تـــجمع الــــــB!oc لبـــنوتــآت الـــفــــرع ..~

[NSMR]

المشاركة الأصلية كتبت بواسطة دعاء .. مسآء الخير حبايبي .. احتآج رايكم وَ مساعدتكم فِ الجدول من ناحية المواد و الاستاذات !! * بيولوجيا خلية / عائشه العلواني * آيض / جهاد يوسف * انزيمات / عزه حسن * آسس تغذية / رويدة الليلي * معمل كيمياء عامه * ثقافه 3 وربي يسعدكم

جدولك كويس ماشاء الله بيولوجيا خلية كويسه استاذة عائشة العلواني شرحها تمام ماتأشر كل الكتاب معاكم بالدوريات بس بالنهائي يحذفولكم جزئية كويسه اما بالنسبة للاختبار بالدوريات تجيبلكم التعاريف مصلحات احفظي اسمها بالانجليزي وتجيب رتبي وصلي شيء زي كذا وكمان صح وخطأ بس ركزي وانتي ذاكري :)

أما الاسس يمدحو استاذة رويده واسئلتها يقولو حلوه بالتوفيق

[dr//sara]

المشاركة الأصلية كتبت بواسطة دعاء .. مسآء الخير حبايبي .. احتآج رايكم وَ مساعدتكم فِ الجدول من ناحية المواد و الاستاذات !! * بيولوجيا خلية / عائشه العلواني * آيض / جهاد يوسف * انزيمات / عزه حسن * آسس تغذية / رويدة الليلي * معمل كيمياء عامه * ثقافه 3 وربي يسعدكم

مساء الورد
انتي نفس استاذاتي بالانزايم و البيولوجي و الايض
انا م سألت إلا عن استاذه عائشه لاني كنت متردده بالماده اخذها هالسمستر او لا
هي درست صاحبتي السمستر اللي فات امن و سلامه
و نصحتني فيها تقول مره كويسه و بتساعد بالدرجات
اما استاذه عزه و جهاد م اعرف عنهم شي يا ليت يساعدونا البنات

[dr//sara]

المشاركة الأصلية كتبت بواسطة dr//sara مساء الورد انتي نفس استاذاتي بالانزايم و البيولوجي و الايض انا م سألت إلا عن استاذه عائشه لاني كنت متردده بالماده اخذها هالسمستر او لا هي درست صاحبتي السمستر اللي فات امن و سلامه و نصحتني فيها تقول مره كويسه و بتساعد بالدرجات اما استاذه عزه و جهاد م اعرف عنهم شي يا ليت يساعدونا البنات

عشان يستفيدو البنات بالسمستر الجاي ان شاء الله
استاذه عايشه علواني تدرسني بيولوجي خليه ايش اقول و ايش اخلي ؟ اخخخلاق اخخلاق و شرحها ممتع م شاء الله خذو عندها بدون م تفكرون
دكتوره جهاد اخلاق م شاء الله و قريبه من القلب و شرحها كويس بس الماده غثيثه صراحه المشكله فيني مو قادره اتقبل الماده اما الدكتوره شرحها و و اسإلتها ممتازين للامانه
دعواتكم

[NSMR]

السلام عليكم ..

بنات حبايبي مين قد اخذت صحة الفرد مع فاطمة الغامدي كيف شرحها واسئلتها .. وكمان استاذة فاتن * مادة أسس تغذية * كيف أسئلتها ؟!

[مَيسمْ]

المشاركة الأصلية كتبت بواسطة nsmr السلام عليكم .. بنات حبايبي مين قد اخذت صحة الفرد مع فاطمة الغامدي كيف شرحها واسئلتها .. وكمان استاذة فاتن * مادة أسس تغذية * كيف أسئلتها ؟!

-
أسس تغذية لا تأخذيها الا مع رويدا الليلي غير كذا لا مرا كويسة اخذت عندها 100 الترم اللي فات .

[NSMR]

ميسم مرا الله يسعدك اصلآ انا كنت ابغاها مع رويدا بس ماكان في الا فاتن فحذفته وقلت الترم الجاي اضيفها ان شاء الله ♥♥

صبايا شوفو جدولي وقولولي اش رايكم :/

اخذت كيمياء حيوي غير عضوي
ايض 2
كيمياء حيوي تغذية
هرمونات
احياء دقيقة
معمل كيمياء مجموع ساعاتي 14

[مَيسمْ]

المشاركة الأصلية كتبت بواسطة nsmr ميسم مرا الله يسعدك اصلآ انا كنت ابغاها مع رويدا بس ماكان في الا فاتن فحذفته وقلت الترم الجاي اضيفها ان شاء الله ♥♥ صبايا شوفو جدولي وقولولي اش رايكم :/ اخذت كيمياء حيوي غير عضوي ايض 2 كيمياء حيوي تغذية هرمونات احياء دقيقة معمل كيمياء مجموع ساعاتي 14

-
آمين يارب وياكِ , ساعاتك قليلة عادي تقدري تضيفي اسس تغذية بداية الترم يوسعوا الشعب .

[baroo,A]

ا.جهاد باخذ معاها الترم دا هي كل ترم تغير اسلوبها في الاسئلة مابين المتوسط والسهل بس مره طيبه وتحب البنات
اما ا.عزه الاختبارات عباره عن اسئلة مراجعه تعطيكم هي راح تكون اختياري وفراغات وصح وخطا
شرح مو مرة بس تجيبي a+

[amani.a]

ايش هيا المواد العامه ، و المواد الحره ، و المواد الاختياريه
ساعدوني مرا متبهدله في الجدول

[طُهرٌ أنَا..]

المشاركة الأصلية كتبت بواسطة amani.a ايش هيا المواد العامه ، و المواد الحره ، و المواد الاختياريه ساعدوني مرا متبهدله في الجدول

المواد العامة : هي المواد اللي بياخذوها كل التخصصات يعني إجبارية على الكل .
هي لغة عربية1 / لغة عربية 2/ ثقافة 1 و 2 و 3 و 4

المواد الحرة : هي المواد اللي بتاخذيها من خارج كليتك
يعني إنتي ألحين بكلية العلوم ، تاخذي مواد حرة من كلية الآداب ومن أي تخصص فيها ما عندك مشكلة ..
فيه مواد حرة من قسم اللغات و اللغة العربية و التاريخ و الجغرافيا
أختاري اللي تحبي ..
لكن لنفرض مثلا إنتي من كلية العلوم تخصصك أحياء و أخذتي مادة من قسم الرياضيات .
هذي ما تعتبر مادة حرة لأنك أخذتيها من نفس الكلية ..

المواد الاختيارية : هي المواد اللي من نفس تخصصك لكن تقدري تختاري بنفسك إذا تبغي تاخذيها أو لا ..
أنا ما أعرف تخصصك لكن بأعطيك مثال ..
إنتي فرضاً تخصصك أحياء .. فيه مواد متطلبة و مواد اختيارية ..
المواد المتطلبة هي مواد لازم تاخذيها مثل : الأحياء العامة ، بيولوجيا الخلية ، الوراثة ... إلخ
المواد الاختيارية ممكن توصل لـ 20 مادة تختاري من بينهم مثلا 10 مواد تدرسينها حسب ساعات الخطة اللي المفروض تدرسيها ..
وتقدري ترجعي لخطتك الدراسية وتشوفي المواد الاختيارية وتحتاري أيش حابّة تدرسي منها ..

الخطة حتلاقيها في الأودس ..
الطالب > سجلات الطالب > المواد المتبقية من الخطة الدراسية

حتفتحي تلاقي قدامك جداول وكذا ..
آخر جدول تحت هو تبع المواد الاختيارية .. تلاقيها مواد كثيرة مع بعضها ..
هي اللي تختاري منها حسب ساعات خطتك ..

أتمنى أكون أفدتك .. بالتوفيق