دراسة الـHacking

[CrEaTiVe4ever]

المشاركة الأصلية كتبت بواسطة joojoo.one انا دخلت علوم حاسب عشان قريبي دخل علوم حاسب وانجز فيه وانعرف وانا عاجبتني الفكره دي لكن حقوون التقنية ما سمعنا عنهم شي ولكن انا بدي ادرس هاكينج جنب علوم الحاسب .. ابغى اخد شهاده فيه بس ما قد سمعت عن جامعه ولا مكان ادرس فيه هاكينج وفي ناس عندهم شهادات ؟؟؟؟؟؟؟

يابنت لا تدفي لا آجي .. احم احم

وبعدين مين قال انو الإنجاز يسير بالتخصص ؟!! .. الإنجاز يسير بالشخص بحد زاتو :) ..

[كفاني عذاب]

ما قد سمعت عن جامعه او معهد يدرس هاكينق في السعوديه

ممكن برا فيه ما ادري


لكن عموما زي ما قال الاخ لازم تكون على معرفه بعدت لغات ومنها الفيجوال بيسك والسي بلس بلس والـ php وغيرها

ما عندي خبره في الموضوع بس قريت عنه

وغير كذا لازم تكون مخفي جميع اثارك اذا دخلت هالمجال عشان لا تكون ضحية الهكر لانه كلها ملغمه وغالبا راح يتعرضون لك وبتلاقي اذى لكن اذا كنت مصمم تكمل ما بيهمك تتحمل اللي يصير

يعني اي اشياء خاصه ما تكون في الجهاز المستخدم اذا كنتي بتتعلمين عن طريق النت


وبالتوفيق ان شاء الله ..

[مهموم والله]

أي شخص راح يدخل عالم الهكر لازم في البداية راح ياكلها على راسه لهذا يشوف له أقرب جهاز معدوم بالأصح مايحتاجه ويقعد يجرب عليه حتى لو اكلها ماراح يخسر شيء ومنها يتعلم بالشكل الصحيح ..

دُمتم بخير

[asooom]

ههههههههههههه وربي أنا أكلتها على راسي لمن طفشت يا صاحبي

خلاص أستسلمت صرت أشوف جهازي سبيل الرايح والجاي مخترقينوا

عشان كدا خلاص طفشت

[abodidream]

المشاركة الأصلية كتبت بواسطة asooom ههههههههههههه وربي أنا أكلتها على راسي لمن طفشت يا صاحبي خلاص أستسلمت صرت أشوف جهازي سبيل الرايح والجاي مخترقينوا عشان كدا خلاص طفشت

بدري حاول asooom

[كفاني عذاب]

انت الرايح والجاي غيرك جهازه صار مجلس

اي احد يقلط فيه هع

[أبو غيث]

هناك شهادات تمنح في الهكر الاخلاقي وهي متنوعة .. كما ذكر عبودي ..
وبالحديث عنها بالسعودية .. سمعت من بعض الاصدقاء انه يمكن أخذها عبر e-learning
ولست متأكد كثيراً من هذه المعلومة ...


أما عن بعض أدوات الهكر ... التي أصبح يعرفها الكثير ...
فمن يستعملها ليس بهكر بمعناه المعروف .. وحقيقة أنهم يلقبون كمتطفلين بحسب قوانين أمن المعلومات العالمية ..


هناك مواقع وكورسات على الإنترنت يمكن الإستفادة منها وحتى كتب ... كتعليم ذاتي ..
ومع الوقت يزداد افق المعلومات لدى الشخص ويتطور ..

هناك ايضاً دورات تقام بمركز أمن المعلومات بالرياض ببعض الأوقات ..
وكان آخرها دورة بعنوان "كيف تصبح مخترق أخلاقي" بتاريخ
23/ ربيع الاول / 1432 هـ - 26/ فبراير / 2011 م


وهناك رسوم على الدورة ..

[أبو غيث]

ههههه اللي مجلس واللي واللي ...
السؤال الأبرز ..

هل يجب لطلاب الحاسب أن يتعلموا بهذا المجال ؟

[CrEaTiVe4ever]

المشاركة الأصلية كتبت بواسطة أبو غيث ههههه اللي مجلس واللي واللي ... السؤال الأبرز .. هل يجب لطلاب الحاسب أن يتعلموا بهذا المجال ؟

بوجهة نظري نعم !

خصوصاً لطلاب قسم أمن المعلومات .. مو موجود عندنا ..

بس إذا توفر .. عشان يكونو فاهمين الشغلة صح على قولتهم ..

ويضيفو لتخصصهم أكثر ..

ولا .. ماني عارفة لها تفسير دقيق براسي بس عشانو ماينفع لأي شخص :) ..


see ya

[هلالي و بس]

المشاركة الأصلية كتبت بواسطة creative4ever بوجهة نظري نعم ! خصوصاً لطلاب قسم أمن المعلومات .. مو موجود عندنا .. ويضيفو لتخصصهم أكثر .. See ya

أمن المعلومات جزء من دراستنا في الـ is