شكلي بانتحر

[عبادي 0]

اخواني المهندسين
انا مضايق مرة واليوم زادة ضيقتي ضيقة
الحين نزلي جدول زي الحلاوي مافيه اللا مادة وحدة
وابي اضيف مواد والشعب فلللللللللللللللل
المهم كنت ابي اضيف الفيزياء 202 وحاولت الين فتحو شعب جديدة وانا من يوم السبت وانا اتمشور
المهم جا اليوم دوري بالحذف والاضافة وكانت عندي لامادة Ie201 وناوي احذفها
بسسسسسسسسسسسسسسسسسسسسسسسسسسسسسسسسسسسسسسسسسس

مافي حذف لهذي المادة
واخذتها غصبا عني

وما اضفت الفيزياء

وحاس ان المادةصعبة



فياليت احد يخفف عني بس مايجامل

[مالك معاذ]

الله يعينك

مادة تطلع العيووون

شد حيلك واختار تيم كويس

[الطايفي]

والله مادة تنمي العقل و التفكير بشكل كبير انته شد حيلك و اتكلم في جميع المواضيع اللي تتناقش في الحصة و لايهمك اذا كان تيمك تعبان دام انك مجتهد حتاخذ درجة جدا جدا ممتازة يعني 90 - 95 و انا عن نفسي اخذت المادة مع تيم ما اعرف منه احد و مع ذلك تفاهمنا وبعض الاوقات زعلنا لكن في النهاية نجحنا نجاح كبير بمشروع صغير

خذ المادة بكل بساطة و لا تقرب السوداني اعتمد على نفسك و اذا اخطات راح يتساعد معاك الدكتور في الكويزات و التصحيح حقها

اختاروا لكم ليدر مزبوط مو شرط الدافور اللي تشوفونه فاهم و جاد

بس اهم شي زي ماقلتلك المشاركة الفعالة في الحصة


تراها اروع مادة مرة عليه في حياتي و تمنيت اخذها مرة ثانية مع التيم حقي و الدكتور يوسف شاتيلا
بالتوفيق ان شاء الله واي استفسار انا حاضر

[eng for the world]

حبيبي لاتشيل هم الدنيا ما تستاهل
انا اخذت المادة وماني فاهم فيها شي واخذت فيها 80
خليها على ربك وبس
بالتوفيق

[حلمي بروفيسور]

اذا اخذتها عند الدكتور احمد سالم زكريا احسن لك اسحب الترم

وانصحك اختار فريق جيد واذا ماقدرت اشتغل لنفسك وتاخذ درجتك على قد تعبك


وبالتوفيق,,,

[مفخره الارض]

بصراحه يا حبيبي انا مستجد زيك وسمعت عنها نفس اللي سمعته

بس مصيري ومصيرك اننا ناخذها اذا مهو دحين بعدين لاكن عارف اش اللي يفرق بيني وبينك

انوا انا اموت في شي اسمه تحدي وقالولي عنها كلام يطير اللي ما يطير طبعا زي ما قالولي لمن كنت في العلوم

انك مستحيل تحول ومدري ايش لاكن تحديت نفسي قبل كل شي وتحديتهم ( على عشاء لا صار ولا استوى هههههه)


والحمد لله صار كل اللي في بالي اهم شي انك تبذل جهدك وتسوي اللي عليك وتحتهد وصدقني ربي ما يضيع احد


عموما انا ابي منك انك تحط في اذنك قطن وتشوف مستواك فيها ( وترى الناس قدرات )


اسف طولت عليكم


اخوكم قاهر الie201

[عبادي 0]

الله يعين
بس المشكلة اني كنت ابي اخذها بعد التخصص عشان ماتأثر كثير بالمعدل واتخصص الي ابغاه

بس جبروني عليها وقالوا ماتنحذف

[E.KHALED]

والله كلام مفخره الاض حكم ودرر !!!! انا ماخذ المستوى الثاني تجي معي بالتيم شعبه 06 ؟؟؟؟ )===>

ترا الماده وش يبغالها شويه شغل ومذاكره خفيفه في الكويزات ومشوع بسيط

ترا العيال الي بالهندسه خوفوني منها مره وكرهوني فيها طلعت ماده سهله جدا اهم شي انك تفهم مع الدكتور وتشد حيلك فيها

ولا تاخذ كلام اي احد لان اصابع ايديك مو سوا اولا .؟
وثاني شي قدرات الناس مختلفه يعني توكل على الله والله يوفقك انشاء الله ز