تجربتي المريره .. والسنه التحضيريه .,!!

[Aowedh Alsolmi]

سلام من الله عليكم ورحمة منه وبركاته

مساء الخير اخواني / أخواتي ..

وكل عام وانتــم بخير .. وكتب اللـه لنا ولكم التووفيق والسداد ..

لاتستغربون من معرفي في هذا المنتدى .. فنحن عن جد منكوبين او بالأخص انـا اذ ا ماهو الكل ..

دفعتـنا هذه التي الان تقبع فيه سجون السنه التحضيريه مرت بعدة ظروف ومصاعب اجتزناهـا ولكن العائق الأن اتوقع انا لاأجتازه اذا لم يكن معي الكثير ..

طبق علينا نظام المعدل التراكمي على الصفين .. فما كان منا الا ان اجتهدنا على مدى سنتين كامله وحصلنا على ماحصلنا عليه ولله الحمد كانت النتيجه مرضيه بالنسبه لي ولوالدي الذان اسعى الى ارضاهما..

اخواتي الكرام بعد ان اجتزنا هذه المرحله وحصلنا على نسب عاليه في الثانويه العامه .. فوجئنا بالنسب الكافئه واجحاف نسبة الثانويه العامه ..

لا اخفي عليكم فقد حصلت ولله الحمد على درجه مرضيه لي (85)..
ولكن رأيت الكثير والكثير من من توقف قبولـهم على اختبار القياس .. فالكثير يقبع في حدود الستين ..

بعد ذلك فوجئنا .. بالأختبار التحصيلي ( التحطيمي ) << على تسميتي له .. لأنه بدد الأحلام وذهبت ادراج الرياح ..

لم نعي اهتماما بذلك فقد رضينا بما قسم رب العباد لنا ..

ولكن الطامه الكبرى اننـا بعد حضورنا في جامعة الملك عبدالعزيز في السنه التحضيريه فوجئنا واللـه ياجماعة الخير 70% من الطلاب مصدومين من طريقة التدريس وطريقة المناهج القويه القويه بما تعنيه الكلمه ..

فلأنا اول المصدومين من هذه الجامعه وطرق التعقيد فيها ..

فقد حـطمت تماما تماما <<< ياليت تعوون معنى هذا الكلام ..

فقد كانت الأحـلام تصل الى حدود كلية الهندسه والأن لاادري تصل لعلوم البحار ام لا ..؟؟

اخوتي .. لقد رضيت بهذا الواقع المرير وعزمت على انا لاايأس تماما وان احارب من اجل اكمال هذه المسيره المحمله بالعوائق والعقبات ..

فقد بحثت عن مدرس خضوصي .. وقد وجدت رجل اتسم فيه الخير فهو مشهود له بشهادة الكثير وحاصل على ماجستير باللغه الانجليزيه ..

ويعرف الكثير من اعضاء هيئة التدريس .. وانسان بسيط لايتجاوز فصله الذي يدرس فيه الثلاثة امتار ..
فقد حضرت عنـده وكان يعرف اخواني وكثير من ابناء الجيران ..

ولكنــه فاجأنا بكلامه حينما قال ..
(( ياشباب واللـه منهجكم قوي قوي جدا ولايناسب اي خريج ثانوي لأنهم تجازوا كتب كانت تدرس العام الماضي ونقلوكم لمستويات علياء لاتناسب هالفئه ..))
وبما انـا الرجل له خبره في هذا المجال 35 سنـــــه ..

فقد اقسـم باللـه واللـه ياجماعة الخير اقسم بالـللـه ان تكوون سنبة الرسووب في هذه الماده 85% اذا لم يروا حل هذه الأيام ..

سؤالي الأن لكـم ..

ماذا انــتم فاعلوون .. وماذا تشيروون علي .. واريد رأيكم بالمناهج الانجليزيه ..؟؟

شاكر لكم جزيل الشكر ..

طالب منكوب

[ولد لزيز]

هو صدق بكلامه ..
اقسم بالله اصبحت دفعتنا فئران تجارب ..
بالمختصر " يجربون على حسّنا " ..
وش تسوي مابيدك شيء غير " حسبي الله على اللي كان السبب ..
اذا بتستمر وتشد حيلك وتضغط على نفسك من كثرة المحاضرات والارهاق تمام عليك ..
وبيجي يوم تكره ام اليوم اللي دخلت فيه الجامعه ..

[مَـزٍآج ..}..]

): ): ): ): ..

والله خوفتنـي يآ شيخ .. لهدرجـه 85% نسبـه مرهـ كبيـرهـ ..
بصـراحه لحد الحين مآ اخذنـآ شئ في الانقلش مجرد اشيآء بدائيـه وكآنت سهله ..

لكن لا ادري مآ يوجد داخل هالكتب الاربعه المخيفهـ .. واللهـ مو عارف ايش اقـول
وايش راي في المنهج .. لاني ما تصفحـته اصلا .. واخاف اذا قلبته مآ افهمـه ..

رايي هو اننـآ نسوي الي علينـآ والباقي على رب العالميـن ما نقدر نسوي اكثر من كذا ..

): ): ):

[Aowedh Alsolmi]

المشاركة الأصلية كتبت بواسطة ولد لزيز هو صدق بكلامه .. اقسم بالله اصبحت دفعتنا فئران تجارب .. بالمختصر " يجربون على حسّنا " .. وش تسوي مابيدك شيء غير " حسبي الله على اللي كان السبب .. اذا بتستمر وتشد حيلك وتضغط على نفسك من كثرة المحاضرات والارهاق تمام عليك .. وبيجي يوم تكره ام اليوم اللي دخلت فيه الجامعه ..

ولد لزيز .. لاهنت على طلتك بمتصفحي ..

والله يعين الجميع .. فكرة الأنسحاب كانت ببالي .. لكن وين برووح وين . .؟؟

نسأل اللـه التيسير للجميع يارب العالمين فانت تعلم مافي انفسنا ومافي صدورنا .. وماذا يفعلون فينا ..

يارب سهلها ..

[Aowedh Alsolmi]

المشاركة الأصلية كتبت بواسطة cooooool ): ): ): ): .. والله خوفتنـي يآ شيخ .. لهدرجـه 85% نسبـه مرهـ كبيـرهـ .. بصـراحه لحد الحين مآ اخذنـآ شئ في الانقلش مجرد اشيآء بدائيـه وكآنت سهله .. لكن لا ادري مآ يوجد داخل هالكتب الاربعه المخيفهـ .. واللهـ مو عارف ايش اقـول وايش راي في المنهج .. لاني ما تصفحـته اصلا .. واخاف اذا قلبته مآ افهمـه .. رايي هو اننـآ نسوي الي علينـآ والباقي على رب العالميـن ما نقدر نسوي اكثر من كذا .. ): ): ):

والله هذا كلامه يالغالي .. والرجل من قدامى معلمين اللغه بجـده ..

المنـهج صعب << وفارغين من هالكلمه ..
ياخي مافيه تفاهم بين الوزارات .. وزارة التعليم العالي تتوقع التربيه تخرج طلاب فاهمين انقلش ع اصولها ومادروا ان التأسيس منـــــــــــــــــتهي للنهايه ..

والضحيه الطالب بين الوزارتين ..

أختــبار تحديد المســــتوى ماجاء من فراغ ياجماعة الخير .. وانتـظروا القرارات التي بعده ؟.؟ إن شاء الله تكون خير وعون لطالب لاعليـه ..

اللـهم عليك بهـم فأنهم لايخافونـك فينـا ..

(( والله اسبوعين سوودت عيشتي ))

اللـهم نفس كربي وكرب جميع طلاب جامعة الملك عبدالعزيز وجميع الطلاب والمسلمين ..

وسهلـها علينا يارب ..

لاهنـت يالغالي على طلتـك وبغيت انسـاك من الشكر ههههههههه << من زود الفلسـعه ربي خخخـ ..

تحيتيـ لك ..

[Tomy]

كلامك صحيح ولاكن لاتتحطم بهذي السهوله فالتحطم يعتبر نوع من أنواع عدم التفاؤل الذي دعاء إليه نبينا محمد عليه أفضل الصلاة و التسليم

و عدم حسن ضن العبد بربه (( الله عند حسن ضن عبده به إذا كان خيراً فخير و إذا كان شراً فشر)) و عدم الإيمان بالقضاء و القدر و لكن علينا أحتساب الأجر و الصبر (( إن الله مع الصبرين )) و الأكثار

من قول إنا لله وإنا إليه راجعون .... بالنسبه للإنجليزي حقيقتاً نظام الجامعة فاشل و بقوة و الجدول مضغوط جداً و المدرسين ....... إلخ ولاكن ما باليد حيله ...... اللهم لاسهل إلا ما جعلته سهلا وأنت

سبحانك تجعل الحزن إنشئت سهلا .

بإذن الله تعالى سوف نلتقي العام القادم و نحن في كلية الهندسة

ليس هذا على الله بكبير.

[بنوتة عسل]

بصراحة كلنا طلاب السنة التحضيرية منكوبين يعني بعد ماعملو علينا كل التجارب الحين ظغطونا في المحظرات يعني 6 محظرات من 8 الى 2 واللة مرة مرة مرة تعب صح مو كل يوم 6 لكن كل يوم من8 الى2 وبينهم 10 دقايق اش الحظ هذا اللة يعين بس ..
وهذا كلو حاجة والانقلش حاجة ثانية انا كنت في الثانوي من احسن الطالبات فية وكنت فاهمة كل شي في الكتاب لكن الحين ماكني درست يعني ثلاث محاظرات في اليوم اش اسوي اترجمها واذاكرها ولى احظر اللي بكرة وين الوقت اللي يخلي الواحد يسوي هذا كلة خصوصا بعد اليوم المتعب ..
خلوها على ربنا وانشاء اللة بعد التعب هذا كلة نلاقي نتيجة..

[ROoOFaNA]

ياناس لازم تعرفوا ان الخطوة مكتوبه لبني ادم من عند رب العالمين
ولازم تتوكلوا على الله وتاخدوا بالاسباب
مو معنى تخرج كافيهات وتماشي وكباين وتترك الكتب وبعدين تقول صعب وما ادري ايش
انا ابغاكم تتاكدوا ان الانسان لو يبغى يسوي شي يقدر صح والا لا
صح ما انكر اننا دفعه مجرب فيها كل شي لكن الحمد لله عدينا
نسوي اللي علينا والله يوفقنا جميعا
وانشاء الله تكون من خريجين كلية الهندسه وبامتياز

[Aowedh Alsolmi]

المشاركة الأصلية كتبت بواسطة Tomy كلامك صحيح ولاكن لاتتحطم بهذي السهوله فالتحطم يعتبر نوع من أنواع عدم التفاؤل الذي دعاء إليه نبينا محمد عليه أفضل الصلاة و التسليم و عدم حسن ضن العبد بربه (( الله عند حسن ضن عبده به إذا كان خيراً فخير و إذا كان شراً فشر)) و عدم الإيمان بالقضاء و القدر و لكن علينا أحتساب الأجر و الصبر (( إن الله مع الصبرين )) و الأكثار من قول إنا لله وإنا إليه راجعون .... بالنسبه للإنجليزي حقيقتاً نظام الجامعة فاشل و بقوة و الجدول مضغوط جداً و المدرسين ....... إلخ ولاكن ما باليد حيله ...... اللهم لاسهل إلا ما جعلته سهلا وأنت سبحانك تجعل الحزن إنشئت سهلا . بإذن الله تعالى سوف نلتقي العام القادم و نحن في كلية الهندسة ليس هذا على الله بكبير.

ونعم بالله سبحانـه وتعالى ..

الله القادر على كل شيء ولو اجتمعوا الناس ليصيبوك بشيء ولم يكتبه اللـه فلن يصيبك ..

اخي العزيز .. نحن مؤمنين بالله عز وجل ونعلم ان اللـه عظيم ولن يضيع جهد المجتهدين ..



لكن يالغالي واللـه الووضع صعب جدا ومتأزم للنهايه ..
لن نستـسلم بالسهووله راح نكافح ونكافح .. وكل شيء على الله ونعم باللـه ..

لكن الشيء الذي هم يطالبونا فيـه يعتبر فوق طاقتـنا ..

اذا تأخذ اسبوعيا 27 ساعه دراسيـه ..

باللـه كيف تذاكر .. << هذا لو انـت فاهم .. يعني حنا بنروح مدرسين خصوصين .. ع هذه متى تذاكر باقي المواد ..

والله والذي لااله الا هـو ان سياسة الجامعه في هذه السنه التحضيريه هي (( تعقيد الكثير من الطلاب وتصفيتهـم بمنخال ونخلـهم )) << واللـه لايجعلنا ولايجعلكم من المنخوليـن ..

وراح تبان النتائج في نهاية الفصل الأول وراح تكون الطامه وقـتها ..

هذا اذا ماوصل الأمر لوزير التعليم العالي والمسؤلين ..

جزاك اللـه خير .. ع سدلك لهذه النصائح الرائـعه ..

سر يالغالي على بركة اللـه .. واللـه يووفقك لكلية الهنسده فهي من أعظم الكليات ..

امـا انـا فسوف ابحت عن كلية علوم البحار بشمـعه ..

ودي وأحترامي ..

[MJD]

شباب هذا الى صاير الكلام ما راح ينفع وبعدين أنا سمعت من بعض الطلاب أن محاضرات الأنجليش راح تتغير للأفضل بالنسبه للرياضيات راح ينزلون في عدد الساعات



بس صحيح دفعتنا يسمونها طلاب أقصد... (فئران تجارب) بس لازم نحقق طموحنا أنا سنه تحضيري أداري وأنساني صحيح طلاب العلمي دروسهم أصعب من دروسنا بمليون مره بس لازم تشدون حيلكم





الى يبي يسحب من الجامعه وين بيروح بعدها راح يضيع مستقبله عشان يقولون السنه صعبه
الله يوفق الجميع ولا تقطعون الأمل وشيلو فكره السحب من الجامعه








تقبلوا تحياتي
أخوكم ماجد