بخصوص الإنجليزي المستوى الرابع ..و البرنامج الإرشادي للطالبات المستجدات الرجاء الدخول

[Loveless]

السلام عليكم و رحمة الله و بركاته ،،

أنا طالبة اداري انساني و سنة تحضيرية و حطوني في المستوى الرابع في الإنجليزي ،، و لله الحمد ..

لكن ما فات إلا أسبوع و جاتنا الأستاذة و تقول ماعد في إنجليزي لنا في هادا الترم ..

يعني بأسأل أنا .. في الترم التاني راح يدفسونا بالإنجليزي ؟ ولا خلاص مرة محا ناخد ؟؟!!

يعني بالعربي الترم التاني في إنجليزي بس لغوه للترم دا ؟ ولا خلاص بح ؟ :( نفسي اخلص و ارتاح من الهم عشان انا خطتي ب دحين و مرة سارت خفيفة من دون الإنجليزي يعني 3 مواد بس مهارات و احصاء و تفكير !
و الترم التاني لو حطولي انجليزي راح تكون صعبة :'((((( لأني خطة أ بكون !!

----------------------------------------------------------

هادا الموضوع الأول .. نجي للموضوع التاني ..
و انا في محاضرة مهارات التفكير اليوم اعطتنا الأستاذة ورقة مكتوب فيها (( اليوم الأرشادي للطالبات المستجدات بكلية الآداب و العلوم الإنسانية ))

و هوا يوم الربوع من الساعة 9 إلين الساعة 2 !!

و ابغى استفسر يعني انا طموحي علم نفس دحين !! و لمن قرأت الورقة هادي التخصصات الي مكتوبة ::

1- قسم الجغرافيا
2- قسم التاريخ
3- فسم اللغة العربية
4 قسم الإجتماع

و بس !! يعني فين راح قسم اللغات الأوروبية و اللغة الفرنسية و الإنجليزية و علم النفس ؟؟ يعني هادي ما تندرج تحت كلية الآداب ؟؟ انا مرة زعلت قلت محا احضر :(

بس فهموني قسم اللغات الأوروبية و قسم علم النفس ليش ماهي في ؟؟ ما تندرج تحت كلية الآداب ؟

و كاتبين انو حيتكلموا عن الخدمات البنكية و الخدمات الطبية و و و و ... الخ !يعني نفس الي قالوه في اليوم الإرشادي يبغو يقولو تاني يوم الربوع !!






و بس سلامتكم ،،

و سامحوني لو كان الموضوع مو في محله .. انا جديده شوية في المنتدى :(

[جبرك الوقت]

مآشآء الله حلو مسسستوآك

في بنآت قالو لي انو المستوى الرابع اتلغى والله اعلم

بس اتوقع لو كآن فيه رآح تبدأيه الترم الثاني

انا افضل انك تروحين لمشرفات الانقلش وتسألينهم وتتأكدين

ـــــــــــــــــــــــــــــــــــــــ


وبالنسبه للأقسسسآم انا حضرت اليوم الارشادي وكآن فيه ضمن الاقسآم علم نفس وفيه انقلش بعد

ولها معدلات معينه

[jody 66]

ياسسكر علم النفس واللغات الاوربيه موجودهـ ضمن كليه الاداب والعلوم الانسآنيه ..

يعني ان شاء الله تدخلي وتحققي حلمك ..

[صِبا]

الرابع ما حيتلغي .. يا ناخذه بعد الحج او بداية الترم الثاني ـ و ترا انا خطة أ دحين واخذت انقلش
لمدة اسبوع و يومين ماهي صعبة و لا شي : )
بعدين فرضا اخذتيه بالترم الثاني كلها 6 اسابيع و تفتكي منه ،
و اللغات و علم النفس تندرج ضمن كلية الاداب

[Loveless]

المشاركة الأصلية كتبت بواسطة جبرك الوقت مآشآء الله حلو مسسستوآك في بنآت قالو لي انو المستوى الرابع اتلغى والله اعلم بس اتوقع لو كآن فيه رآح تبدأيه الترم الثاني انا افضل انك تروحين لمشرفات الانقلش وتسألينهم وتتأكدين ـــــــــــــــــــــــــــــــــــــــ وبالنسبه للأقسسسآم انا حضرت اليوم الارشادي وكآن فيه ضمن الاقسآم علم نفس وفيه انقلش بعد ولها معدلات معينه

المشاركة الأصلية كتبت بواسطة jody 66 ياسسكر علم النفس واللغات الاوربيه موجودهـ ضمن كليه الاداب والعلوم الانسآنيه .. يعني ان شاء الله تدخلي وتحققي حلمك ..

المشاركة الأصلية كتبت بواسطة صِبا الرابع ما حيتلغي .. يا ناخذه بعد الحج او بداية الترم الثاني ـ و ترا انا خطة أ دحين واخذت انقلش لمدة اسبوع و يومين ماهي صعبة و لا شي : ) بعدين فرضا اخذتيه بالترم الثاني كلها 6 اسابيع و تفتكي منه ، و اللغات و علم النفس تندرج ضمن كلية الاداب

جزاكم الله الف مليون خير :)) الله يطمنكم ..