معادلة مادة الحاسب

[Fayiz]

المشاركة الأصلية كتبت بواسطة saboo السلام عليكم ورحمة الله كيفكم جميعا وكيف اختباراتكم اذا حايسين زيي الله يعينكم انا عادلت مادة الحاسب بشهدة icdl والجامعة قبلتها الحمد لله وانا في بالي انو خلاص مااحضر الاختبار لكن الجامعه ارسلتلي مسج انو على الطالبه المسجلة في مادة الحاسب حضور الاختبار في الموعد على حسب جدول الاختبارات فماني عارفه احضر ولا مااحضر احترت ياليت اللي عندها معلومه حول هذا الموضووع تفيدني الله يجزاكم خير والله يوفقكم جمييييعاً ...

النظام يقول:

يمكن معادلة مقرر " مهارات الحاسب CPIT 100 " للطالب/الطالبة بشهادة الرخصة الدولية لقيادة الحاسب الآلي (ICDL) والتي تحتوى على محتويات المقرر وهي المفاهيم الأساسية لتقنية المعلومات واستخدام الحاسب وإدارة الملفات ومعالجة الكلمات وجداول البيانات وقواعد البيانات والعروض التقديمية والمعلومات والاتصالات إذا توفرت في الطالب الشروط التالي :
§ أن يكون الطالب حاصل على شهادة الرخصة الدولية لقيادة الحاسب الآلي (ICDL) من جهة أكاديمية معترف بها مثل الجامعات والمؤسسات والمعاهد العلمية.
§ يتم معادلة شهادة الرخصة الدولية لقيادة الحاسب الآلي (ICDL) المستوى العادي (ICDL Standard) والذي يحتوي على عدد سبعة وحدات تعليمية ، وليس مستوى البداية (ICDL Start) الذي يحتوي على عدد أربعة وحدات تعليمية فقط.
§ تتم المعادلة في أول الفصل الدراسي وذلك خلال أسبوع الحذف والإضافة حيث يقوم الطالب بتقديم شهادة الرخصة الدولية لقيادة الحاسب الآلي (ICDL) للشؤون الأكاديمية بالكلية أو عمادة القبول والتسجيل.
يحصل الطالب عند المعادلة على درجة النجاح (PASS) وأنه اجتاز المقرر ولا تحسب له في المعدل التراكمي.



يعني ما قال يجي يمتحن... قال (اجتااااااااز) وباقي المعدل يتوزع على بقية المواد

[saboo]

ياهوه جننتوني مادة الحاسب تعادلة عندي خلاص وانحذفت من الجدول وعندي في صفحة الاوديس في كشف الدرجات انو متعادلة
انا كنت بس ابغا اتاكد انا لازم احضر حتى لمجرد الحضوووووووور فقط او انو لازم اطبع صفحة المعادلة واقدمها بس هذا هوه سؤالي وبعدين انا قدمت الشهادة لهم قبل الاختبارات باسبوووعين فقط

عاد اللي ماقبلو معادلته او عقدو له في موضوعها الله يعينه لكن انا موضوعي منتهي خلاص بس اللي شككني المسج اللي ارسلوه على جوالي

[احلى حربيه]

طيب لو سمحتو ابي اعرف لو عادلت الشهاده يحسبون لي درجه
لانو بعد ماعادلتها قالولي انو مابتنحسب بالمعدل