ملخص لمادة الاحصاء 111 من مجهودي المتواضع

[فرحة]

السلام عليكم ورحمة الله وبركاته

طالبات وطلاب خطه ب كل يوم راح انزل لكم باب في الاحصاء وراح ابدء من البدايه
طبعا الباب الاول ركزو عليه لانو يجي منو لكن بما انه نظري راح اعديه

ملاحظه مهمه الموضوع نفسو نزلتو في موقع منتدي الجامعه عشان لا تفكروني ناقلتو من هناك
انا راح اوصل معاكم في التلخيص الي الباب السادس
الباب السابع والثامن ماني فاهمتهم اصلا ياريت الي فاهمهم يفهمني هما او الي يعرف ملخص لهم ينزلي هو واكون شاكره لكم

اليوم بدئت اراجع علي مادة الاحصاء
وراجعت الباب الثاني

وراح اكتب لكم شرح للباب الثاني من بعد اذن اخوي ابو باسل جزاه اله خير على هذا الموضوع

لاني قلت لو بفتح موضوع خاص راح تكثر مواضيع الاحصاء وكدا يتشتت الاعضاء




بسم الله الرحمن الرحيم

كل يوم راح اكتب شرح للباب الي ارجعو الي ان ننتهي ونصل للباب الثامن وراح تلاقو انو الاحصاء سهل جدا
تقريبا كلو قوانين ونعوض في القانون فلا تخافو منو



الباب الثاني عرض وتنظيم البيانات


التوزيعات التكراريه
عند حصولنا على بيانات فاننا نطلق عليها مسمي بيانات " خام"
وبعد تلخيص البيانات وتنظيمها في توزيعات تكراريه يطلق عليها اسم " بيانات مبوبه "

معناه اننا بعد ما ننظم البيانات داخل جدول نطلق عليها بيانات مبوبه




مثال صفحة 39 رقم 2-1


الجدول التالي يوضح مؤهلات منسوبي احدي الشركات

الجدول مرتب في الصفحة رقم 40
ما يهمني من الجدول فقط خانه المؤهل العلمي وخانه عدد الموظفين

عشان تذاكرو معايا لازم تكونو فاتحين الكتب لاني صعب عليا انزل لكم جداول هنا

لو فتحتو الكتب على صفحة 40 عشان تشوفو الجدول معايا
الاسئله تجي من الجدول كالتالي


ماهو التكرار النسبي للجامعيين

وماهي نسبه الموظفين الجامعيين



مامعني كلمة تكرار نسبي
السؤال حدد التكرار النسبي للموظفين الجامعيين

تكرار نسبي معناه عدد الموظفين الجامعيين قسمة العدد الكلي للموظفين

13 ÷ 35 = 0,37

طبعا بالاله الحاسبه بعد ما نقرب النتيجه نكتفي بقراءتين فقط من بعد الفاصله لان عاده الرقم يكون طويل جدا فأنا كتبت رقمين من بعد الفاصله بذكر المعلومات الي زي دي مع انو البعض ممكن يشوفها تافهه لكن هي مهمه للبعض بالذات طالبات ادبي


طيب احنا كدا فهمنا معني تكرار نسبي وهو : تكرار شيئ معين والمثال عندنا كان تكرار الموظفين الجامعيين قسمة العدد الكلي وهو عدد الموظفين الكلي خمسة وثلاثين


مثال اخر للتكرار النسبي
حدد\ي التكرار النسبي للموظفين الذين مؤهلهم العلمي متوسط

3 ÷ 35 = 0,08

الثلاثه من فين جات انظر بالجدول خانه المؤهل العلمي متوسط في خانه التكرار عدد الموظفين الحاصلين على مؤهل علمي متوسط هم 3
والعدد الكلي للموظفين 35 اذن نقسم ثلاث قسمه خمسه وثلاثين الناتج هو التكرار النسبي

تاني مره

التكرار النسبي تكرار عدد شيئ معين مثلا عدد موظفين قسمه العدد الكلي للتكرارات






طيب الان لابد لنا ان نفهم شيئ مهم وهو النسبه
كلمة نسبه اول ما نشوفها معناها نسبه مؤيه
وهي التكرار النسبي ضرب مئه

مثال

حدد\ي النسبه للموظفين الحاصلين علي مؤهل علمي للدكتوراه
النسبه المؤيه هي التكرار النسبي ضرب مئه
2 ÷ 35 × 100 =5,71
معناه اول شي جبت التكرار النسبي للموظفين الذين يحملون شهادة دكتوراه والتكرار النسبي هو عدد الموظفين الي معاهم شهادة دكتوراه وعددهم 2عقبالنا يارب قسمة العدد الكلي للموظفين الي هو 35 وبعدين ضربتو في مئه

سهل جدا
لكن انتبهو تلخبطو بين التكرار النسبي والنسبه



اظن انتهي المثال دا وهو سهل جدا

طيب فيه عندنا ص 43 مثال رقم
2_4

لتحديد نسبة السعوده في احدي شركات القطاع الخاص جمعت بيانات عينه مكونه من 1250 موظف من هذه الشركه
تم تلخيص هذه البيانات في توزيع تكراري ونسبي كما يلي

طبعا افتحو الكتب وشوفو الجدول

في هذا المثال تجي الاسئله كالتالي

حددي زاوية القطاع للسعوديين
مامعني كلمة زاويه القطاع
معناها التكرار النسبي ضرب 360


مثال

حددي زاوية القطاع للسعوديين
اول شي لازم نعرف انو زاوية قطاع الدائره بالكامل هو 360
اذن ناخذ زاوية قطاع السعوديين وهي 27 ونضربها في 360

72 ×360 = 259

وهكذا اذا طلب مننا نحدد زاوية القطاع للمصريين
ننظر للرسمة ونشوف زاوية قطاع المصريين كم عندنا كاتب انها 20 % وملونها بالاحمر ونضربها في 360
20 × 360 =27


ويوجد طريقه اخري للحل وهي اسهل بالنسبه ليا

عشان نحدد زاوية قطاع المصريين
نجيب اول شي التكرار النسبي ثم نضربو في 360

يعني
زاوية قطاع المصريين
250÷1250 × 360 =72
والتكرار النسبي من عدد المصريين وهو 250 قسمه العدد الكلي وهو 1250 ضرب 360
كدا النتيجه تكون محدده تمام واسهل







مثال 2_5
صفحة 44


الجدول التالي يوضح بعض الصناعات الهامه في بلد ما بملايين الدولارات
جدول قيمة الانتاج والصناعات

باقي لنا مثال واحد وننتهي من الباب وهو مثال جدا مهم

في الاختبار الذاتي صفحة 56
2-5-17

اكملي الجدول التالي والذي يوضح توزيع عينه من 100 طالب حسب الدرجات التي حصلو عليها في احدي المواد
الجدول فيه اربع خانات فيها علامات استفهام
مهم لو شفتو دا السؤال لا ترتبكو ركزو معايا جدا سهل ان شاء الله


احنا قلنا تكرار نسبي هو عدد تكرار شيئ معين موظفين طلاب اي شيئ قسمة العدد الكلي للطلاب


زاوية القطاع هي التكرار النسبي ضرب 360


اما النسبه علي طول تكرار نسبي ضرب 100



عدد الطلاب الكلي هو حددو لنا في الشؤال وقال 100 طالب
طيب اول خانه عليها علامة استفهام هي خانه نسبة الطلاب الخانه الثانيه

كيف اجيبها
هنا الخانه الفاضيه هي خانه ايش

مضبوط هي خانه النسبه اذن كانو بيقول لنا حدد نسبة الطلاب
والنسبه هي التكرار النسبي ضرب 100
15 ÷ 100 × 100 =15

اول شي ال 15 جات من عدد الطلاب المحدد في الخانه الي فيها عدد الطلاب الي فوق الخانه الي فيها علامة استفهام
وال 100 هي عدد الطلاب الكلي مكتوب في السؤال

ونضربو في 100 لانو طلب مننا النسبه






طيب عندي الخانه التانيه الي فيها علامة استفهام هي ثالث خانه في خانات عدد الطلاب
والخانه الي تحتها كمان فارغه وعليها علامة استفهام
طيب كيف نعمل ركزو معايا

عدد الطلاب الكلي كم هو 100 طالب دي هو حددها لنا في البدايه
طيب اذن اجمعولي كل الخانات حقت عدد الطلاب شوفو كم الناتج وشوفو كم يبقي على الميه العدد الي يبقي هو العدد الي ناقص في الخانه

يالله نجمعهم مع بعض

عشان لا تقولو فرحة تركت شي
5 +15 +25 + 10 =55 كم يبقي علي الميه اكيد انتو شاطرين حتحلوها بنفسكم
يبقي 45

45 = 55 = 100

اذن الخانه الفارغه في عدد الطلاب هي 45

طيب كيف استطيع تحديد الخانه الي تحتها وهي خانه نسبة الطلاب
احددها نسبه على طول الجواب بيكون تكرار نسبي ضرب 100
45 ÷ 100 × 100 =45

طبعا الي ما يعرف يحدد التكرار النسبي او النسبه او زاويه القطاع لا يتردد يكتب سؤال انو ما فهم وانا او ابو باسل راح نجاوب على طول



عندنا اخر خانه في خانات نسبة الطلاب
عليها علامة استفهام
كيف نعبيها نسبه على طول اذن الجواب بيكون تكرار نسبي ضرب 100
10 ÷ 100 × 100 = 10

اتمني يكون شرحي سهل ومفهوم

تمرين صفحة 57
يوضح الجدول التالي اسباب الحوادث المروريه باحدي المدن خلال اسبوع

عندنا علامات استفهام كتيره لا تخافو سهل جدا راح تتمنو لو انو يجينا في الاختبار



الجدول كلو علامات استفهام طيب ايش العمل ركزو معايا
فيه رسمه دائره تحت شكل القطاع الدائري منها نقدر نعبي كل الخانات الفارغه التي ب نسبة الحوادث
الاخضر يعني الاخري وهو 10%
والاحمر السرعه وهو40%
والازرق قطع اشاره وهو 50 %

خلاص عبيتو الفراغات التي بالجدول بخانه نسبة الحوادث

طيب هنا صار معروف عندي نسبه الحوادث وسبب الحوادث والعدد الكلي للحودادث وهو 10

ومازال فارغ عندي عدد الحوادث ايش معمل ايش نعمل
معادله الحل سيكون بمعادله


نسبة قطه اشارة 50 والعدد الكلي 10

اذن نقول نسبة قطع اشاره لتحديد نسبة قطع اشاره يجب علينا تحديد التكرار النسبي ضرب مئه
والتكرار النسبي لقطع اشاره هو عدد الحوادث الي في خانه قطع اشاره قسمه العدد الكلي للحوادث وهو 10 ضرب 100
مازال عندنا عدد الحوادث غير معروف
طيب جيبو ورقه وقلم عشان نعمل معادله

ضعو علامه استفهام
؟ ÷ 10 × 100 = 50
انا بحل اول وحده الي هي قطع اشاره بحل النسبه لقطع اشراه
علامة الاستفهام تدل علي مكان الرقم الي لازم يكون لعدد الحوادث لقطع اشاره
قسمة ال 10 وهي العدد الكلي للحوادث ضرب 100 لاننا لازم عندما نحدد النسبه نضرب في 100
= 50 وهي نتيجه حساب نسبة الحوادث

لاني الان كأني بحل نسبة قطع اشاره مو قلنا عشان نجيب نسبه اي شي النسبه هي التكرار النسبي ضرب مئه
تكرار نسبي يعني عدد حوادث قطع الاشاره وطبعا هنا محطوط عليه علامة استفهام قسمة العدد الكلي للحوادث وهو 10
ضرب 100


راح اعيد كتابتها ؟ ÷ 10 × 100 = 50

اعتبرو انو علامة االاستفهام هي عدد الحوادث كيف نحولها من علامة استفهام الي رقم


؟ ÷ 10 × 100 = 50

حنحولها لمعادله


= 50×10 ÷ 100 = 5

نقلت للطرف التاني رقم 10 لكن بالضرب لانو كان موجود بالقسمه ونقلت للطرف التاني ال 100 بالقسمه لانها كانت بالضرب
ةال 50 اصلا هي موجوده وانا نقلتلها ال 10 لكن بالضرب ونقلتلها ال 100 لكن بالقسمه ليش لانو في اي معادله لما نجي ننقل رقم للجهه الاخري ننقلو بع الاشاره لو كان ضرب يصبح قسمه والع


اتمني يكون المثال اتفهم لانو مهم جدا جدا والله والسنه الي فاتت جانا زيو

حددي زوية القطاع الثالث الغذائية
الحل
التكرار النسبي للغذائيه ونضربو في 360

300 ÷ 1500 × 360 = 72

اول شي احب انبه انو العدد الكلي هو ماحددلي هو يعني عشان اجيب التكرار النسبي لازم اول شي اكتب عدد تكرار الغذائيه وهو 300 طيب العدد الكلي من فين اجيبو وهو ما حددلي هو اجيبو من خانة قيمة الانتاج اجمع جميع القيم يطلعلي الناتج الكلي
500 + 450 + 300 + 250 = 1500
جربوها بالاله الحاسبه



اذن عرفنا من فين نحدد زاويه القطاع
طيب لو طلب مننا نحدد النسبه لقيمة الانتاج للمعدنية
النسبه هي تكرار نسبي ضرب مئه

500 ÷ 1500 × 100 =33,33

عشان تنتبهو ما تلخبطو ركزو عليها مهمه زاوية القطاع هي تكرار نسبي ضرب 360 يعني ضرب زاوية قطاع الدائره كامل

اما نسبه هي تكرار نسبي ضرب 100 نسبه مؤيه عشان كان نسبه اذن نضرب في 100

ان شاء الله سهله ما تلخبط

الي عندو حل لتمارين او اختبارت ياريت ينزلها لنا



دحين راح اترككم واراجع الباب الثالث لانو طويل راح اقسمو على يومين ان شاء الله
ولا تقلقو والله الاحصاء سهل جدا

[عبدالاله الفقيه]

الله يسعدك ويوفقك يارب
تم اضافة الموضوع لمفضلتي وان شاء الله اتابع شرحك أول بأول ^^

[أميرة تكافل]

يسلمو يا عسل

[мέмά εïз]

يسسسعدكـ ربي يَ عثثلآ ،،!

[الاسم المناسب]

يسلمووووووووووووووو

[روووحــي تحبــك]

الله يسعد قلبـــــــــــــــــــــــك

[عهد جدة]

راااااااااااااائع راااااائع رائع مجهود جدا جميل ورائع بوركت اناملك الطيبه يااختي العزيزه.

[فرحة]

بسم الله الرحمن الرحيم


مقاييس النزعة المركزيه
الوسط الحسابي او يسمي ايضا المتوسط الحسابي رمزه اكس بار x ولازم نضع فوق الاكس شرطه او خط ارجعو للكتاب تشوفو الرمز

الوسيط يرمز له بالرمز m
المنوال يرمز له بالرمز d
مهم جدا حفظ الرموز لانه في الاختبار سوف يكتبو لنا في بعض الاسئله فقط الرمز احنا لازم نكون عارفين هذا الرمز يدل على ماذا
ايضا في الاختبار سوف تاتي ورقه مكتوب بها جميع القوانين
لكن بالرموز اذا ما كنت حافظ الرمز فمعناها مع السلامه ماراح تقدر تميز كل قانون من التاني

هناك نوعان من الطرق التي نستطيع ان نعرض بها البيانات

طريقه بالجدول وتسمي طريقة عرض بيانات مبوبه مبوبه يعني مجدوله في جدول


وطريقه بدون جدول وتسمي طريقة عرض البيانات الغير مبوبه غير مبوبه غير مجدوله مهي في جدول

[فرحة]

ايضا في هذا الباب سندرس مقاييس التشتت

ماهي مقاييس التشتت ؟

المدي
التباين
معامل الالتواء
معامل الاختلاف
الانحراف المعياري



جانا شؤال حلو السنه الي فاتت قالت فيه الاستاذه
من مقاييس النزعة المركزيه المدي صح ام خطأ

طبعا الاجابه خطأ لان المدي من مقاييس التشتت


اذن مهم جدا نحفظ كل من مقاييس التشتت ومقاييس النزعه المركزيه ونركز عليها

[ابو نجود11]

الله لا يهينكم... يالغالييين... انا منتسب بالجامعه بالخطه ب ولا ادري عن شي وياليت. تفيدونيَ..

من ملخصات بحكم خبرتكم.. واني ماعرف شي عن الجامعه ولا تحرموني..

وهذ1 ايميلي وياليت تضفوني.. ع شان استفيد منكم. بخصووص الجامعه فقط لا غيررر ياليت ماانررد