوا نفسكم بالملخصات الكثيرة
بس اللي مهمة من جد الأوراق اللي الدكتور أو الدكتورة يرسلوها والتوتوريال جدا مهمة الأسئلة حقتها
وغالبا بيجي الاختبار منها
يعني لما يكون عندكم توتوريال لاتفوتوه أبدا أبدا أبدا
الأناتومي وبما اني عاشقة لهذه المادة أقولكم ممتعة لأبعد حد بس يبغالها حفظ وحيكون سهل
ولاتطيروا المعلومات عشان حتحتاجوها الترم الثاني
طبعا العربي والثقافة مايبغالهم شدة حيل عنيفة أهم شي التركيز في القواعد والأدلة
وعموما لازم قسم الثقافة يسووا أكشن كل اختبار
وللثقافة في أسئلة أرسلها لكم بعدين أغلب الأاحيان يجيبوا منهاوبالنص كمان
الثلاثة مواد الباقية يبغالها جلسة محترمة عشان فيها كلام كثير وأحس يدي تعبت d:
وبخصوص من فين تذاكروا ،كلووو من الأوراق ، والأناتومي على حسب الدكتورة
وأخيرا بقولكم على حاجة نسويها كنا أحيانا اللي فاهمة فينا تسوي ملخص وتصوره وتوزعه ع الكل ومرة ذا الشي فادنا
وطبعا كثير كنا نجلس ونفهم بعض ،فانتوا خلوكم كذا دفعة متعاونة مع بعضكم وصدقوني معدلاتكم حتكون عالية بإذن الله

وهذه مرحلة تعتبرجديدة من حياتكم ابدأو فيها صح وبالتوفيق ياقماري
وان شاءالله راح نرتب وننسق الأوراق اللي عندنا ونعطيكم هيّ ،،
اذا افتكرت كلام ثاني حرجع ^_^ وادعوا لي بالله انا وصحباتي انو ربنا يوفقنا
وكمان انا بالذات انونفسي تنفتح للمذاكرة من بدري
سلملم

[M!sS chocolate]

^^^^^^
ياهلااا والله بأبلتنا أمل
قولي آآآمين
يااااااااااااارب يسعدكي ويوفقكي دنيا وآخره انتي وصحباتك
مع انو المفروض ماأدعي لهم ياخذوا دعوه ببلاش لازم يدخلوا يساعدونا
كمان بس ياللا عشانك حدعي لهم <<لا تكفييين ..

ايوه كدا المنتدى بدأ في مساعدات في أكشن شويه
مو أول كئييييييييب بس يالله معذورين اجازه وسفرات وحركات كدا

ولا لا لا لا تلخبطوا نفسكم بالملخصات الكثيرة بس اللي مهمة من جد الأوراق اللي الدكتور أو الدكتورة يرسلوها والتوتوريال جدا مهمة الأسئلة حقتها

الأوراق دي اللي بيرسلوها متى بيرسلوها لأني أبغى أذاكر
بيكووز اليوم كنت مفهيه وفاتحه فمي ماني عارفه الآدميه اش تقول
الا في النهايه بدأت تشرح شويه عربي شويه انجلش لأنها حست انو احنا
زي الأطرشات <<جمع أطرش
في الزفه وسألتنا انتوا ماقد اخذتوا دي الأشياء وكطبيعة الحال كانت اجابتنا
بالنفي وبدأنا نسمع بعضا من كلماتنا العربيه الحبيبه

وأخيرا بقولكم على حاجة نسويها كنا أحيانا اللي فاهمة فينا تسوي ملخص وتصوره وتوزعه ع الكل ومرة ذا الشي فادنا وطبعا كثير كنا نجلس ونفهم بعض ،فانتوا خلوكم كذا دفعة متعاونة مع بعضكم وصدقوني معدلاتكم حتكون عالية بإذن الله

ماشاء الله تبارك الرحمن كلكم شكلوا ماكانت بينكم بنت دافوره لأنو الدوافير مايحبوا يعطوا معلومات لأحد
تخاف لاأحد يسير احسن منها هع ..

وكمان انا بالذات انونفسي تنفتح للمذاكرة من بدري

اذا انتظرتيه ينفتح مارح ينفتح روحي أفتحيه بنفسك <<خبره من التحضيري
أنا أقولك اش تسوي انا لمن تجيني الحاله دي اعطي لنفسي جزء لازم اذاكره
واذا خلصته أكافئ نفسي بشيء أحبه شويه شويه ألاقي نفسي بديت أذاكر

الثلاثة مواد الباقية يبغالها جلسة محترمة عشان فيها كلام كثير وأحس يدي تعبت d:

سلامة يدك ماتشوف شر لالا خليها ترتاح يدك حيهل منها خيير علينااا ماشاء الله عليكي
بإنتــــــــــــــظار البقيه ..

[المتعه]

^^^^

مبروك علىا التخصص صايره زميله وباين من اول تبين اشعه عموما تستاهلين وبتوفيق

ومشكورهـ ياأخت امال ادري الموضوع للبنات بس استفدنا من كلامك كثير .

واتمنىا تقولون لنا ايش الملخصات الي نشتري يعني مثلا في التحضيري كنىا علىا الله ثم ملخصات اشرف بركات <<

[no0of2009]

اهلللن maraim

اووول شئ مبروووووووووووك انو تخصصتو ونورتو الاشعه ..>>هيا منورة من اول بس شعشعتوها زياده "

بصراحه انا مرا مافيا اكتب لكن إن شاء الله اذا شفتكم السبت اقولكم كل اللي تبغو بالتفصيل الممممممل

وإن شاء الله اشوف ملخصاتنا الي بنسويها واديكم تستفيدو منها واسئله الاختبارات واوراق التتوريال ..

موفقين يارب ..

[no0of2009]

المشاركة الأصلية كتبت بواسطة المتعه ^^^^ واتمنىا تقولون لنا ايش الملخصات الي نشتري يعني مثلا في التحضيري كنىا علىا الله ثم ملخصات اشرف بركات <<

اول شئ مبروك عليك التخصص

تاني شئ خلاص راحت ايام اشرف دحين ايامك انتا تسوي الملخص

امممم ماكان عندنا ملخصات زي اشرف بركات تذاكر من السلايدات الي بتاخذوها من الدكاترة

وكلو يكون تمام إن شاء الله

بس في مادة الاثيك >>الاخلاقيات موجوده نفس المحاضرات الي بتاخدوها كتاب بالعربي في النت

وتقدر تسال طلاب سنه ثالث عنو

موفقين..

[Amal.S.A]

المشاركة الأصلية كتبت بواسطة m!ss chocolate ^^^^^^ ياهلااا والله بأبلتنا أمل قولي آآآمين يااااااااااااارب يسعدكي ويوفقكي دنيا وآخره انتي وصحباتك مع انو المفروض ماأدعي لهم ياخذوا دعوه ببلاش لازم يدخلوا يساعدونا كمان بس ياللا عشانك حدعي لهم <<لا تكفييين .. ايوه كدا المنتدى بدأ في مساعدات في أكشن شويه مو أول كئييييييييب بس يالله معذورين اجازه وسفرات وحركات كدا ياهلا بيــــــكِ,, يسعدك ربي ع الدعوات الحلوووة ..تسلمي.. لو شفتي المنتدى على أيامنا مافي أحــــــد..عشان كذا عارفة شعوركم ومسنترة لكم هنا وفي كل مكان الأوراق دي اللي بيرسلوها متى بيرسلوها لأني أبغى أذاكر بيكووز اليوم كنت مفهيه وفاتحه فمي ماني عارفه الآدميه اش تقول الا في النهايه بدأت تشرح شويه عربي شويه انجلش لأنها حست انو احنا زي الأطرشات <<جمع أطرش في الزفه وسألتنا انتوا ماقد اخذتوا دي الأشياء وكطبيعة الحال كانت اجابتنا بالنفي وبدأنا نسمع بعضا من كلماتنا العربيه الحبيبه الأوراق غالبا بعد كل محاضرة..ولازم تختاروا ليدر تكون نشيطة وقووية عشان تساعدكم في هذا الشي .. بس اللي أقصدها أنا الأسئلة اللي تكون زي المراجعة وأتوقع قبل الاختبارات يرسلوها أو يصوروها المهم انو مرة مهمة .. ولاتخافي من الفهاوة ترى كنا زيكم..واذا انها مها حجازي اللي تدرسكم الفسيولوجي من جد هيّ سريعة في الشرح .. بس لاتسكتوا قولوا لها توقف وتشرح شوية شوية .. ماشاء الله تبارك الرحمن كلكم شكلوا ماكانت بينكم بنت دافوره لأنو الدوافير مايحبوا يعطوا معلومات لأحد تخاف لاأحد يسير احسن منها هع .. بالعكس فيه دوافير وناس شطار بس همنا واحد ومو لازم كل الكلاس حتى لو تصيروا قروبات يعني اقصد انتي وصحباتك اللي مرتاحة معاهم ساعدوا بعض ولخصوا لبعض.. اذا انتظرتيه ينفتح مارح ينفتح روحي أفتحيه بنفسك <<خبره من التحضيري أنا أقولك اش تسوي انا لمن تجيني الحاله دي اعطي لنفسي جزء لازم اذاكره واذا خلصته أكافئ نفسي بشيء أحبه شويه شويه ألاقي نفسي بديت أذاكر هههههههههههههههه من جد على قولتك لازم افتح نفسي بنفسي .. بس بجرب طريقتك ويارب تنفع معايا .. هو انا اتحسنت في مذاكرتي كثييييييييير عن السنة التحضيرية بس برضو هذه السنة أبغى أذاكر من بدري بدرررررررري .. سلامة يدك ماتشوف شر لالا خليها ترتاح يدك حيهل منها خيير علينااا ماشاء الله عليكي بإنتــــــــــــــظار البقيه ..

ههههههههههههه الله يسلــمك ويخليييك ..
ونشوفكم السبت ان شاءالله ..

[Amal.S.A]

المشاركة الأصلية كتبت بواسطة المتعه ^^^^ مبروك علىا التخصص صايره زميله وباين من اول تبين اشعه عموما تستاهلين وبتوفيق ومشكورهـ ياأخت امال ادري الموضوع للبنات بس استفدنا من كلامك كثير . واتمنىا تقولون لنا ايش الملخصات الي نشتري يعني مثلا في التحضيري كنىا علىا الله ثم ملخصات اشرف بركات <<

العفووو أخوي.. وأكيد الموضوع والافادة للجميع .. بما انو الدراسة وحدة ^_^
والملخصات اللي فاهم فيكم يسويها ويوزعها ع البقية .. يعني شفت بعض الأحيان اللي زيك طالب ممكن يفهمك اللي مافهمته من الدكتور ..والتعاووون بين الطلاب حلووو ..
و(( يد الله مع الجماعة )) ..
بالتوفيييييييييييق..

[Amal.S.A]

طيب أكمل لكم بشكل سريع باقي المواد .. وطلعت اللي باقية 4 مو 3 > ياللهول ..
دوبني أستوعب انو مواد الترم الأول كانت 8 ..

المهم فيه مادة اسمها medical ethics هذه من نوع المواد اللي تكون في الجيب .. سهـلة جدا زي مهارات الاتصال..
بس اهم شي الحفظ يكون بتركيز عشان أحيانا في الصح والخطأ تصير لخبطة ..

فيه مادة كمبيوتر بس طبعا خاصة بأجهزة الأشعة والله اني ناسية ايش اسم المادة بالضبط ..
المهم انها حلوة .. واحنا كانوا يدونا هيّ المعيدين مدري انتوا كيف لأنو المعيدين أغلبهم اذا مو كلهم سافروا ..
وطبعا مذاكرتها تكون من السلايدات ..

ومادة فيزياء الأشعة هذه يبغالها شدة حيل شوية .. واذا د حنان تدرسكم ترى تجيب الأسئلة حقت الميد تيرم سهلة لدرجة تقولوا بنجيب ال100 واحنا مغمضين .. بس الفاينل يجي شوية عجيب .. والمسائل حاولوا قد ماتقدروا تطلعوا منها كل الأفكار .. وقوانين الرياضيات لاتنسوها لأنو برضو تدخلها عرض مع الفيزياء ..

مادة الراديوبايولوجي عاد هذه احمدوا ربكم واسجدوا سجود الشكر انو الدكتور محمد عبدالرحمن ماراح يدرسكم هيّ .. والمادة مررررررة ممتعة .. وعاد مااقدر أتكلم عليها لأنو الدكتور اللي كان يدرسنا كان شي مرض اعطانا نسخة من كتاب وكمان نذاكر من سلايديات وفوق هذا كله مايجي الا شوية والباقي يطلع الأسئلة من النت ..بس ان شاء الله يجيكم دكتور كويس لأنو المادة من جد رائعة ..


وهذا باختصار كل شــي ..
وزي ماقلت لكم ..شدوا حيلكم من البداية عشان ترتاحوا بعدين ..