لطالبات وطلاب النظم...

[....مرفأ الاحلام ....]

السلام عليكم ورحمة الله ......
انا الكلام اللي رح اقوله كتبته كمشاركه في موضوع ثاني بس ماحد رد فقلت اسوي موضوع جديد لعل وعسى احد يرد ويعطيني نصيحه تفيدني فأتمنى اللي عنده شي لايبخل عليه بعلومه ...
انا انقبلت تقنيه والحمد لله بس حابه اسألكم عن النظم لاني كنت ابغى اغير لنظم بس قفل تحديد الرغبات وقلت يمكن فيها خيره بس الآن اذا فيه مجال اغير يمكن اغير بس بعد ما اخذ الصوره الواضحه عنه ..ناس تقولي حفظ وزي كذا بس كيف حقظ يعني زي المبادئ او الحوسبه اللي كان فيها نظري كثير؟ ..
كيف تربطو مواد البزنس بالحاسب والمواد اللي من كلية الاداره والاقتصاد تاخذوها انجلش؟ ..
ويعني بعدين مجالكم تقريبا فين ؟ يعني اداره مؤسسات حكوميه مثلا او بنوك وياليت اللي اخذو تدريب يفيدونا بهذا الموضوع لانه رح يكون عندهم نظره اوسع ؟...
وشكرا لكل اللي يرد مني..

[....مرفأ الاحلام ....]

يعني معقوله مافي احد عنده معلومه تفيدني؟

[حورية النظم]

شوفي حبيبتي ترى النظم والتقنيه يدرسو نفس المواد تقريبا ونفس الكتب بس هم يدرسو شباتر واحنا النظم ندرس شباتر ثانيه طبعا هم زايدين عننا بمواد تقابل مواد البزنيس عندنا بس الي ابغى اقولك عليه ان القسمين حفظ التطبيق العملي في القسمين فقط في الاب اما بالنسبه لمواد البزنيس فهي يمكن 3 مواد مضاف لها المحاسبه وكلها مالها دخل بالحاسب وهي مواد حلوه وتعتمد على الاستاذ او الاستاذه الي يعطونها من ناحية السهوله والصعوبه واخيرا ابغى اقولك لاتحتاري بين القسمين والله انهم كلهم حفظ بس خطة التقنيه شويه مريحه في البدايه بس بعدين وقت التخرج تكون ضغظ بعكس النظم ضغط في البدايه بعدين تخف مع سنة التخرج اما بالنسبه لمجالات العمل يقولو النظم مطلوب اكثر لانه اداري يعني سوق العمل تفضل النظم اكثر من التقنيه

وبس وان شاء الله اكون افدتك

[....مرفأ الاحلام ....]

شكرا حبيبتي على ردك
لكن والله خفت لمن قلتيلي ضغط بعدين الواحد والله خلاص يبغى يرتاح وفعلا انا لاحظت هذا في الخطه لكن الله ييسر
وبالنسبه للمجالات بعدين هذا هوه اللي محيرني لاني ماابغى شيء يتعمق في الحاسب واحس النظم يشمل حاجات اداريه تناسب رغباتي ...
بس سؤال التقنيه يعني مجالاته اقل؟انا سمعت العكس؟
و شكرا مره ثانيه ....

[كرزه]

اهلا عزيزتي ,
في النظم او التقنيه كلهم حفظ وكرف وضغط لا تطلبي الراحه ابدا في القسمين
مجالات عمل النظم , اغلب شي محللة نظم , انتي تبني نظام لمؤسسة كيف تحصلي على المعلومات وتحليليها وتصممي النظام وفيه جزء برمجه هذا ملخص قسم النظم ,, وهذا اللي عملناه في التدريب
اتمنى اكون افدتك ولو بالقليل ,, اي شي انا بالخدمه لا يردك الا الكيبووورد

[Sweet_Boy]

المشاركة الأصلية كتبت بواسطة كرزه اهلا عزيزتي , في النظم او التقنيه كلهم حفظ وكرف وضغط لا تطلبي الراحه ابدا في القسمين مجالات عمل النظم , اغلب شي محللة نظم , انتي تبني نظام لمؤسسة كيف تحصلي على المعلومات وتحليليها وتصممي النظام وفيه جزء برمجه هذا ملخص قسم النظم ,, وهذا اللي عملناه في التدريب اتمنى اكون افدتك ولو بالقليل ,, اي شي انا بالخدمه لا يردك الا الكيبووورد

جزاك الله الف خير اختي ع الأقل ريحتي بالي من التفكير ..
انا الى الأن ماني فاهم ايش وظيفة هالتخصص هل هيا مثل اقسام الحاسب برمجه وزي كدا .. ولا بس مجرد تجميع معلومات وبناء قواعد بيانات يعني زي الفهرسه وكذا على ماعتقد ..
بس اضن من اجابتك وصلت المعلومه ,, وبصراحه احس هالتخصص افضل من ناحية تنوع وسهولة الدراسه .. وكذلك بالمستقبل الوظيفي بأذن الله ..
شاكر لكم مساعدتكم واتمنا لكم التوفيق ^^

[....مرفأ الاحلام ....]

جزاك الله خير كرزه وشكرا على ردك ..بس ياليت تقوليلي فين كان التدريب حقك وكمان هل مواد البزنس والاداره فيها شيء عن الحاسب والا مواد منفصله عنه وبس تدعم خلفيتك الاداريه ..لانه لوكان كذا رح تكون مواد التخصص محدوده يعني قصدي مافيها تفرع كثير ...وشكرا مره اخرى

[كرزه]

المشاركة الأصلية كتبت بواسطة sweet_boy جزاك الله الف خير اختي ع الأقل ريحتي بالي من التفكير .. انا الى الأن ماني فاهم ايش وظيفة هالتخصص هل هيا مثل اقسام الحاسب برمجه وزي كدا .. ولا بس مجرد تجميع معلومات وبناء قواعد بيانات يعني زي الفهرسه وكذا على ماعتقد .. بس اضن من اجابتك وصلت المعلومه ,, وبصراحه احس هالتخصص افضل من ناحية تنوع وسهولة الدراسه .. وكذلك بالمستقبل الوظيفي بأذن الله .. شاكر لكم مساعدتكم واتمنا لكم التوفيق ^^

ويـاك عزيزي
هالقسم جديد و مطلوب في سوق العمل وهو اعم من الاقسام الباقيه أما من ناحية سهولة الدراسه فلأ والف لأ مافي شي في الحاسب سهل كله يحتــــــاج جهد عالي وتركيز ومخ نظيف

[كرزه]

المشاركة الأصلية كتبت بواسطة ....مرفأ الاحلام .... جزاك الله خير كرزه وشكرا على ردك ..بس ياليت تقوليلي فين كان التدريب حقك وكمان هل مواد البزنس والاداره فيها شيء عن الحاسب والا مواد منفصله عنه وبس تدعم خلفيتك الاداريه ..لانه لوكان كذا رح تكون مواد التخصص محدوده يعني قصدي مافيها تفرع كثير ...وشكرا مره اخرى

ويــاك عزيزتي ,,
سين سؤال : ليش خايفه من مواد البزنس !! تراها تتكلم في اشياء عامه انتي اصلا عارفتها , عندك مادة التسويق , والسلوك التنظيمي , والمحاسبه ,<< هذا اللي افتكره
محتواها سهل وانتي معاصرته في الحياة
ومنفصله عن الحاسب زي ماقلتي تدعم خلفيتك الادارية

[E.xavi]

بالتوفيق وإن شاء الله تحصل الي يفيدك