من لديه مظلمه بشـــأن الدرجات -- الحل موجود -- لا تسكت عن حقك وستجده

[انســـــان]

المشاركة الأصلية كتبت بواسطة قموره اموره طيب انا ودي اقدم شكوى بس في نفس الوقت اخاف من العواقب .. والله محد داري بالي يصير مع الحريم اقلها الرجال انتوا على المكشوف .. واحنا كيف نشتكي ؟؟ لازم اروح لديوان المظالم بنفسي ... والشكوى عندي هنا مو الدرجة الشكوى عندي من 1- التعدي بالألفاظ علي وانا اطالب بما هو من حقي .. 2- عدم تيسير اموري في مراجعة اوراق وعدم كتابتهم لأسم محاضرتي بالأودس و اضاعة وقتي في البحث عنها وعدم التعاون نهائياً من الجهة المعنية. 3- الكذب علي وعلى زميلاتي الطالبات حيث تم بإتفاقيه مع معلمات المواد في قسم الإعلام حيث وضعوا ان تاريخ مراجعة الإسئلة يبدء من 30\7 و عطلة محاضرات الجامعة تبدء من يوم السبت 24\7 وذلك حتى لا يتسنى لنا التواصل معهم .. 4- اعطاء جدول مطبوع من الكومبيوتر بدرجاتك و الرفض التام وعدم التعاون في الكشف عن ورقة الإختبار ..

اختي الكريمه ماهو بلازم تروحي لديوان اول مره


ترسلي برقيه لديوان المظالم


وتوكلي اي شخص يراجعها وينوب عنك



سواء من اقاربك او اي انسان يستطيع مراجعتها

[الكسول]

هل تعلم معنى f يعني فاهم او فايز او فريد من نوعك واحد يرفع من معنوياته كلها عنده f

[لذعه إشتياق]

عساك على القوه ياااااااااارب ويسهل دربك ويعطيك الي ترديه

موفق يارب


وحسبي الله ونعم الوكيل فيهم يحرقون القلب الله يحرقهم يارب

[الله كريم الله]

فعلا فيه تلاعب واستهتار برصد الدرجات
انا عندي ماده ماتوقعت انجح فيها طلعت النتيجه 94
وماده اخرى توقعت اجيب فيها من 75الى 85 وطلعت نتيجه 68

[دايم الكيف]

السلام عليكم

رابع مره f في المحاسبة 102 ، ثاني مره وخرجت وانا متأكد انو مو اقل من 70 و f لما جاتني عقده نفسيه منها والترم دا مدرس و مذاكرة دوافير وحبسة في البيت ومراجعة وكلو 100 100 وبرضو f.

لكن مو هنا الهرجه !!! الهرجة انو اللي نقل مني حرفيا ما عدا اسمي وما لحق ينقل كل اجاباتي نجح ، بكره ان شاء الله اروح اطلب مراجعة الورقه وارسل برقيه في نفس الوقت ، ولا تشورو عليا بشي ثاني؟

حسبي الله ونعم الوكيل ،،،

[انســـــان]

المشاركة الأصلية كتبت بواسطة دايم الكيف السلام عليكم رابع مره f في المحاسبة 102 ، ثاني مره وخرجت وانا متأكد انو مو اقل من 70 و f لما جاتني عقده نفسيه منها والترم دا مدرس و مذاكرة دوافير وحبسة في البيت ومراجعة وكلو 100 100 وبرضو f. لكن مو هنا الهرجه !!! الهرجة انو اللي نقل مني حرفيا ما عدا اسمي وما لحق ينقل كل اجاباتي نجح ، بكره ان شاء الله اروح اطلب مراجعة الورقه وارسل برقيه في نفس الوقت ، ولا تشورو عليا بشي ثاني؟ حسبي الله ونعم الوكيل ،،،

اخي العزيز لا يضيع حق وراه مطالب

اخي العزيز من فرط في حقه فانما يشارك في انتشار الفوضى والسماح بانتشار سلب الحقوق اكثر




ان كانك مقتنع انك على صح فلا تسكت وان كانك شاك في نفسك فلا تقدم على هذه الخطوه



الا وانت كفوا لتحدي لان المساءلة فيها تحدي ولا يصمد الا الاقوياء

[الشمس الدافئه]

ياناس انا سنه تحضيريه حملت في الترم الاول 4مواد مانجحت في شي وبذات كنت متاكده ان مهارات الاتصال والتفكير
اني ناجحه فيها..الغباء اللي فيه ماراجعت انصدمت ماقدرت اقولهم ابغى اراجع الجامعه ..اش اسوووووووووي ياااااااااااناس حسبي الله ونعم الوكيل ..ابغى طريقه اعرف اكتشف درجتي فيها اللي يعرف يقولي جزاه الله خير
الرجاء الرد

[نباريس]

الآله خربانة

لا حول ولا قوة إلا بالله

الله يعافي كل استاذة ودكتورة

كان نوعية تصحيحها يدوي

جزاهم الله كل خير

[انســـــان]

الله يعافي كل دكتور تاب الى الله


ومن اصر على عدوانه وعلى جبروته فاسال الله الذي لا راد لحكمه


ان ينتقم من كل متكبر عنيد من الدكاتره الجبابره


الذين يحملون طباع بعيده كل البعد من الادب والاخلاق التعليميه المطلوبه في المعلم

[عنيد بس عميد]

أخي الكريم عز الله إنك رجل ولد رجل كفو بمعنى الكلمة
بيض الله وجهك وجزاك الله خير
يقول مستشار الوزير لدينا في العمل مسؤول كبير وفاهم يقول الآن تقدر تأخذ حقك من أكبر مسؤول مهما كان
الموهم ماتسكت وتطالب بحقك وتكون ملم ببعض أمور المحاماة لو بشيء بسيط
وفعلاً صادق أذكر الوالد في مرة من المرات صدمه واحد ينقل طالبات وسحبوا من الوالد استمارة السيارة والرجال ماخلوه يصلح سيارة الوالد وتلاعبوا حوالي شهر أخر شيء حضر الوالد على مدير الشرطة بالمنطقة وعلى طول شرح له القضية وطلب مدير الشرطة من مدير نقطة التفتيش وكان برتبة كبيرة الحضور خلال نصف ساعة على الرغم من أن المسافة حوالي 80 كيلوا وحضر الرجال في الموعد المحدد وتكلم عليه مدير الشرطة قال إحنا ماعطيناك البدلة والرتبة وحطيناك في منصبك إلا علشان تخدم المواطنين وشرشحه شرشحة وقال له الآن دق على المركز وخلهم يعطونه إثباته وخلوا الرجال يصلح السيارة له بأسرع وقت ممكن وقال لواحد من المسؤولين خذه برا وأنت يقصد الوالد الله يستر عليك وفعلا الرجال رجع ووصل للنقطة وأعطوه إثبات السيارة وبعد كم يوم يقول الوالد إن مدير المركز هذا نقلوه لمنطقة نائية وصار الوالد يجي من عند مركز التفتيش والله حتى التفتيش ماعد يفتشونه ههههههههه .
وفي قضية أخرى واحد أعرفه سجنوه حوالي عشرة أشهر تقريباً زيادة عن المدة النظامية بعد ذلك رفع قضية عليهم وعوضه بمبلغ كبير حكم به القاضي مبلغ ماكان يتصوره .
فأقول لكم ياناس ياعالم لاتسكتون عن حقكم
ولاتخافون إلا من رب العالمين
ومهما تفلسف المسؤول وتكبر لاتسكتون إعرفوا في أكبر منه
ومثل ماقال أميري المحبوب الوالد الأمير نايف وفقه الله لكل خير
في معنى حديثه اللي لديه مشكلة يوصلها للمسؤولين وراح يأخذ حقه بإذن الله .
الموهم لاتسكتون أبداً .
أحد الطلاب بيتخرج هالترم وجد إحدى المواد f رسوب والرجال ضاق وزعل وقلت له يارجال حاول تراسل الدكتور وقله إنك بتتخرج هذا الترم وإن شاء الله يدفك فيها والرجال على كلامه اتصل على دكتور المادة وقال له السالفة كاملة وراح الدكتور راجع له المادة تصدقون نجح فيها بدرجة 75 السبب خطأ في التصحيح .
على العموم سر وفقك الله وتذكر في ناس ماتحب الظلم مثل ماقلت القضاء تفاعلوا معاك .
وتذكر إنك خدمة الألاف ممن ظلموا أسأل الله العظيم رب العرش العظيم أن يوفقك في حياتك العلمية والعملية وأن يرزقك الذرية الصالحة وأن يعلي شأنك وأن تأخذ حقك وأن لاترى الظلم من أحد وأن يكفيك الله شر هذه الدنيا وشر مافيها .
أكرر شكري لك وجراءتك حفظك الله الكريم .